1 Timotius 5:1 - ALLAH ANE WENW KET MEKE WAROGO WOKNINAKHIKHE WENE

¹ Hat nen, ap inarluetek halok he, hane obatnerogo negen yogeisigidek, hopase lak negen hane liokhogonat inasuk wakhe dogono. Nen, ap elege iti re, hagarlak lak negen hinom welageik,

1 Timotius 5:1 ပူးပေါင်းရင်းမြစ်များ

Matius 23:8

Meke re, hit hinopase guru wene yakulhisekherek meke opakiat anek werek iti nen, hinagarlak lak hinerugi hinom tak-tak halok he, it aperek nen, Guru nopase, iluk yokhisausak motok dek o.

La'isasikhe 14:23

Itithogon yogeisilik dukhi aga dogolik, o yi ai ti ai, Allah a'buri natogokhe lagoukha dopok, inougi therisik dogoagaluk meldisilik iniki ageikhe sembayan uogoluk hipiri nikidek werlegat dogolik sembayan men ekhe lagoukha, “Yesus ninoe. Ha'buri inetaiken hoba hakotdiluk werek meke yi, hagasik dogonok nen iluk hat hikimo 'bogo o,” iluk sembayan ilik dukhi agoukha.

La'isasikhe 15:4

It etnogo o Yerusalem lagoukhama, it ap Yesus nen inebe inayoko 'biluk la'isasikhe meke emenogo men, it ap Allah a'buri therisik welagoukha meke men, it Allah a'buri aperek etoma inebe natogokhe lagoukha meke men, heagei warogo woginakhukha. Woginakhukhama, it nen, “Nit Allah ninom nen yigithogon hagakho, tigithogon hagakho,” iluk wene pilinogo yogeisasukha.

La'isasikhe 15:6

Yogeisasukhama, it ap Yesus nen inebe inayoko 'biluk la'isasikhe meke emenogo men, it ap Allah a'buri therisik welagoukha meke emenogo men, wene iti morerasuogoluk natogokhukha.

La'isasikhe 20:17

At Paulus ebe o Melitus etoma dogolik, it ap Allah a'buri o Efesus meke therisik welagoukha meke inebe wisuagaluk wene la'isikhe.

Roma 13:7

Halok he, it wogeisausak mekeat wogeisekhe dogono o. Uang pemerintah nen yi hasik ti hasik kino isinem wogeisausak tak-tagat wogeisigik, it inebe hinayukhogon dogosak mothogonat hinayukhogon welageik, inalon halusak tak-tagat inalon halinakhik, hagakhe dogono o.

Galatia 6:1

Nagarlak lak nerugi. At ageikhe weak hagakhunem hinileken hegep halok he, at iti apuke obabut hebelasuagaluk, hit Allah Agoreke eberogonat hinakla werek meke nen hinane erogat asuk watno. Asuk itithogon wakhunem, hit itithogonat hinoba asunogo iluk, hinekaerek hinobabut hebelogo dogono.

1 Timotius 5:17

Allah nen men isikhemo holal waganogo 'bekhe dogolik, “Sapi isok nen gandum oado wulel tagalogo eken yibilhe dogolik aperek naunogo iluk ape herle wasusak dek o. Aperek noagaluk here'isekhe dogono,” iluk isikhemo, holal waganogo 'bisukha iti o. Nen, ageikhe, “Akhuni yabu yi meke ti meke hasik hagakhunem, iniki oko wogeisekhe dogosak o,” iluk isikhemo holal waganogo 'bisukhaat. Iti nen he, ap Allah a'buri hanorogon hagasik welageikharek meke iti, it Allah a'buri tha'bokhogonat nen, “Iniki oko arat yomakhogo,” iluk apigidek, aperek inomat oba dukhogon yomakhekhe dogosak o. Itithogon hagakhe dogolik, kok hakene re, it aperek Allah ane inobatnerogon yogeisigik, yakulisigik, hagariogei meke iti, inalonhogon yomageisekhe dogosak o.

1 Timotius 5:2

humi inarluetek iti, hagosa lak negen hinom welageik, humi tugum meke inom homagarlugi tharlisik meke inom, herugi negenat, hakla weak meke ebekhidek hilaga isonhogon hinom welageik, hagakhe dogolik, inasuk hanorogon wakhe dogono.

Titus 2:2

Ap inarluetek meke iti, it inetaikenma hanorogo apigik, it inetaiken werek welageik, it inetaiken inekaerek nen therogo welageik, it inetaiken Allah ane ebeat apalok aborlok dek welageik, akhuni inakmurogo welageik, yi meke ti meke hasik inoba aik hekhe dogolik, inobakhanini hapugutdiluk welageik, hagakhe dogoagaluk inasuk wakhe dogono.

Titus 2:6

Iti hagat, it ap elege iti nen, yi meke ti meke hasik inetaiken inekaerek nen therogo dogoagaluk inasuk wakhe dogonoat o.

Yakobus 3:17

Itithogon mekeat he, Allah nen akhuni inakla kagalhunem, inobabut kok hagakharek he, weak ageikhe hagakhidek inilaga isonhogo welageikharek iti. Itithogon dogolik, akhuni inom hanorogo welageik, inobabut enago welageik, inane hologo hagakhik, akhuni inakmurogon motok welageik, o eken hano meke ikherek iti hak, hanorogon hagakhik, akhuni aperek inelokhomake 'bisigik, aperek inoporlike 'bisigik, hagakhidegat inetaiken pere welageidegat, hanorogo hagakharek iti.

Yakobus 5:14

Hit aperek hinoba u aga halok he, sembayan igik, ninoe Etagapogot etaga palogo minyak hinoba tialhik, hagasuagaluk it ap Allah a'buri therisik welageikharek meke inayoko 'bekhe dogono o.

1 Petrus 5:1

Hit Allah a'buri therisik welagathep iti hak, an itithogonat therisik welagarek meke nen hinasuk ageikhe wasik. At Kristus oba yi aik ti aik hilik hilik watlageikhe iti, an nileken hasigi. Nen, yabokane Allah nen ebe winamhogo la'isigin iti wagunem, akhuni nen hogorasugun iti, an ninom hogotninabugunat o. An nane liokhogon hinasuk wasik.

2 Yohanes 1:1

At nen, Allah a'buri therisik dogoagaluk, at nen meldanhikhe meke hinoe etnogo nen, hit Allah a'buri itakhinakhikhe meke hinebe re, he opakiat meke ebe Allah nen wenakhikhe meke eagei inom hakenema, wene yi heagei warogo holal waganogo hinoba la'i agei o. Hinebe eberogonat nakmu o. An narligat anek hinebe nakmu welagei 'buk. It inebe tha'bokhogonat ninom ebeat wene yogotak ninakla dogoluk yabokane motok-motogat dogogin meke iti waganhukhasik inilu agoukha meke nen inakmuthinakhaat o.

3 Yohanes 1:1

Gayus nagarlak o. An nen Allah a'buri therisik dogoagaluk meldanhikhe meke hinoe etnogo netaiken oba nen hebe eberogonat nakmu welagei, iluk, wene yi holal waganogo hoba la'i agei o.

A'bikaka 4:4

At kok welagarekma obolukmo turlem werek korlek, it aperek koktek welageikharekma inobolukmo 24 oba werekma, ap inarluetek inebe 24 oba nenat inasu kut meke ugu, nen, kare-kare emas meke mitago ap inetagapogot ugu welageikharek iti hak ugu meke, inebe inobolukmo iti baga hurek welageikha.