1 Timotius 3:4 - ALLAH ANE WENW KET MEKE WAROGO WOKNINAKHIKHE WENE

⁴ ekaerek nen a'buri meke hano karelogo hagasik werekma, at a'buri nen inopase apma dogolik alon halogo hagakhik, ane isinem hologo hagakhik, hagakharek meke halok, inobabut itigirlik meke halok Allah a'buri therisik dogosak o.

1 Timotius 3:4 ပူးပေါင်းရင်းမြစ်များ

La'isasikhe 10:2

At ebe men, a'buri men, Allah ayukhogon dogolik hogorakhe lagoukha. Hogorakhe dogolik it akhuni Yahudi meke emenogo aperek inameke dek meke kokhogon yomageisekhe dogolik, sembayan huk ageidek isi motok welageikhe.

Efesus 5:24

Nen, nit Allah a'buri Kristus apma dogolik ane hologo hagakhorek hak, hit humi, yi meke ti meke hasik tha'bokhogonat hagasuogoluk, hinaguniat inapma dogolik inane hologo hagakhe dogono o.

Filipi 4:8

Nagarlak lak nerugi. Wene ilugun oba yi ageikhe yokhisak. Hinakla ebekhe dogolik, hanorogon hagakhik, hogorinabusak meke hagakhik, hagariogei meke oba ebekhe dogono. Iti ebe re, wene eberogonat meke oba ebekhik, hogorasusak meke oba ebekhik, mothogon hagakharek meke oba ebekhik, weak meke thogotdiluk hano anek hagakharek meke oba ebekhik, inobabut heanerogon hagakharek meke oba ebekhik, inoba la'buk usak meke oba ebekhik, ebekho motogat dogono.

1 Timotius 3:12

It ap Allah a'buri aperek yomageisegarek meke dogosak iti, inagugi opakiat waganek dogolik, ina'buri inom, inagarumi inom, hanorogon karelogo hagasik welageikharek meke halok, meldisausak o.

Titus 1:6

Akhuni Allah a'buri aperek therisik dogoagaluk meldisausak iti, inobabut yi hakene meke meldisausak o. Akhuni aperek nen, “At weak,” iluk wene oba 'biliogei dek meke halok, age opakiat waganek meke halok, a'buri inetaiken Allah oba hakotdiluk welageikharek meke halok, it aperek nen ekhe dogolik, “Ap yi a'buri inasuk warek dek yugunat hagariogei iti nina'it,” iluk, abok paliogei dek meke halok, meldusak o.

Titus 2:2

Ap inarluetek meke iti, it inetaikenma hanorogo apigik, it inetaiken werek welageik, it inetaiken inekaerek nen therogo welageik, it inetaiken Allah ane ebeat apalok aborlok dek welageik, akhuni inakmurogo welageik, yi meke ti meke hasik inoba aik hekhe dogolik, inobakhanini hapugutdiluk welageik, hagakhe dogoagaluk inasuk wakhe dogono.

Titus 2:7

Inasuk itithogon wakhunem, it nen, hat hobabut waganhe dogoak nen, yi meke ti meke hasik hagakhe dogolik hobabut mothogon hagakhe dogono. Itithogon hagakhe dogolik, “Wene yi kogat,” iluk mothogon yakulisekhe dogono.