1 Timotius 1:7 - ALLAH ANE WENW KET MEKE WAROGO WOKNINAKHIKHE WENE

⁷ It iti nen he, “Wene Allah nen ninasuk wakhikhe wene etnogo, nit nen yakulisekhe dogogun,” iluk warlok nen yakulisekhe dogoligat he, wene ebe hutdigidek inokodek dogoligat, “Wene ebe yigithogon o. Eberogonat hutukhogon yakulisogo,” iluk iliogei mekeat he, hutdigidegat iliogei iti o.

1 Timotius 1:7 ပူးပေါင်းရင်းမြစ်များ

Matius 15:14

Inileken puk dogoligat he, holak lirisiliogei iti thogotdisani o. At ageikhe ileken puk meke nen, at ageikhe itithogon ileken puk meke yogokhe dogolik, Holak yike lu! iluk iki hago wolok ligin halok he, ipisagat hurlugu Karluk waganekma usagun o,” iluk yogeisasikhe.

Matius 21:27

yabokane Yesus yogokhe dogolik, “Wene iti nit ninokodek o,” iluk yogokhukhama, at Yesus nen, men yogeisasikhe, “Halok he, an meneke, Iti meke iteerek agarik hagakhe lagei, iluk, hit yokhisagein degat o,” iluk yogeisasikhe.

Lukas 2:46

Usasukhasik herarik nekhe lagoukhasik, noge iniki pere iluk nen, yabokane iniki ageikhe nen 'bikhasukha meke, at ebe Allah ai halekma ukisikhesik, it ap Allah ane yakulisekhe lagoukha meke emenogo inom inakla hurek dogolik, it emenogo inane isinem asuk holhik, it nen isinem at nen hinok waganhik, hagakhunem herakhukha.

La'isasikhe 15:1

Ap aperek o Yudea nen o Antiokhia wagoukhasik nen, Allah a'buri etoma meke wene men iluk yakulisasukha, “It he, wene Musa nen, Yigithogon, tigithogon hagakhe dogosak iluk yoknisasikhe wene iti mothogon, hinoado aperlagap meke palhinakhidek halok he, hinebe Allah nen tilhinabusak dek o,” iluk yakulisasukha.

Roma 1:22

It inetaiken itithogon motok abit hagatlatluk dogoligat, “Nit ninetaiken motok kagalek o,” iluk egarek iti.

Galatia 3:2

Wene Allah nen ninasuk wakhikhe meke etnogo mothogon hagakhe lagagip iti baga Allah Agoreke wokhisasikhe a? At he, nit nen hano wene yakulhisasugumo holhigisip nen, “Eberogonat,” iluk hinetaiken Kristus oba hakotdisigip iti baga wokhisasikhe a. Wene opakiat itiat yoknetni ta.

Galatia 3:5

Halok he, nikithogon ugun. Hit nen wene Allah nen ninasuk wakhikhe wene etnogo mothogon hagakhe lagagip oba, at Agoreke kokhogon wokhisigik, hagasusak dek meke elalinat hagathinakhik, hagariogo a? At he, nit nen hano wene yakulhisasugumo holhigisip, eberogonat iluk, hinetaiken Kristus oba hakotdisigisip iti baga wokhisiliogo a.

Galatia 4:21

Hit nen, “Wene Allah nen ninasuk wakhikhe wene etnogo apma ukiluk holek hagakhe dogogun,” iluk ekhe lagap meke yi, an nen wene Allah nen ninasuk wakhikhe wene etnogo baga holal waganek werek meke yokhisagein yi, hinasuk hanorogo holini o.

1 Timotius 6:4

It iti nen he, wene ebe inokodek mekeat he, inekaerek hogorakeke dogolik akhuni aperek inom inane meke hasik wene palhik, inom weak ageik, hagakhe dogouogoluk, ina'it dogosak meke kogotdiliogei iti nen, ilugun oba, akhuni aperek inetaiken dek atluk, ebe wene inokodek atluk, it-it inom ua palhik, wenemuk palhik, inekalat inabok weak palhik, inakla nen yugunat wene weak meke it aperek inoba 'bigik, tugi-tugi wene-wene paldigidek hagakho motok welageikharek iti. Itithogon hagakhe dogolik inakla nen he, “Nit Allah apma ukiluk hagakhe lago iti baga, ninikierek hagatlasugun,” iluk, eberogonat thalek apiliogei iti o.

Yakobus 3:1

Nagarlak lak nerugi. Nit akhuni yakulisogorek meke weak hagakho halok he, Allah nen yabokane akhuni aperek initema waganogo inoba wene herlekha'bugat negen 'bigin mekeat he, nit anek he, wene kogat ninoba 'bigin o, hinilu iti nen, hinebe doalegat akhuni yakulisegarek meke asuogoluk apugup o.

2 Petrus 2:12

It ap Allah ane yogeisegarek meke thalek inekalat yogeisekhe dogogun meke iti, wam etaiken dek meke ebe ha'iluk wasuagaluk ebe itaklagarek iti hak, it ap iti nen wene hutdigidek dogolik inabok weak palhe dogogun iti baga, inekaerek inebe wam wakharek iti hagat, Allah nen inasigin iti.