1 Timotius 3:10 - ALLAH ANE WENW KET MEKE WAROGO WOKNINAKHIKHE WENE

¹⁰ It ap iti aban meldisigidek dogolik inobabut tak palhe dogoumo, akhuni aperek nen, “At weak,” iluk, wene inoba 'bigidekma karelek welageikharek meke halok, ekagat hutdisalok nen, Allah a'buri meke aperek yomageisekhe dogoagaluk, meldisekhe dogosak o.

1 Timotius 3:10 ပူးပေါင်းရင်းမြစ်များ

1 Korintus 1:8

Yabokane ilugun oba ninoe Etagapogot Yesus Kristus wisigin itinem, hit weak werekma 'bithisa wisunogo iluk, at Kristus nenat hinetaiken horlethinakhe dogogin o.

Kolose 1:22

Itithogon mekeat he, hit hinebe at Allah ekaerek hasik 'bakhalok, at il oba wene hinoba dekhogon hano karelek dogoagaluk, a'but ebe watlageikhe iti baga, ekaerek hinom dapulogo 'binageisikhemo welagap iti o.

1 Timotius 3:13

It nen Allah a'buri aperek hanorogon yomageisugunem, Allah a'buri nen inabok hano ekhe dogolik inane inalonhogon yogeisekhe dogogun.Itithogon isinem, it nen he, wene ninetaiken Kristus Yesus oba hakotdogorek wene iti hasik, inayuk dek pakhogonat yogeisekhe dogogun o.

1 Timotius 3:2

Iti nen, ap Allah a'buri therisik dogoagaluk, inobabut he, yi hakene meke meldisausak. Akhuni aperek nen, “At weak,” iluk wene oba 'bigidek meke halok, age opakiat meke halok, weak hagasuagaluk akla kagalhunem etaiken ekaerek therogo welagarek meke halok, etaiken kagalek meke halok, hagasusak meke tak-tagat hano hagakherek meke halok, ap huso wagunem woginakhik, hipiri inobasik hanorogon isakhik, werakhik, hagakherek meke halok, obabut wene hanorogon yakulisekherek meke halok,

1 Timotius 3:6

Ap ageikhe Allah ane aban kerat waganhe meke meldisinem, Allah a'buri therisik dogolik, ekaerek nen hogorakhaumo, Allah nen Iblis ukum wogokhikhe hak, itithogonat ukum oba 'busak iti nen, Allah a'buri therisik dogoagaluk meldusak dek o.

1 Timotius 5:22

Akhuni aperek Allah hasik hagakhe dogoagaluk, inukuloak ibat-ibat thebelinakhe dogogun o. Nen, it aperek weak hagakhunem hinom hagakhidek hilaga isonhogo dogono.

1 Yohanes 4:1

Nagarlak lak nerugi. Nakmu lak o. Akhuni inebe doalegat nen, “Nit nen Allah ane yokhisekhe lago,” iluk inekalat iliogei meke inebe arat thelekma ageikhasik, o yi ai ti ai liliogei iti nen he, aperek hinoba witluk, wene yokhisugunem, hit nen he, “Allah Agoreke akla dogolik yoknisiliogo,” iluk hinetaiken inoba ebekhup o. At he, “Eberogonat Allah Agoreke akla dogolik iliogo a? Ninat meke akla dogolik yoknisiliogo a,” iluk inobabut tak paliluk nen, inebe hutdisekhe dogono o.