1 Timotius 3:2 - ALLAH ANE WENW KET MEKE WAROGO WOKNINAKHIKHE WENE

² Iti nen, ap Allah a'buri therisik dogoagaluk, inobabut he, yi hakene meke meldisausak. Akhuni aperek nen, “At weak,” iluk wene oba 'bigidek meke halok, age opakiat meke halok, weak hagasuagaluk akla kagalhunem etaiken ekaerek therogo welagarek meke halok, etaiken kagalek meke halok, hagasusak meke tak-tagat hano hagakherek meke halok, ap huso wagunem woginakhik, hipiri inobasik hanorogon isakhik, werakhik, hagakherek meke halok, obabut wene hanorogon yakulisekherek meke halok,

1 Timotius 3:2 ပူးပေါင်းရင်းမြစ်များ

Lukas 1:6

It age ipisak iti ninopase Etagapogot nen, “Yigithogon hagatno, tigithogon hagatno,” iluk, yakulnisigik, ninasuk wakhik, isikhe meke etnogo, motok mothogonat hagakhe lagoukhama, at Allah nen, “It iti inobabut hano motok,” iluk, ekagat ileken isekhe lageikhe.

Lukas 2:36

Nen, o etoma he ageikhe Allah ane yogeisekhe lageikhe meke etaga Hana ap Fanuel a'but, ukuloak etaga Asyer meke welageikhe. He iti agun waganhikhesik oba nen, 7 tahun ipisak welagoukhasik,

Roma 12:13

Allah a'buri meke yi meke ti meke dekma werek halok supurisigik, ap huso inebe hinokodek meke wagunem hinaila hanorogon woginakhik, hagakhe dogono o.

1 Timotius 3:12

It ap Allah a'buri aperek yomageisegarek meke dogosak iti, inagugi opakiat waganek dogolik, ina'buri inom, inagarumi inom, hanorogon karelogo hagasik welageikharek meke halok, meldisausak o.

1 Timotius 3:8

Iti hagat he, Allah a'buri meke yomageisekhe dogoagaluk, inobabut yi hakene meke meldisausak. Inilaga yamukthek meke halok, inane pere egarek dek meke halok, anggur eken apusu nasi motok dek meke halok, uang, yi meke ti meke, hano meke, “An meke anek dogolep,” apegarek dek meke halok, meldisausak o.

1 Timotius 4:3

It nen wene ekhe dogolik, Humi woginabusak motok dek, igik, Yi meke ti meke nekarek meke iti, ageikhe yi meke usa. Neke dogosak dek, igik, ekhe dogogun,” iluk, Allah Agoreke nen yoknisasikhe tak-tagat iliogei iti o. Meke re, nekarek meke iti, Allah nen nit ninetaiken at oba hakotdiluk dogolik, ebe wene iti hutdogo halok he, heagei warogo neke dogoagaluk winametdisikhe meke hasigat iliogei iti o.

1 Timotius 5:10

It akhuni aperek nen it humi thoge meke iti inabok ekhe dogolik, “It inobabut hano hagariogei,” iluk egarek meke halok, inetaga holal waganusak. Hano hagakharek iti, inekaerek ineagei hanorogon kogorinakhik, ap huso wagunem, inebe hanorogon woginakhik, Allah a'buri aperek inisok obake thobalinakhik, it aperek weak werekma yomageisigik, iniki ageikhe huk agedek yi meke ti meke hasik yomageisekho motok welageik, hagakharek meke halok, inetaga holal waganusak o.

1 Timotius 5:22

Akhuni aperek Allah hasik hagakhe dogoagaluk, inukuloak ibat-ibat thebelinakhe dogogun o. Nen, it aperek weak hagakhunem hinom hagakhidek hilaga isonhogo dogono.

1 Timotius 5:9

It humi thoge meke Allah a'buri nen yomageisekhe dogoagaluk inetaga holal waganugun halok he, inebe itaklagoukhasik oba nen umur 60 tahun aban hagatlageidek meke inetaga waganusak dek o. Umur 60 tahun arat hagatlaga meke halok inetaga holal waganusak. Meke re, inaguni opakiat motok waganek werekma thoge 'bisega meke halok he, inetaga waganusak.

2 Timotius 2:24

At tha nen ninoe Etagapogot atuaneke hagakhe dogolik, itithogon hagasusak dek. Akhuni tha'bokhogonat inobabut liokhogon hanorogon inom dogosak o. Obabut obakhanini hapugutdiluk dogolik, akhuni wene hanorogon yakulisekhe dogosak o.

Titus 2:2

Ap inarluetek meke iti, it inetaikenma hanorogo apigik, it inetaiken werek welageik, it inetaiken inekaerek nen therogo welageik, it inetaiken Allah ane ebeat apalok aborlok dek welageik, akhuni inakmurogo welageik, yi meke ti meke hasik inoba aik hekhe dogolik, inobakhanini hapugutdiluk welageik, hagakhe dogoagaluk inasuk wakhe dogono.

Ibrani 13:2

It akhuni aperek nen, malaikat meke inebe ap huso thalek inobakha palek woginakhukhasik inarini isakhukha iti nen, ap huso hinoba wago halok, hinobakhanini here'isigidek woginakhe dogono o.

Ibrani 3:14

Itithogon hagakhe dogolik, ebekeram ninetaiken at oba hakotdisugu meke itiat, niniki nomokhogon herogo werekma, hurli ilugun oba hago dogogun halok he, nit Kristus agarlak lak erugi agosik welago o.

1 Petrus 4:7

Yi meke ti meke tha'bokhogonat ilugun oba hagatlasigin meke horogat asi aga iluk, sembayan ekhe dogouogoluk, hinetaiken thebekhogon dogolik, hinobabut hebelogo dogono.

1 Petrus 4:9

Hinagarlak lak hinerugi hinom, hit aperek nen it aperek inaila lageik, it nen hit hinaila wageik, hagakhe dogolik, inebe woginakhik, hinakla nen, “Na'it o,” iluk apigidek woginakhe dogono.

1 Petrus 5:8

At Iblis, hinathili meke etnogo nen, singa yeke helo anini weak meke yi meke ti meke haumhogo nagaluk ane ke agan herarik nekherek iti hak, “Tha hak weagatdigin,” iluk herakhinabik liliogo iti, hinobabut hebelogo hinileken hanorogon dogono o.