1 Tesalonika 5:6 - ALLAH ANE WENW KET MEKE WAROGO WOKNINAKHIKHE WENE

⁶ Halok he, it aperek noge negen iliogei iti, nit itithogon ekhe dogosak erlok dek o. Ninobabut hebelogo dogolik, ninetaiken ekerlogoat dogouok o.

1 Tesalonika 5:6 ပူးပေါင်းရင်းမြစ်များ

1 Petrus 1:13

Iti nen, wene iti hutdiluk nen, holak pirlirli luogoluk inobakha herle a'bethogon wakharek iti hak, hinobabut hebelogo, hinetaiken ekerlogo dogono. Itithogon dogolik, hinakla nen, “Allah nen Yesus Kristus ebe thelekmaat la'i agunem hano meke woknisasigin o,” iluk hinetaiken at oba la'iluk oba eberek motok dogono o.

Matius 24:42

Itithogon hagatlasigin iti nen hit nen, Ninoe Etagapogot mera wisigin, hinokodek iti nen, hinobabut hebelogo dogono o.

Lukas 22:46

'Birisa ageikhesik nen, men yogeisasikhe, “Hit nenaluk noge ekhe lagap. Weak hagasuagaluk hinakla kagalisinogo nen, hinebe melatluk sembayan ekhe dogoni o,” iluk yogeisasikhe.

1 Petrus 5:8

At Iblis, hinathili meke etnogo nen, singa yeke helo anini weak meke yi meke ti meke haumhogo nagaluk ane ke agan herarik nekherek iti hak, “Tha hak weagatdigin,” iluk herakhinabik liliogo iti, hinobabut hebelogo hinileken hanorogon dogono o.

A'bikaka 16:15

Itithogon lageikhasikmo nen, at Yesus nen men yoknekhe, “Hasuk holin o. Akhuni inilarlurlu waganuogoluk limago wageikharek iti hak, an itithogonat wisigin o. Itithogonat wagunem, akhuni inal palek werekma inekarli agarek iti hak, hit itithogonat hinekarli asunogo iluk hinasu ibat ikhauwogoluk karelogo 'biluk dogogun halok he, Allah nen hanothinakhunem hinakla arleken asugun o,” iluk yoknikhunem holhi.

Titus 2:12

Nit ninobabut alep Allah ebe ninobakhanini here'isekhe dogolik, ninakla nen yi meke ti meke agat oba meke warlok anek apekhe lagagu iti here'isalok nen, yogotak ya ninobabut ninetaiken therogo dogolik Allah hasik mothogon hagakhe dogoagaluk, at obabut hano iti baga yakulnisiliogo iti o.

Efesus 5:14

Itithogon lia baga 'bisinem ekagat atluk, lia agarek iti nen he, men egarek iti, “Hat noge ekhe lagan iti, hebe hiluk asin o. Nen, warek hakene welagan iti, hiluk asin o. At Kristus nen liathabigin o,” iluk egarek iti o.

A'bikaka 3:2

An nen hit hinobabut palhe lagei, nopase Allah iloba hano motok 'bogokhogon hagakhe lagap dek. Meke re, watlasusak horogat hinetaiken pasarluk welagap eta bagaat, metokhogon melatluk hiniki hinisok hapugutdakhalok, hinobatne atni o.

1 Petrus 4:7

Yi meke ti meke tha'bokhogonat ilugun oba hagatlasigin meke horogat asi aga iluk, sembayan ekhe dogouogoluk, hinetaiken thebekhogon dogolik, hinobabut hebelogo dogono.

1 Korintus 16:13

Hinobabut hebelogo dogolik, hinetaiken Allah oba hakotdiluk, metegat dogono o. Hinobabut abat dogolik, hinobatnerogo dogono o.

1 Timotius 2:9

Iti hak, it humi re, inisi dalhik, mikhak ikharek hak emas meke ikhik, ilepali ikharek hak mutiara meke ikhik, su oko kok meke ikhik, hagasusak motok dek. Inilaga isonhogon dogolik, inobake thiokhogon waganusak mekeat waganhe dogoagaluk yakulisanogoluk yokhigi iti o.

Titus 2:6

Iti hagat, it ap elege iti nen, yi meke ti meke hasik inetaiken inekaerek nen therogo dogoagaluk inasuk wakhe dogonoat o.

1 Timotius 3:2

Iti nen, ap Allah a'buri therisik dogoagaluk, inobabut he, yi hakene meke meldisausak. Akhuni aperek nen, “At weak,” iluk wene oba 'bigidek meke halok, age opakiat meke halok, weak hagasuagaluk akla kagalhunem etaiken ekaerek therogo welagarek meke halok, etaiken kagalek meke halok, hagasusak meke tak-tagat hano hagakherek meke halok, ap huso wagunem woginakhik, hipiri inobasik hanorogon isakhik, werakhik, hagakherek meke halok, obabut wene hanorogon yakulisekherek meke halok,

Kolose 4:2

Sembayan Allah heagei wakhe dogoligat, hina'it ageidek hunik-hunigat ekhe dogolik, hinobabut hebelogo dogono.

Efesus 6:18

Itithogon tha'bokhogonat hagakhe dogolik, Allah nen yomakhisoagaluk sembayan ekhe dogono. At Agoreke hinakla dogolik hinakla kagaligin hagat, hibiku-yogoku sembayan Allah ayoko 'bigik, kino yogokhik, isi motogat dogono. Itithogon ekhe dogolik, hinakla puk ageidek, hinobabut hebelek motok dogono. Itithogon dogolik, Allah a'buri tha'bokhogonat inobasik sembayan Allah ayoko 'bekhe dogonoat o.

Lukas 21:36

Yigithogon tigithogon tha'bokhognat hagatlasigin igi etnogo hagatlaga korlek, hinobatnerogon hinakla puk dogoluk, hinekarli degat nelokhoma metek werekma, an abat itaklasi agagi etnogo 'bithisasik nen hibiku-yogoku sembayanat ekhe dogolik, hinobabut hebelogo dogono o,” iluk yogeisasikhe.

Lukas 12:39

Wene yi hinakla eberek dogono. Ap ai iteerek meke ageikhe akla apekhe dogolik, O yogotak hibako jam iti baga an naila yoma ap ageikhe iki abusak waganigiluk ukisigin, iluk ilu dogolik ai thuam dogolepma re, o pin talogo iki abusak wagani ukilep dek o.

Matius 25:13

Yesus nen itithogon yogeisasikhesik nen, “Iti hak, an wisigin iti, hit nen, O itinem jam iti baga wisigin iluk, hinokodek iti nen thetnarik dogolik hinobabut hebelogo dogono o,” iluk yogeisasikhe.

Matius 25:5

Meke re, ap age ikhekhe meke iti ebe wageidek motok erapigat werek nen, it emenogo inebe tha'bokhogonat arat noge inil ageikhemo etoma noge motok isukha.

Matius 13:25

Ai yakhikhe mekeat, it akhuni noge ekhe korlek, at ap ageikhe ap ai yakhikhe meke iti ipisak weak meke wageikhesik nen, gandum ai hano meke yakhikhe etnogo aklake ai weak meke ya'iluk lageikhe.

2 Timotius 4:5

It itithogon hagakho korlegat, hat yi meke ti meke hasik, hobabut hebelek dogolik, hoba yi aik ti aik hekhe dogolik, hobakhanini hapugutdiluk dogono o. Hano wene yakulisilik nekharek iti mekeat kogotdiluk Allah nen, “Itithogon yomageisekhe dogono,” iluk, hayoko 'bisikhe meke iti ageikhe here'isigidegat mothogon hagakhe dogono.

1 Timotius 3:11

Iti hagat he, it iti inagugi inalaga isonhogo hagakhe dogolik inahusupi weak ilik nekharek dek meke halok, weak hagasuagaluk inakla kagalhunem inetaiken inekaerek nen therogo welageikharek meke halok, inobabut mothogon hagakharek meke halok, inobabut iti hakene halok, inaguni yomageisegarek meke dogoagaluk meldisausak o.

1 Tesalonika 5:8

Meke re, nit o lia baga welagorek meke yi, ninobabut hebelogo dogosak. Ninobabut hebelogo dogolik akhuni aperek nen inasunogo iluk thin inobakha baga ikharek hak, ninetaiken Allah oba hakokthek dogolik, akhuni inebe ninakmurogon welagorek iti mekeat ikhigik, inukuloakma inasunogo iluk inukulasu a'bet meke dakulharek hak, Allah nen tilogo hanotninabigin iluk, ninakla hano welago iti mekeat dakuligik, hagakhe dogouok o.

Filipi 4:5

Ninoe Etagapogot etnogo ibat wisigin iti, akhuni tha'bokhogonat nen hit hutdinagouagaluk, hinobabut yamukhogon hagakhe dogono.

1 Korintus 15:34

Weak hagakhe lagap meke iti here'isalok, yogotak hinobabut hebelatni o. Hit aperek Allah ebe hinokodek welagap iti nen, hinekarli wasigiluk yokhisigi iti o.

La'isasikhe 20:31

Hinobabut hebelogo dogono! An o mo dageigik usigik hagakhe korlek 3 tahun ninom dogolik, huk ageidek dikene nen, hibako nen, de aga dogolik, hinebe dopok hinasuk wakhe lagei etnogo, hinakla eberek dogono o.

Lukas 12:37

At kok etnogo atuaneke meke emenogo inoe therogo werekma ebe waga dogoumo nen, inakla arleken motok akhagun o. Itithogon therogo werekma witluk nen, at inoe etnogo asu it inasu hakene ikhogo, at agarumi emenogo isago etnogo noagaluk inebe opakimo dapukhogon huretdisalok nen, at nen melageisagein, iluk yokhisigi.

Markus 13:37

hinobabut hebelogo dogono o, iluk hit yokhisigi yi akhuni inebe tha'bokhogonat hinomat yokhisigi o,” iluk yogeisasikhe.

Matius 26:38

“An netaiken motok weak agasik watlagsusagat hakene hagatnabiogo. Halok he, hit ya dogolik, ninomat ninobabut hebelogo therogo dogouok,” iluk yogeisasikhesik nen,

1 Timotius 2:15

Itithogonat meke re, it humi inetaiken Allah oba hakotdiluk nen, inebe Allah hasik 'bisalok karelek dogolik, akhuni aperek inakmurinakhik, inilaga isonhogon hagakhik, hagakhe dogogun halok he, ineagei itaginakhunem, Allah nen tilinabiginat o.

Efesus 2:3

Alebageik nit tha'bokhogonat nen it hagariogei hakeneat hagakhe lagagu. Ninobabut akhuni inobabut inikhogat dogolik hagakharek hagat, hagakhe dogolik, ninoba agaken dageisinem weak hagakhik, ninakla apalok weak hagakhik, hagakhe lagagu. Etanem he, akhuni inobabut inikhogat dogolik hagakharek meke ninom tak-tagat werekma, Allah akla aga dageiluk, weagatninabigiluk welageikhe.

1 Tesalonika 4:13

Nagarlak lak nerugi. It akhuni aperek nen, “Hano hagatlasigin,” iluk inakla nen hutdigidek dogolik he, akhuni watlagunem inakla weak ariogo iti hak, hit itithogon hinakla weak aga dogunogo iluk, wene akhuni watlariogei meke iti hasik hinokodek dogosak iti na'it. Hinilu asubageik iluk hutukhogon yokhisak o.

1 Tesalonika 5:10

At Yesus ebe nit ninobasik ninom niniluk motok dogouogoluk watlageikhesik nen, yabokane wisigin iti, ninebe watlatlukmo wisigin a? Niniluk werekma wisigin a. Hano anek. At ebe witluk, ninom niniluk motok dogogun iti o.