1 Timotius 1:15 - ALLAH ANE WENW KET MEKE WAROGO WOKNINAKHIKHE WENE

¹⁵ Akhuni weak hagakho werekma Kristus Yesus nen ninebe tilninabigiluk agat oba yoma usa'ageikhe iluk igi iti, akhuni nen he, “Wene iti eberogonat,” iluk hutukhogon waganusak meke. Akhuni aperek weak herlekha'bugat negen hagakharek mekeat he, an anek he, weak kok motok hagakhe lagagi iti o.

1 Timotius 1:15 ပူးပေါင်းရင်းမြစ်များ

Matius 1:21

Eak iti ebe abat itasigin o. Itasumo re, at nen oe agot weak hagariogei meke korogo waganiluk tilinabigin o, iluk etaga Yesus thalino” iluk yogokhikhe.

Matius 18:10

Itithogon yogeisasikhesik ageikhe men yogeisasikhe, “It malaikat Allah nen pogot oba nen yoko usa'isa agarek meke nen yekerugi yi hakene therisik dogolik nopase il oba motok welageikharek iti nen, yekerugi iti hinakla meanetdisugup o. [

Matius 18:11

An abat itaklasi agagi etnogo akhuni nuk ariogei meke iti herago tilinabigiluk wagagi o.]

Matius 9:13

Allah ane ageikhe men isikhe, An Allah nakla nen, akhuni nen inako watnekharek iti na'it o. It akhuni inamurinakhe dogosak itiat warlok o, iluk isikhe wene iti hutdi lani o. An wagagi iti re, akhuni inobabut hano hagakharek meke inayoko 'bigiluk wagagi 'buk. Dek o. Akhuni inobabut weak hagakharek meke iti inayoko 'bigiluk wagagi o,” iluk yogeisasikhe.

Markus 2:17

Itithogon yogeisugunem, at Yesus asuk holhikhesik nen, men yogeisasikhe, “It akhuni inoba hano meke dokter lak nen u hagarinabuagaluk inayoko 'busak a? Dek o. Inoba u werek halogat it dokter lak inayoko 'busak o. Iti hak, an akhuni hano hagariogei meke inayoko 'bigiluk wagagi 'buk. Akhuni weak hagariogei meke iti inayoko 'bigiluk wagagi o,” iluk yogeisasikhe.

Lukas 15:2

Itithogon wagoukha meke re, it ap Farisi meke men, it ap Allah ane holal waganek iteerek meke men, inileken 'birisalok inane kurlu-kurlu ekhe dogolik, men isukha, “Ap yi nen akhuni weak hagariogei meke woginakherethek hipiri inom opakimo nekharek iti, nayuk e!” iluk isukhama nen,

Lukas 19:10

Tilhinakhemo meke iti, an abat itaklasi agagi etnogo, it akhuni nuk ariogei meke heago tilinabigiluk wagagiat o,” iluk yogeisasikhe.

Lukas 5:32

An wagagi iti, akhuni hano hagakharek meke inayoko 'bigiluk wagagi 'buk. Dek o. Akhuni weak hagakharek meke iti thogotdisalok inobabut hebelasuagaluk, inayoko 'bigiluk wagagi o,” iluk yogeisasikhe.

Yohanes 1:12

Itithogon thogotdisukha meke re, it akhuni aperek nen, at ebe waganiluk nen, inetaiken at oba hakotdisukhama, Allah a'buri ebeat meke asuagaluk iterinakhikhe.

Yohanes 1:29

Wene itithogon isukhasik nen, noge iluk, hubuluke, at Yesus Yohanes oba wagunem ileken lakhalok nen, wene men yogeisasikhe, “Allah adomba eak meke nit akhuni agat oba yoma weak hagakhorek meke korogo thogotdisagein meke etnogo waga ili hinileken lakhani o.

Yohanes 12:47

An agat oba yoma usa'agagi it, akhuni wene inoba 'bigiluk usa'agagi 'buk. At he, inebe tilinabigiluk usa'agagi iti nen, at tha nen an nane asuk holiluk nen, nane hologo hagakhidek halok he, an nenat wene oba 'bigin 'buk. Dek o.

Yohanes 3:36

Halok he, tha nen etaiken Allah a'but oba hakotdiliogo halok, iniluk dogogun meke iti ite agasik werek o. Meke re, tha nen, at a'but iti ane holhidek kolelogo here'isiliogo halok, iniluk motok dogogun meke iti ite asigin dek o. At he, Allah akla aga at oba motok 'biluk dogogin o.

La'isasikhe 11:1

It akhuni aperek nen he, “It akhuni itikmanke meke Allah ane waganha o,” iluk isukhama, it ap Yesus nen inayoko 'biluk la'isasikhe meke emenogo men, Allah a'buri o Yudea meke men, inasuk holhukha.

La'isasikhe 11:18

At Petrus nen itithogon yogeisasikhemo, it nen wenagakhe lagoukha etnogo, yabokane thogotdiluk men isukha, “Halok he, Allah obabut hano nen, nit hagatninakherek hagat, it akhuni itikmanke meke inobabut hebelagunem iniluk motok dogoagaluk erlok hagarinabusagat higi,” iluk Allah hogorakhukha.

La'isasikhe 3:26

Allah nen, wene iti warikhikhe hak, hit weak hagakhe lagap meke hinebe tomok hinoporlike here'isoagaluk a'but ebe hanothinabigin meke hit tak hinoba usa'i ageikhe iti,” iluk inasuk wakhikhe.

Roma 11:14

An nagarlak lak nerugi ninukuloak etaga opakiat meke, Allah nen aperek tilinabuagaluk, an nen itithogon hagakhe lagei iti baga, inakla aga dageiluk ua paluagaluk hagakhe lagei.

Roma 5:6

Nit Allah ebe thogotdiluk walegat asi lagagusik, ninebe erlok dek werekma, at Allah nen, “It itithogon werek iti hasik, Kristus itinem watlasuak,” iluk apasikhe bagaat ebe wakhukhama ninobolukmo watlageikhe iti.

1 Korintus 15:9

Nit Yesus nen ninayoko 'biluk la'inanhikhe meke aperek inetaga werek mekeat he, an anek he, netaga dek o. An nen Allah a'buri natogokharek meke yi aik ti aik hagarinakhe lagagi iti nen, an nen, “Nebe Yesus nen nayoko 'biluk la'ani ageikhe meke,” iluk usak he, erlok dek o.

Efesus 3:8

Allah a'buri meke tha'bokhogonat inetaga werek hak werek korlegat, an netaga dek, erlok dek meke, at Allah obabut hano nen, hano wene pilinerogo usak erlok dek meke, Kristus nen wogeisekherek etnogo akhuni itikmanke meke yogeisilik nekhe dogoagaluk nayoko 'biluk nayabu iti woknikhikhemo welagei.

1 Timotius 1:19

It aperek nen, “Wene iti eberogonat,” iluk waganharethek nen, inakla thiokhogon dogosak mekeat he, yabokane weak hagariogei iti nen, ku ima mak-makhogon usekherek hak, horla usega iti. Hat iti hakene hagakhidek, hakla nen, “An weak ageikhe hagakhidek, nakla thiokhogon welagei,” iluk hetaiken Allah oba hakotdiluk hobatnerogon hagakhe dogono.

1 Timotius 3:1

Wene yi, eberogonat meke igin o. It aperek inakla nen apekhe dogolik he, “An Allah a'buri therisik dogole,” iluk, inakla apega halok he, iti hano motok mekeat warlok nen apega iti.

1 Timotius 4:9

Halok he, wene iti eberogonat ninetaikenma hutukhogon waganusak o.

1 Timotius 6:13

Allah akhuni ninebe inom, yi meke ti meke inom, tha'bokhogonat ninilugutninakherek meke etnogo il obaat, Kristus Yesus akhuni nen ap Pontius Pilatus oba wolok lagoukhama, ane eberogonat pakhogon yogokhikhe etnogo il obaat, wene yi hasuk warogo yokhisigin.

2 Timotius 2:11

Wene men iluk egarek yi eberogonat o, Nit at ninom watlago meke halok, at ninom niniluk motok dogogunat o.

Titus 3:8

igi iti eberogonat o. Hat nen it aperek inetaiken Allah oba hakotdiluk werek meke halok, akhuni aperek inobasik hanorogon yomageisegarek iti meke kogotdiluk akilukhogon hagakhe dogoumo, akhuni tha'bokhogonat inobasik hano motok, iluk, itithogon hagakhe dogoagaluk, inasuk hobatnerogon wakhe dogonogoluk, an nakla apigi meke yokhigi iti o.

Ibrani 7:25

Itithogon iluk motok dogolik, nit akhuni ninobasik Allah ayoko 'bisi motok welagarek iti nen he, nit akhuni Allah werekma ukuogoluk at oba haklarik ukisinem erlok tilninabiluk nen 'bogokhogon motok hano hagatninabigin iti.

1 Yohanes 3:5

At Kristus ekaerek weak hagakhidek dogolik, nit weak hagakhorek meke thagalogo degetdisagaluk ebe thelekmaat wageikhe iti hinilu o.

1 Yohanes 3:8

Nen, at ageikhe nen obabut weak hagakho motok welagarek halok he, at Iblis obabut erlo baga nenat weak hagakherethekma nogo nen, at iti ebe Iblis a'but werek o. Meke re, at Allah a'but thelekmaat wageikhe iti, at Iblis obabut hagakherek meke iti, motok degetdisagaluk wageikhe o.

1 Yohanes 5:11

At Allah nen a'but hasik wene pakhogon yoknisekhe dogolik, “Inebe iniluk motok welageikharek iti, erlo re, an na'buratma, an nen Yesus ebe wokhisekhe dogolik, naburlal-haburlal ebeat meke wokhisasigi iti,” iluk yoknisasikhe.

A'bikaka 21:5

Nen, at kok welagarekma obolukmo etnogo baga dogolik, men ekhe, “Yi meke ti meke tha'bokhogonat ket meke winamerogo 'bigi yoma lakhani,” iluk ekhesik nen, an men yoknekhe, “Wene iti eberogonat meke, iluk hetaiken hakotdusak meke iti nen, holal waganin o,” iluk yoknekhe.

A'bikaka 22:6

Itithogon hisigirik werekma at malaikat etnogo nen yabokane yoknekhe dogolik, “Yi wene ti wene hagatlagunem lakhalok wagan iti, wene iti eberogonat, iluk hetaiken hakotdusak meke o. Wene iti il opakiat dogoluk dek ibat-ibat hagatlasigin meke o. At ninopase Etagapogot Allah Agoreke it ap at ane yogeisegarek meke wogeisekherek meke etnogo nen, at atuaneke meke yogeisoagaluk an malaikat la'ani agama wagei o,” iluk yoknekhe.

A'bikaka 5:9

Itithogon etai ket meke yakulogo wakhe dogolik, “Hat anek he, arat hakhukhama watlagagitik, u a e, Akhuni tha'bokhogonat inukuloak etaga tomok, inane tomok, u a e, Inoado tomok, inaila tomok, u a e, Hat hamep oba Allah hasik oko palogo 'bisalok, u a e, Iteerek agatik, u a e, Thuesika uanat meke baga holal waganek dikilik iti, u a e, Waganiluk nen, sirlo 'begarek iti hak, u a e, Iki apusu tetnekhogon 'bisukha meke iti, u a e, Erlogat 'bukalusak, u a e. It iti inoko palogo 'bisasigitik, u a e, Ninopase Allah hasik hagakhe dogoagaluk, u a e, Inukuloak etaga, Allah iteerek, thaligin, u a e, Inebe kogat meldisasiginmo, u a e, It nen akhuni agat oba meke, u a e, Inapma 'bisalok hagasik dogogun, u a e,” iluk etai wakhunem hisigi.