1 Timotius 2:10 - ALLAH ANE WENW KET MEKE WAROGO WOKNINAKHIKHE WENE

¹⁰ Inobake waganu hak he, inobabut Allah a'buri dogolik hagasu hagat, it aperek hanorogon yomageisekhe dogoak.

1 Timotius 2:10 ပူးပေါင်းရင်းမြစ်များ

La'isasikhe 9:36

O Yope etoma, he ageikhe etaga Tabita welageikhe. (Akhuni Yunani inane baga etaga Dorkas u hak, wam rusa etaga meke thalhukha.) At he iti, ninoe Etagapogot Yesus ane waganhikhesik, yi meke ti meke hano hagakhe dogolik, akhuni inameke dek meke yomageisekho motok welageikhe.

La'isasikhe 9:39

“I o. Halok he, usauwok ta,” iluk inom usasukha. Usasukhasik nen, Petrus ebe wolok henaipu inom dageisukha. Henaipu dageisukhasik werekma, it humi thoge meke at oba horokhogon natogosi agoukhasik, de aga dogolik, su akmanke meke dek, itikmanke uan meke dek, he Dorkas iluk oba inom dogolik, ikhogo 'bisasikhe meke inuguthasukha.

Efesus 2:10

At nenat hano hagarogo 'binanhikhemo welago. Iti nit Kristus ninom hunik dogolik, yi meke ti meke hanorogon hagakhe dogoagaluk, ninobabut ket ninat winametdinanhikhe iti, ebe Kristus Yesus oba nenat winametdinanhikhemo welago.

1 Timotius 2:11

It inane degat dogolik, wene yakulisugunem, inasuk hologoat dogoak o.

1 Timotius 2:9

Iti hak, it humi re, inisi dalhik, mikhak ikharek hak emas meke ikhik, ilepali ikharek hak mutiara meke ikhik, su oko kok meke ikhik, hagasusak motok dek. Inilaga isonhogon dogolik, inobake thiokhogon waganusak mekeat waganhe dogoagaluk yakulisanogoluk yokhigi iti o.

Titus 2:14

Nit alep Allah ane here'isalok yi weak ti weak hagakhe lagagu iti nen niniki herle warogo negen haknisik werekma, at Yesus Kristus nen he, “It inebe an nekaerek na'buri atluk nen, inobabut hano meke akilukhogon hagakhe dogoak nen, inebe herle hisalogo inoko paligiluk, an nebe watlasigin,” iluk isikhe.

Titus 3:8

igi iti eberogonat o. Hat nen it aperek inetaiken Allah oba hakotdiluk werek meke halok, akhuni aperek inobasik hanorogon yomageisegarek iti meke kogotdiluk akilukhogon hagakhe dogoumo, akhuni tha'bokhogonat inobasik hano motok, iluk, itithogon hagakhe dogoagaluk, inasuk hobatnerogon wakhe dogonogoluk, an nakla apigi meke yokhigi iti o.

1 Petrus 2:12

It akhuni itikmanke meke Allah inokodek meke hinom dogolik, it nen, hit weak hagakhe lagap meke thalek, “It weak hagariogei o,” iluk hinabok weak ekhe dogoligat, hit hinobabut hano hagakhunem inileken hisekhe dogoluk nen, akhuni nen at Allah ebe yabokane wagunem hogorasuagaluk hit hinobabut mothogon hagakhe dogono o.

2 Petrus 3:11

Yi meke ti meke tha'bokhogonat itithogon dek asigin iti nen, hit hinobabut nikithogon hagakhe dogosak apegep. Allah nen hagasigin itinem pogot hetu 'bumo re, amulok nen tha'bokhogonat nikik, yi meke ti meke erlo inom herlenhogo nikik, hagasigin iti nen, weak hagakhidek hinobabut karelogo dogolik, hinebe Allah hasik 'bisalok, at ebe therogo dogolik, ebe ibat wisuagaluk hinobatnerogon hagakhe dogono.

A'bikaka 2:19

Hit hinobabut hagakhethep meke iti an nilu o. It akhuni aperek hinakmurogon welagathep iti inom, hina'it ageidek hinobabut hupukhogon welagathep iti inom, it aperek yomageisegethep iti inom, it aperek nen yi aik ti aik hinoba 'bisi korlegat, hinobakhanini hapugutdiluk welagthep iti inom, tha'bokhogonat an nilu o. Nen, alebageik pererlagat negen hagakhe lagagip mekeat he, yogotak motok doalegat hagakhe lagap iti, an niluat o.