1 Timotius 3:14 - ALLAH ANE WENW KET MEKE WAROGO WOKNINAKHIKHE WENE

^14-15 An ibat 'bikheasigiluk nakla apekhe dogoligat he, aban wageidek dogogin halok, nit Allah a'buri ninom dogolik ninobabut hagakhe dogosak meke hilu asuagaluk wene yi tha'bokhogonat holal waganogo hoba la'i agei iti o. O oak tilik oba nen o herlaga a'bethogon welagarek iti hak, nit Allah iluk motok welagarek meke a'buri natogokhorek iti baga nen, Allah ane ebe wene a'bethogon hago welagorek iti o.

1 Timotius 3:14 ပူးပေါင်းရင်းမြစ်များ

1 Korintus 11:34

Hit hinebe natogorlek werekma, wene hinoba asunogo nen, hit aperek nen hipiri abu halok he, hinaila nalok nen wisusak o. Nen, wene ageikhe an nebe wagei halok nen moretdigin o.

1 Tesalonika 2:18

Walhekhe dogolik, an Paulus nekaerek niki alep ageikhe wisigiluk walhigik, yabokane ageikhe wisigiluk walhigik, hagakhigi mekeat he, Iblis nen nagolak palhikhemo huk agagi iti o.

1 Timotius 3:13

It nen Allah a'buri aperek hanorogon yomageisugunem, Allah a'buri nen inabok hano ekhe dogolik inane inalonhogon yogeisekhe dogogun.Itithogon isinem, it nen he, wene ninetaiken Kristus Yesus oba hakotdogorek wene iti hasik, inayuk dek pakhogonat yogeisekhe dogogun o.

1 Timotius 4:13

An nebe aban wageidek werek korlek, Allah ane holal waganek itiat it aperek inasuk holuak nen, etaga thalhik, inasuk wakhik, yakulisigik, hagakhe dogono.

Filemon 1:22

Itithogon hagakhe dogolik hit tha'bokhogonat nen an hasik sembayan Allah ayoko 'bekhe lagap iti nen, at nen yabokane niki herle hisalogo ula'aniluk hinoba woknarik wisigin apekhe lagei. Halok he, an yabokane hinoba witluk noge usak hasik, hat nen haila etoma o kamar ageikhe karelogo 'baniluk dogono.

Ibrani 13:23

Nen, ninagot Timotius etnogo, ebe arat herle hisalogo ula'egama nen hinilurogo dogobageik iluk yokhisigi o. At ebe ibat-ibat an noba waga halok he, an yabokane hit hinoba 'bithisa aga dogolik nipisak wisugun o.

2 Yohanes 1:12

Wene doalegat hinoba la'isusak werek mekeat he, disu apusu thuesika baga holal waganusak, na'it o. Ninakla arleken akhekhe lago meke iti ebenageikmo arleken akhauwogoluk, opakimo wenekak ninom ninilhaoak hut-hut uogoluk, an nebe hinoba wisigin apekhe lagei o.

3 Yohanes 1:14

An nebe ibat-ibat hoba witluk wenekak ninom ninilhaoak oba hut-hut ugun o, iluk apekhe lagei.