1 Timotius 1:8 - ALLAH ANE WENW KET MEKE WAROGO WOKNINAKHIKHE WENE

⁸ Wene Allah nen ninasuk wakhikhe wene iti, nit nen hutdiluk, hagasusak tak-tagat hagakhe dogogun halok, hano o, iluk ninilu.

1 Timotius 1:8 ပူးပေါင်းရင်းမြစ်များ

Roma 12:2

Akhuni yoma hagariogei meke iti inobabut waganhup o. Hinobabut ket ninat hagatlasuagaluk, at Allah nenat hinakla ket meke hagathinakhe dogoak o. Itithogon hagathinakhe dogoumo, at akla nen, “Yigithogon hagasuak, itithogon hagasuak,” iluk apekherek iti ebe hinilu asigin o. Hano meke ebe itiat o. At Allah akla hanorogo hagakhik, inetaiken horle ageik, hagakherek iti nenat o.

Roma 7:16

An nakla nen warlok apegerek meke dek. Na'it apegerek meke hagakhe lagei iti, “Wene Allah nen ninasuk wakhikhe wene itiat hano,” iluk u hagat hagakhe lagei o.

Roma 7:18

Mothogon hagasigiluk warlok apegerek mekeat he, ebe an nen hagasusak erlok dek o. Iti re, an nobabut nen, hano meke ageikhe hagakherek 'buk. Nobabut akhuni inobabut meke inikhogat dogolik hagakhe lagei, iluk nilu o.

Roma 7:22

An nakla nen, “Wene Allah nen ninasuk wakhikhe wene iti hano,” iluk apegerek mekeat he,

Galatia 3:21

Halok he, wene Allah nen Abraham, “Wokhesigin,” iluk, abok yogokhikhesik nen, yabokane ninasuk wakhikhe wene iti, akhuni aperek inom agorek welageikharek iti palharek hak hagatlasigin usak a? Motok dek o. Wene ninasuk wakhikhe wene etnogo baga ninilugutninabigiluk wokniselepma re, wene iti bagaat wene ninoba meke korogo wokhalok, Allah ninom yabokane ninapuke hunogo 'binanilep iti.

2 Timotius 2:5

Nen ageikhe, tha ae 'busuk tha ae 'busuk werek laga dogolik, ap inayoko 'bekherek meke nen, “Yigithogon hagasusak,” iluk ekherek meke ane hologo lageidek halok, “Ae 'busuk aga meke, ap yiat,” iluk, oko kare-kare negen i'bisegarek meke iti i'bisausak erlok dek o. Ane hologo lago halogat i'bisausak o.