1 Tesalonika 4:9 - ALLAH ANE WENW KET MEKE WAROGO WOKNINAKHIKHE WENE

⁹ Nen, hit-hit hinagarlak lak hinerugi hinom hinakmurogon dogobageik iluk, Allah nen erlogat yakulhisiliogo iti nen, yabokane an nen nikithogon halok, “Hit hinagarlak lak hinerugi hinom hinakmurogon hagakhe dogono,” iluk, holal waganogo hinoba la'isusak. Degat o.

1 Tesalonika 4:9 ပူးပေါင်းရင်းမြစ်များ

Matius 22:39

Nen, wene iti ipisak tak-tak he, ageikhe yi, Hit hinekaerek hinebe hinetaiken hunik welagathep iti hakene, it akhuni aperek hinom welagathep meke iti hinetaiken hunik dogono o, iluk isikhe meke kok ageikhe iti.

La'isasikhe 4:32

It wene eberogonat iluk waganhukha meke iti, inebe doalegat meke re, inetaiken opakiat welagoukha. Dogolik, inameke yi meke ti meke tha'bokhogonat, “Yi an meke,” iluk igidegat he, “Ninebe tha'bokhogonat ninameke,” iluk ekhe lagoukha.

Roma 12:10

Hinagarlak lak hinerugi Allah a'buri meke iti hinebe ap opakiat nen itago meke negen, hinetaiken hunik hinakmurogon dogolik, hit-hit hinagarlak lak hinerugi inalon halhe dogono o.

2 Korintus 9:1

An nen he, hit nen it Allah a'buri o Yudea meke yomageisauwogoluk natogokhe lagap meke iti hasik, wene holal waganogo hinoba la'isusak dek meke la'i agei iti.

Filipi 3:15

Halok he, nit ninetaiken arat horle aga meke yi, wene iti hasik hutdekhe dogouok. Itithogonat meke re, hit hinetaiken wene werlek meke oba ebekhe lagap halok he, hutduagaluk at Allah nen hutukhogon yokhisageinat o.

1 Tesalonika 5:1

Nagarlak lak nerugi. Akhuni aperek iniki abusak waganuogoluk hibako inokodegat werekma wageikharek hak, ninoe Etagapogot wisigin itinem itithogonat werekma wisigin iluk, hit hutukhogon hiniluat welagap iti. Halok he, an nen, “Itinem hagatlasigin, yinem hagatlasigin,” iluk holal waganogo hinoba la'isusak dek o.

Ibrani 10:16

“At Allah nen, Yabokane an nen it wene ket meke warogo woginabigin iti, wene ebe yiat warogo woginabigin. Inasuk wakherek wene iti inakla 'bisigik, inetaikenma holal waganhik, hagasigin o,” iluk isikhesik nen,

Ibrani 13:1

Nagarlak lak nerugi. Allah a'buri hinebe opakiat meke negen nakmu-hakmurogon hagakhethep meke iti, itithogon hinom hunigat hagakhe dogono o.

1 Petrus 3:8

Wene iti ilukun warogo men yokhisak. Hit hinebe tha'bokhogonat hinakla nen, “Ninebe Allah a'buri ninagarlak lak ninerugi ninom,” iluk, hinetaiken hunik dogolik, hinakla opakiat meke apigik, hinetaiken opakiat meke ebekhik, hagakhe dogono.Itithogon hagakhe dogolik, hinekaerek nen hogorakhigidek, hinetaiken thebekhogon dogolik, hit-hit nakmu-hakmurogo hagakhe dogono.

1 Petrus 4:8

Wene kok hakene yi. Hit-hit nakmu-hakmurogon hagakhe dogolik, ageikhe nen ageikhe weagatdugun meke thagalogo motok degetdugun iti nen, hit-hit hinagarlak lak hinerugi hinom nakmu-hakmurogo motok hagakhe dogono.

2 Petrus 1:7

Allah akla warlok apekherek mothogon hagakhe dogolik, iti meke oba dukhogon, inagarlak lak inerugi inakmurogo welageikharek iti meke, ite atno. Hinagarlak lak hinerugi hinakmurogo dogolik, iti meke oba dukhogon, akhuni inebe tha'bokhogonat inetaiken hunik welageikharek iti meke, ite atno.

1 Yohanes 2:10

Itithogon mekeat he, tha nen agarlak lak erugi akmurogon welagarek halok he, at ebe lia baga motok dogolik, akhuni nen it aperek waroagaluk ineram nen holak palharek iti hak, it aperek weak hagasuagaluk nukhetdisekherek dek o.

1 Yohanes 3:11

Wene Allah nen he, “Hit-hit nakmu-hakmurogon dogono o,” iluk yoknisasikhe meke, akhuni aperek nen yokhisasukhama erloma nen hinasuk holhigip itiat o.

1 Yohanes 3:23

At nen wene ninasuk wakhikhe iti, ebe re, “Hit hinetaiken an na'but Yesus Kristus oba hakotdiluk, at nen yokhisekhe iti hagat, hit-hit nakmu-hakmurogon dogono o,” iluk ninasuk wakhikhe itiat o.

1 Yohanes 4:21

Iti nen, at Kristus nen ninasuk wakhe dogolik, “Allah hinakmurogon dogolik, hinagarlak lak hinerugi hinakmurogonat dogono o,” iluk yoknisasikhe iti.