1 Tesalonika 4:8 - ALLAH ANE WENW KET MEKE WAROGO WOKNINAKHIKHE WENE

⁸ Wene iti hit aperek nen here'isekhe lagap halok he, nit akhuni ninane meke here'isekhe lagap 'buk. Dek o. Allah nen Agoreke hit wokhisekherek meke etnogo ane mekeat here'isekhe lagap o.

1 Tesalonika 4:8 ပူးပေါင်းရင်းမြစ်များ

Lukas 10:16

Itithogon yogeisalok nen, at agarumi ane waganhe lagoukha meke emenogo men yogeisasikhe, “It akhuni nen hit hinane holiogei halok he, an naneat holiogei o. Nen, Nina'it, iluk here'inagega halok he, anat here'anha o. Nen, an here'anha halok he, an la'ani ageikhe meke etnogo ebeat here'isega o,” iluk itithogon yogeisalok nen, la'isasikhe.

Yohanes 12:48

At he, at iti an nebe woknabu a'irat, nen nane hanorogon waganusak a'irat, iti nen, at iti wene oba 'bigin meke werek o. Wene oba 'bigin iti, o ilugun hurli baga karelinabigin iti nen, an nen wene yokhisekhe lagei iti bagaat wene oba asigin o, iluk itithogon yokhisekhe lagei iti,

Roma 5:5

Hano asigin iluk ninakla arleken akhekhe lago iti baga, Allah nen Agoreke woknisasikhemo ninakla dogolik, i henakharek hak, Allah nen akmutninakherek meke iti ninakla kokhogon 'binanherek iti baga ninayuk dek welago.

1 Korintus 2:10

'Binanhe meke iti, at Allah Agoreke nen yi meke ti meke penakherek iti nen, Allah akla limago welagarek meke iti inomat penakhe dogolik, pakhogon yoknisasikhe o.

1 Korintus 7:40

Itithogon woginabusak mekeat he, waganhidek werlegat dogoumo, inakla hano motok dogosak apekhe lagei o. Itithogon apekhe lagei iti, Allah Agoreke nakla dogolik apekhe lagei.

Galatia 4:6

Itithogon herle hisalogo 'binanhikhemo, ninebe Allah a'buri welago iti nen, at a'but Agoreke ninetaikenma 'binani ageikhemo dogolik, at Allah hasik, nit nen, “Nopase, nopase o,” ekhe dogoagaluk ekherek iti.

1 Petrus 1:12

Hinok waganhunem, at Allah nen he, “Wene iti, hit hinekaerek hasik, dek o. It yabokane aban meke inobasik hagakhe lagap o,” iluk hit hinobasigat isikhe. Itithogon yogeisasikhesik welageikhesik nen, yabokane Allah Agoreke pogot oba nen usa'i ageikhemo, it ap hano wene Yesus Kristus hagakhikhe wene etnogo yokhisoagaluk inakla dogolik yogotak pakhogon yokhisiliogei ebe iti hasik ekhe lagoukha iti. Wene iti, it malaikat Allah nen yoko usa'isa agarek meke emenogo nen, “Eiye. Nit wene iti hutukhogon ninilu atlo e,” iluk apegarek.

1 Yohanes 3:24

Nit Allah nen wene ninasuk wakhikhe wene iti hologo mothogon hagakhe lago halok he, at Agoreke woknisasikhemo ninakla werek, iti baga, nit at ninom hunik, nen at nit ninom hunik welago, iluk hutdekhe lago.

Yudas 1:8

Itithogonat, it akhuni iti ina'bi hiliogei thalek inetaiken dek dogolik, inekaerek inebe weagatdakhigik, ninopase Etagapogot inakla meanetdigik, pogot oba hogorinakharek meke iti inabok weak igik, hagariogei.