1 Timotius 4:2 - ALLAH ANE WENW KET MEKE WAROGO WOKNINAKHIKHE WENE

² Hagakhe dogolik, akhuni iniki thenap atlukmo, ki meke hakhogo heat iluk egarek iti hak, it iti inakla ko'bot atluk nen, Yi weak hagakhoma higi. Yi hano hagakhoma higi, iluk apigidek yugunat hagakhe dogogun. Itithogon hagakhe dogolik, inekalat dal-kalhogon hagarinakhe dogogun iti o.

1 Timotius 4:2 ပူးပေါင်းရင်းမြစ်များ

Matius 7:15

Itithogon yogeisasikhesik ageikhe men yogeisasikhe, “It aperek inekalat Allah ane yogeisegarek meke thalek hinoba witluk nen, hinakla kagalinogo iluk, hinobabut hebelogo dogono o. It iti inelokhoken domba ena meke hakene hagarogo nen wisugun mekeat he, inetaiken akla re, yeke helo yeke anini weak meke hakene wisugun o.

La'isasikhe 20:30

Itithogon weagarinakhe korlek, ap hit meke aperek melatluk nen, akhuni Yesus ane waganhukha meke lisogonat woginabuogoluk, wene korlo wene yakulisekhe dogogunat o.

Roma 1:28

It nen, “Allah ebe ninilu dogosak nina'it o” iluk at ebe it inakla meanetdisukhama, at nen, “It inakla apiliogei iti korlo o. Na'it. It nen weak mekeat he, hano iluk apegarek iti, itithogon inoba tomok apekhe dogolik hagasusak dek meke hagarekhe dogonek,” iluk inebe here'isekherek.

Roma 16:18

It iti, ninoe Etagapogot Kristus apma dogolik, at hasik hagariogei 'buk. We, inekaerek inakla warlok meke hagariogei o. Itithogon hagakhe dogolik, inane hano igik, enago igik, ekhe dogolik, it akhuni aperek inobabut, “I o,” anek egarek meke iti nukhetdisiliogei iti.

Efesus 4:14

Itithogon hagakhe dogolik, ninobabut yekerugi inobabut hisakne nen i hoklabu sabulogo lageik-wageik hagakherek iti hagat, nit itithogon hagakhe dogoak nen iluk, it akhuni aperek inobabut mirlok-marlokthek meke nen inekalat mekeat he, eberogonat thalek nukhetdinanuogoluk, wene ninat wene eran-alep yoknisariogei iti inane holusak dek o.

Efesus 4:19

It inobabut he, “Weak hagakhe lago,” iluk, inayukhogon welageikharek dek. It nen ekhe dogolik, “Nit he, weak hagarekhe dogogun o” iluk, yi weak ti weak inekarli degat warlokhogon hagariliogei iti o.

2 Timotius 3:5

akhuni inil oba, Allah a'buri thalek dogolik, inakla nen Allah obatne iti meke here'isigik, hagakhe dogogun o. Yogotak akhuni inobabut iti hakene aperek hagariogei meke halok, hinom hunik dogogup o.

A'bikaka 16:14

Mokat iti inebe Iblis agarumi meke akhuni inoba duk i agunem hagasusak dek meke elalinat hagakharek meke etnogoat o. It itithogon dukhi ageikhasik nen, Allah obatne horleakma yi meke ti meke hagasusak erlok anek etnogo ai wi asigin iti baga wim inom yabuogoluk, ap inetagapogot o yi ai ti ai natogorinabuogoluk, wim yoko laga lageikha hisigi.