1 Timotius 1:9 - ALLAH ANE WENW KET MEKE WAROGO WOKNINAKHIKHE WENE

⁹ Eberogonat he, wene Allah nen ninasuk wakhikhe wene iti, akhuni mothogon hagakharek meke hasik isikhe 'buk. Akhuni inasuk warek dek holu'buk hagakharek meke inom, Allah ina'it dogolik weak hagakharek meke inom, inebe Allah hasik 'bisigidek Allah ane thagalogo hagakharek meke inom, inopase inagosa lak inebe motok inakharek meke inom, akhuni aperek yugunat inebe debekhogon motok inakharek meke inom,

1 Timotius 1:9 ပူးပေါင်းရင်းမြစ်များ

Matius 10:21

Agarlak ageikhe nen he, at ekaerek agarlak ageikhe wasuagaluk wolok lageik, opase nen he, a'but wasuagaluk wolok lageik, ina'buri nen, inagosa inopase ina'it atluk inasuagaluk inabok palhik, hagasugunat o.

Roma 1:30

thelekma igik, Allah ebe ina'it motok welageik, inayuk dek negen welageik, inekaerek nen hogorakhigik, inakeke 'bakhigik, weak meke aperek hagasuogoluk inekaerek inakla kagalhik, inagosa inopase inane holhidek hagakhik, hagakharek iti.

Roma 4:13

At Allah nen, Abraham men yogokhikhe, “Agat oba o yi ai ti ai tha'bokhogonat nen, hat men, hat nen itago meke men, hinom iteerek asugun o,” iluk abok yogeisasikhe. Itithogon yogeisasikhe iti, wene at nen ninasuk wakhikhe wene etnogo hologo mothogon hagakhe lagoukha baga yogeisasikhe 'buk. Dek o. At etaiken Allah oba hakotdisikhemo, at Allah nen, “Wene hoba meke korogo wokhigirik, hapuke nipisak hunogo 'bagagi,” iluk yogokhikhe iti baga agat abok yogeisasikhe iti.

Roma 5:20

Meke re, at ageikhe weak hagakhikhesik oba Allah ane thagalogo weak hagakharek meke akin asuagaluk, Allah nen wene ninasuk wakhikhe wene yabokane woknisasikhe. Weak hagakharek iti wialarik laga korlegat, Allah obabut hano nen akmutninakherek iti, ebenageik motok kogat ageikhe.

Roma 6:14

Hit nen, wene Allah nen ninasuk wakhikhe wene etnogo oba hakokthek welagap dek. At he, Allah obabut hano nen akmutninakherek iti oba hakokthek welagap iti nen, weak meke apma dogosak dek o.

Galatia 3:19

Halok he, wene Allah nen ninasuk wakhikhe iti nenaluk. Iti, nit akhuni weagat hagakho welagagu meke iti 'bualasuagaluk, ninasuk yabokane wakhikhe iti. Meke re, wene iti Abraham nen itago meke ageikhe wogosigin iluk, abok yogokhikhe etnogo, ebe aban itaklageidek werek korlek elanma hasik wene ninasuk wakhikhe wene etnogo, malaikat nen Musa yogokhunem at ebe turlem heisogo dogolik, akhuni yakulisoagaluk malaikat inayoko 'biluk la'isa ageikhe iti.

Galatia 5:18

Allah Agoreke nen, “Itithogon hagatno,” iluk, yakulhisugunem hagakhe dogogun halok, wene Allah nen ninasuk wakhikhe wene etnogo baga yabokane wene hinoba 'bigin dek o.

Galatia 5:21

inakla nen, it ninat meke inameke, “Warlok e,” apigik, apusu 'bit negen nalok hunu-hunu palhik, pesta weak hagakhik, hagakharek iti inom, aperek itithogon hagakharek meke tha'bokhogonat inom, hasik igi iti. It akhuni itithogon hagariogei meke, Allah apma 'bisekherekma etoma iteerek asugun motok dek o, iluk, wene iti hasik alep yokhisasigi hak, yabokane hinasuk warogo yokhisigiat iti.

Galatia 5:23

inetaiken thebekhogon welageik, inekaerek nen inasuk warek welageik, hagakharek itiat o. Inobabut itithogon hagakhunem, wene ageikhe inoba 'begarek nogo? Motok dek o.

2 Tesalonika 2:8

at obabut motok weak meke iti thelekmaat wisigin. Witluk nen, weak hagakho werekma, ninoe Etagapogot Yesus hogorakho korlek yabokane waga dogolik apelaga nen huphogon ebe warogo motok degetdisigin.

1 Timotius 4:7

Akhuni nen wene suakane ebe wene dek mekeat he, yugunat inekalat pilinekharek meke iti here'isekhe dogono. Here'isalok, Allah apma dogolik hagakharek meke itiat hobatnerogon yakulekhe dogono.

1 Timotius 6:20

Timotius na'but o. Allah nen hayoko 'bekhe dogolik, “Yi meke hagakhe dogono,” iluk, hoba 'bisikhe meke itiat hanorogon herogo dogolik, hobatnerogon hagakhe dogono. It aperek nen Allah ane usak meke iti igidegat dogolik, we yugunat, dek asigin meke hasigat wenemuk yakhe dogolik, “Wene ninilu,” iluk iliogei iti inokodek dogolik iliogei o. It iti nen, “Wene ebeat meke arat hutdogo,” iluk ekhe dogolik, Allah ane eberogonat meke here'isalok nuk asi dukhega iti nen, wene iti meke waganhidek here'isalok dogono. Allah obabut hano etnogo nenat hakharik dogoak o.

2 Timotius 2:16

Meke re, it akhuni aperek nen ebe wene iti dekma, yugunat, dek asigin meke iliogei iti, here'isalok mirlokhogon laga dogono. It iti itithogonat ekhe dogolik, Allah ebe here'isalok hikhogon-hekhogon horla dukhiliogei iti o.

2 Timotius 3:2

Akhuni inetaiken hunik inekaerek inebe hasik inom, uang hasik inom, kogotdigik, inekaerek nen hogorakhigik, siatdakhigik, inane puk weak wenageisigik, inagosa inopase lak inane holhidek here'isigik, heagei warinakhidek inobabut weak hagakhik, Allah hasik hagakhidek ina'it motok welageik,

Titus 1:10

It akhuni aperek doalegat ebe wene hologo mothogon hagakhidek hagariogei iti. Itithogon hagariogei iti, inebe doalekmake, it Yahudi inoado aperlagap itithogon palek meke, hano wene waganhukhasik nen, yabokane wene ebe wene dekmaat, yugunat akhuni inawene meke ekhe dogolik, it aperek nukhetdisiliogei iti o.

Titus 1:16

It iti nen he, inape baga nen, “An Allah ebe nilu o,” iluk, inane pakhogon ekhe dogoligat, “Ebe ninokodek,” iluk u hak, inasuk warek degat, Allah alilo meke hagakhe dogolik, yi meke ti meke hanorogon hagasusak it motok erlok dek werek iti.

Titus 1:6

Akhuni Allah a'buri aperek therisik dogoagaluk meldisausak iti, inobabut yi hakene meke meldisausak o. Akhuni aperek nen, “At weak,” iluk wene oba 'biliogei dek meke halok, age opakiat waganek meke halok, a'buri inetaiken Allah oba hakotdiluk welageikharek meke halok, it aperek nen ekhe dogolik, “Ap yi a'buri inasuk warek dek yugunat hagariogei iti nina'it,” iluk, abok paliogei dek meke halok, meldusak o.

Titus 3:3

It itithogon hagakhe dogosak iti, nit alep ninetaiken dek ninobabut kepu negen, ninasuk warek degat, nil-hilhogon hagakhe dogolik, akhuni inougi koktek inapma welageikharek hak, inoba agaken dageigik, inakla nen yi meke ti meke warlok apigik, hagakharek iti meke apma negen welagagu. Itithogon dogolik, it aperek weagarinakhik, ua palhik, it aperek nit motok ina'it hisigik, nit nen it nina'it isigik, hagakhe lagagu.

Ibrani 11:31

Itithogon hagatlagunem, at he Rahab yugunisake hagakhe lageikhe meke iti meneke, etaiken Allah oba hakotdiluk, it ap Israel meke wim il waganhe wagoukha meke emenogo inebe hano woginakhikhe iti nen he, it akhuni aperek Allah ane waganusak ina'it meke inebe motok inakhe dogolik, at he iti anek he, wakhidek thogotdisukha iti.

Ibrani 12:16

At Esau hipiri abu nen, men isikhe, “Makusa itago an atma, an ite asigin meke iti kok he, dek. Nagot ite asuak,” iluk hipiri piring opakiat temerek meke hasik, at agot oba oko waganhikhe iti hak, hit aperek param hagakhik, wene ebeat meke kogotdigidek hinakla puk ageik, hagakhe dogogup o.

1 Petrus 2:7

Hit hinetaiken at oba hakotdiluk welagap meke nen, “At hano motok,” iluk hutdekhe lagap iti. Mekeat he, it aperek inetaiken at oba hakotdigidek meke inobasik anek he, men isikhe, “It ap tukang o helekit meke halharek meke nen, o ebe halhe dogolik, Helekit yi weak, iluk here'isega meke iti herlaga hagatlaga yi,” iluk isikhe.

1 Petrus 3:20

Inagoreke iti inebe re, haganeat at Nuh nen ku kok meke halhe korlek, Allah obabut hano nen therisik werek korlegat, wene waganhidek here'isalok weak hagakho motok werekma i thalukhogon waga dogolik inakhukhama watlagoukha meke iti. Itithogon inakhe korlegat, it aperek ku kok meke akla ukiluk welagoukha meke, inebe 8 nen pererlagat i thalukhogon wageikhe iti baga tilinakhikhe iti.

1 Petrus 4:18

Akhuni nen Allah ane baga men isukha, “Akhuni mothogon hagariogei meke, Allah nen tilinabusak dek hakene werekma, tilinabigin iti halok, it Allah ebe inakla meanetdiluk weak hagariogei meke iti nikithogon hagarinabigin apegep?” iluk holal waganogo 'bisukha.

Yudas 1:15

Usatluk akhuni tha'bokhogonat wene inoba 'bigik, kokhik, hagakhe dogolik, it akhuni Allah ebe ina'it meke inebe tha'bokhogonat wene inoba 'bigin o. It Allah ebe ina'it dogolik, yi weak ti weak hagariogei meke dopok wene inoba 'bigik, Allah ina'it nen weak hagakhe dogolik inane puk weak at abok weak paliogei meke iti inebe dopok ukum inoba 'bigik, hagasigin o,” iluk isikhe.

A'bikaka 21:8

Itithogon mekeat he, it akhuni aperek inayuk holik meke inom, inetaiken Allah oba hakotdigidek meke inom, Allah alilo meke hagakharek meke inom, akhuni inakharek meke inom, param ha'isigik, ha'isoagaluk hagakhik, hagarek meke inom, elo dek elalinat inakharek meke inom, inetaiken kaneke oba hakotdiluk dogolik, hogorakharek meke inom, inekalat egarek meke tha'bokhogonat inom, i laut hetu meke yekelek werekma, hotali al hakene obasi weak meke etaga belerang inom-inom amulok nasi motok welagarekma etoma inobolukmo la'isagein. La'isagein iti, inebe alebageik elanma hasik watlatlukmo nen, yabokane watlasugun meke itiat o,” iluk yoknekhe.

A'bikaka 22:15

Itithogon mekeat he, it akhuni aperek weak inalilo meke yeke hagakharek hak hagakharek meke inom, it elo dek elalin inakharek meke inom, it param ha'isigik, ha'isoagaluk hagakhik, hagakharek meke inom, it akhuni inakharek meke inom, it inetaiken kaneke oba hakotdiluk dogolik hogorakharek meke inom, it inape baga nen nukhetdisigik, yi meke ti meke hagakhe dogolik, nukhetdisigik, hagakharek meke inebe tomok inom, tha'bokhogonat o kota iti abel itikmanke dogogun o,” iluk yoknekhe.