1 Timotius 1:12 - ALLAH ANE WENW KET MEKE WAROGO WOKNINAKHIKHE WENE

^12-13 An alebageik he, Yesus abok weak palhik, ebe nakla nen meanetdiluk Allah a'buri meke yi aik ti aik hagarinakhik, hagakhe lagagi mekeat he, ninoe Etagapogot Kristus Yesus akmutnakhikhesik, “Hat nen yabokane an nobasik hobabut erlok hagakhe dogogin,” iluk, wene yi an noba 'biluk nayoko 'bigik, obatne woknikhik, hagakhikhe iti o. Itithogon weak hagakhe lagagi etanem he, an netaiken ninoe Etagapogot Kristus Yesus oba hakotdigidek dogolik, itithogon hagasusak dek mekeat he, nokodek nen hagakhe lagagi iti nen, at nen nebe akmutnakhikhe iti nen, heagei wakhe lagei o.

1 Timotius 1:12 ပူးပေါင်းရင်းမြစ်များ

Matius 20:4

Hisasikhesik, Warligi yi. Hit he, an nayabu anggur yabumo etoma hinomat wagani lani o. Waganumo an nen oko tak-tagat wokhisagein o, iluk yogeisasikhe.

La'isasikhe 16:15

Wene itithogon waganhikhemo at ebe men, it akhuni at aila opakimo welagoukha meke men, ima usa'isasukha. Usa'isasukhama, at he Lidia nen, “An nobasik hit hinakla nen, At etaiken ninoe Etagapogot oba eberogonat hakotdekhe higi, iluk hinakla apegep halok he, an ninom dogouok nen, ninom luok o,” iluk ane obatnerogon yoknisasikhemo ninom lagagu.

La'isasikhe 9:15

Itithogon yogokhikhe mekeat he, ninoe Etagapogot nen, “Lan o. At nen akhuni itikmanke meke men, inougi inetagapogot meke men, akhuni Israel meke men, an netaga yogeisilik nekhe dogoagaluk, an nen ap iti ebe wenago ayoko 'bigima o.

La'isasikhe 9:22

Hogorakhe korlek, at Saulus nen, ane obatnerogonat inakla kagalhe dogolik, men yogeisekhe lageikhe, “Allah nen, Ap ageikhe tilhinabuagaluk la'isigin, iluk abok yoknisasikhe etnogo ebe Yesus itiat o,” iluk wene pakhogon yogeisugunem, eberogonat ageikhemo nen, it akhuni Yahudi meke o Damsyik welagoukha meke etoma nen oko nena u heat inobakha palaga lageikhe.

1 Korintus 15:10

Itithogon usak erlok dek mekeat, Allah obabut hano nen nayoko 'bisikhemo yigithogon agagisik welagei o. Nayoko 'bisikhe iti we yugunat 'bisikhe dek iti nen, it aperek tha'bokhogonat yabu herlekha'bugat hakene waganhe korlek, an anek he, doalegat hakene waganhe lagei o. Meke re, itithogon waganhe lagei iti, an nen waganhe lagei 'buk. Allah obabut hano nen, nipisagat dogolik waganiogo o.

1 Korintus 3:5

At Apolos iti tha nogo? Nen, an Paulus tha nogo? Nit iti ninoe Etagapogot nenat akla apalok ninayabu tomok hagakhe dogoagaluk ninayoko 'bisikhemo nen, at atuaneke welago. At atuaneke dogolik, wene yakulhisasugumo, hinetaiken Yesus oba hakotdisigip iti o.

1 Korintus 7:25

Wene homagarlugi tharlisik meke hasik, “Itithogon hagakhe dogono,” iluk ninoe Etagapogot nen ninasuk wakhidek mekeat he, wene an nakla apekhe lagei meke yi yokhisak. Nane yokhisagein yi, hit hinakla nen, “Allah nen Paulus ebe akmu nen waganhikhemo obabut hupulik meke nen yoknisekhe iti eberogonat,” iluk hinakla apano o.

2 Korintus 4:1

At Allah ninebe akmu nen, at hasik yigithogon hagakhe dogoagaluk ninayoko 'bisikhe iti nen, ninakla puk atluk here'isigidek hagakhoat welago.

Galatia 3:26

Hit hinetaiken Kristus Yesus oba hakotdiluk welagap iti nen hinebe tha'bokhogonat Allah a'buri welagap iti.

Galatia 3:28

Waganiluk, yabokane hit tha'bokhogonat, Kristus Yesus hinom hunik dogolik hinebe opakiat meke welagap iti nen, hit ebetlake Yahudi meke, ebetlake akhuni itikmanke igik, ebetlake inatuan meke, ebetlake inasokne meke igik, ebetlake humi, ebetlake ap igik, ekhe dogosak dek.

Filipi 2:11

Itithogon ukiluk nen, inape baga tomok, ninopase Allah hogorakhe dogolik, “Ninoe Etagapogot Yesus Kristus itiat o,” iluk, pakhogon ugunat iti o.

Filipi 4:13

At Kristus nobatnetnakhe korlek nogo nen, yi meke ti meke weak agunem inom, hano agunem inom, erlok hagakhe dogosak anek.

Kolose 1:25

An he, Allah nen, hit hinobasik, at a'buri meke tha'bokhogonat inatuaneke dogoagaluk nayoko 'bisikhemo, wene Allah nen isikhe wene iti tha'bokhogonat yogeisilik nekhe dogosak mekeat, yogeisilik nekhe lagei iti o.

1 Timotius 1:1

Timotius na'but o. Hetaiken Kristus oba hakotdisigin iti nen, an na'but eberogonat agaginmo, wene yi an Paulus nen holal waganogo hoba la'i agei iti o. At Allah tilninakherek meke inom, Kristus Yesus nen hanotninabigin iluk ninakla apekhe lago meke etnogo inom, ipisak nenat nayoko 'biluk, at Kristus Yesus hasik hagakhe dogoagaluk la'ani agoukhama wagagi iti o. Ninopase Allah inom, ninoe Etagapogot Kristus Yesus inom, ipisak inobabut hano etnogo nen, hano meke wokhikhik, inakmuthakhik, hetaiken hapugutdageigik, hagakhe dogoak o.

1 Timotius 1:11

Nen, wene iti mothogon, hano wene etnogo an nen yogeisilik nekhe dogoagaluk noba 'bisikhe. Hano wene iti, Allah hogorakhik, heagei wakhik, hagakhorek meke etnogo aneat o.

1 Timotius 6:13

Allah akhuni ninebe inom, yi meke ti meke inom, tha'bokhogonat ninilugutninakherek meke etnogo il obaat, Kristus Yesus akhuni nen ap Pontius Pilatus oba wolok lagoukhama, ane eberogonat pakhogon yogokhikhe etnogo il obaat, wene yi hasuk warogo yokhisigin.

2 Timotius 2:2

An nen wene akhuni doalegat inil oba yakulhikhigimo waganhigin meke etnogo, hat nen it akhuni aperek inobabut hupunhek meke nen it aperek yakulisekhe dogoagaluk, inoba 'bin o.

2 Timotius 4:17

Itithogonat meke re, an nen ebe wene hutukhogon yogeisugunem, it itikmanke meke inebe tha'bokhogonat inasuk holuagaluk, ninoe Etagapogot an nalilu dogolik, nobatnetnakhesik, singa helo yeke hakene anini weak meke etnogo apema werekma tilnabu hak, nasusak meke tilnakhe iti o.

Titus 1:4

Titus na'but o. Hetaiken nit ninom tak-tagat Allah oba hakotdiluk welagan iti baga, an nekaerek na'but harat agagin iti o. Ninopase Allah inom, ninoe Kristus Yesus tilninakherek meke inom, ipisak inobabut hano etnogo nen, hano meke wokhigik, hetaiken hapugutdageigik, hagakhe dogoak o.

Filemon 1:9

an Paulus yogotak nebe arat yaman agarik werekma Kristus Yesus hasik niki herle warogo 'banhama welagei. Itithogon dogolik, hat nakmurogo welagarek iti nen, nane erogat hoba ageikhe kino yokhisik o.