1 Tesalonika 5:9 - ALLAH ANE WENW KET MEKE WAROGO WOKNINAKHIKHE WENE

⁹ Allah akla aga nit ninoba 'biluk weagatninabigiluk wenakninakhikhe dek. Ninoe Etagapogot Yesus Kristus nen tilogo hanotninabuagaluk wenakninakhikhe o.

1 Tesalonika 5:9 ပူးပေါင်းရင်းမြစ်များ

Matius 26:24

An abat itaklasi agagi etnogo, hagasigin meke holal waganek werek tak-tagat hagasigin mekeat he, at ap nebe nasuagaluk yoko ligin meke iti anek he, eiye. Motok weagat asigin o. At ap iti itaklatlep dekma, hanoat dogolep meke,” iluk yogeisasikhemo,

La'isasikhe 1:20

Itithogonat, at Petrus nen men yogeisasikhe, “Etai holal waganek etaga Mazmur etnogo baga men isukha, O at werekma aila tho bon asuak. Ap ageikhe at aila etoma inebe degat dogoak o, iluk holal waganhukha. Nen, ageikhe men isukhaat, At ebe iteerek welagarek meke iti ap ageikhe horloak o, iluk isukha.

La'isasikhe 13:48

Itithogon yogeisugunem, it akhuni itikmanke meke inasuk holhukhasik nen, “Ninoe Etagapogot nen wene iti hano motok isikhemo higi,” iluk hogorakhukhasik inakla arleken akhasukha. Inakla arleken akhalok nen, Allah nen it naburlal-haburlal hagarinabigiluk wenageinakhikhe meke nen, “Wene iti eberogonat,” illuk hutdisukhasik waganhukha.

Roma 11:30

Hit alep Allah ane hologo hagakhidek welagagip. Mekeat he, yogotak it Israel meke Allah ane hologo hagakhidek oba, hit hinebe akmuthinakhikhe iti o.

Roma 11:7

Halok he, nit nen wene nikithogon ugun? It akhuni Israel meke hano meke iteerek asuogoluk inobatnerogon hagakhe lagoukha mekeat he, ebe ite ageidek. It aperek inebe pererlagat Allah nen wenageinakhikhe meke hano meke iteerek aga korlegat, inebe kokmake inetaiken a'beretdisikhe.

1 Timotius 1:16

Meke re, it akhuni aperek yabokane inetaiken Yesus oba hakotdisinem iniluk motok dogoagaluk, hagarinabigin meke inakla nen apekhe dogolik, “Paulus weak hagakho korlegat he, Kristus Yesus akla puk ageidek obakhanini hapugutdiluk motok welageikhesik nen, akmuratluk ebe waganhikhe iti, at nen akhuni weak hagakharek meke itithogon woginakherekma higi,” iluk, Allah obabut ekagat hutduagaluk, an tak itithogon woknakhikhe iti o.

2 Timotius 2:10

Iti nen he, it akhuni aperek Allah nen wenageinakhikhe meke Kristus Yesus inom hunisumo, inebe tilinakhik, iniluk hano motok dogoagaluk, hanorinakhik, hagasuagaluk, an itithogon weagatnakho korlegat, nobakhanini hapugutdiluk welagarek iti o.

1 Petrus 2:10

Hit alebat, Allah hinom huni welageidek mekeat he, yogotak hinebe Allah a'buri agap o. Nen alebat, hit nen, “Allah ninebe akmu werek,” iluk hinokodek welagagip mekeat he, yogotak, “Ninebe Allah akmu nen wokninakhikhemo welago,” iluk hinilu agap o.

1 Petrus 2:8

Nen, ageikhe men isikhe, “Akhuni helekit iti baga inisok a'bit 'baukhogon waralok wilasi laga dogogun o,” iluk isikhe. Itithogon wilasi laga dogogun iti re, it nen hano wene iti, “Eberogonat,” iluk hutdugun dek iti nen, Allah nen akla apasikhe hagat, warisiliogei iti.

2 Petrus 1:1

Nagarlak lak nerugi. An Simon Petrus Yesus Kristus nen, at atuaneke dogoagaluk nayoko 'biluk la'ani ageikhemo wagagi. Iti, at ebe Allah at dogolik, obabut mothogon anek hagakherek etnogo nen, hit ninom tak-tagat ninetaiken at oba hakotdugunem tilninabiogo meke, wene yi holal waganogo hinoba la'i agei iti.

2 Petrus 2:3

It ap Allah ane yakulisegarek meke thalek winam asugun iti inobabut he, “Nit anek woknisanek,” iluk egarek meke iti nen, hit nen oko wogeisoagaluk, wene inekaerek inakla nen kagalogo inekalat yokhisekhe dogogun iti. Itithogon mekeat he, it inobabut hagakhe dogogun iti baga, at Allah nen, “It iti ukum inoba 'biluk inebe weagarinabigin,” iluk haganeat dik-dukhogon hagatdiluk welageikhe. “Huk huk, maga maga,” iluk welageidek weagarinabigin meke werek o.