1 Tesalonika 4:6 - ALLAH ANE WENW KET MEKE WAROGO WOKNINAKHIKHE WENE

⁶ Iti meke hasik mothogon hagakhe dogolik, hinagarlak lak hinerugi inilomarogo inaguni inagugi meke param ha'isausak dek o,” iluk, Allah akla nen itithogon apalok yoknisekherek iti. Itithogon ekherek iti nen, alebageigat nit nen ekhe dogolik, “It akhuni param itithogon ha'isegarek meke, ninoe Etagapogot nen ukum inoba 'bigin werek o,” iluk, ninobatnerogon hinasuk warogo yokhisasugu o.

1 Tesalonika 4:6 ပူးပေါင်းရင်းမြစ်များ

Markus 10:19

Wene at nen, Yigithogon hagatno, itithogon hagatno, iluk ninasuk wakhe dogolik, men isikhemo werek, Akhuni inebe inasusak dek o. Param ha'isausak dek o. Hiniki abusak waganusak dek o. Hinekalat inabok palusak dek o. Nukherinabusak dek o. Hinagosa hinopase inalon halinakhe dogosak o, iluk ninasuk wakhikhe wene etnogo hat hiluat o,” iluk yogokhikhemo,

Lukas 12:5

Meke re, hit tha hinayukhogon dogosak nogo. An nen yokhisak. At Allah nen hinebe hinatluk, yabokane hetu aikmo erlok la'inagusak werek itiat hinayukhogon dogono, iluk yokhisekhe lagei iti.

Roma 1:18

Akhuni nen, Allah ebe inobakhanini here'isalok, inobabut korloat hagakhe dogolik, ebe wene akhuni inilu asinogo iluk thebeliogei iti nen, Allah akla aga dageiluk pogot oba nen thelekmatdisikhe.

Roma 12:19

Nagarlak lak nerugi. Hinebe nakmu o. Akhuni nen hit weagathinakho halok, hinekaerek nen ukum waganhup o. Allah akla aga dageiluk, at nen hagasuak nen, at iki baga 'bekhe dogono. Wene itithogon hagakhe dogosak, iluk holal yigithogon waganek werek, “Ukum an nen inakhik, oko an nen 'bigik, hagasigin o, iluk ninopase Etagapogot nen ekherek,” iluk holal waganogo 'bisukha.

Roma 13:4

It pemerintah Allah nen meldisasikhemo, at atuaneke dogolik, hit hanorogo dogoagaluk hagariogei o. Meke re, weak hagakhep halok he, hinayukhogon dogono. It tugi wolok hagariogei iti, yugunat wolok liliogei 'buk. Akhuni weak hagakhunem nen, Allah nen akla aga dageiluk ukum inoba 'bu hak, it meldisasikhemo, it nen ukum inoba 'begarek o.

2 Korintus 7:11

At Allah akla warlok apekherek oba hinakla weak atluk nen, “Napik nen weak hagakhima,” iluk hinobabut hebelatluk nen, hano meke obatnerogo hagakhik, wene hinoba dek mothogon hagakhik, hinakla aga dageigik, hinayuk ageik, “Paulus ninom abuk atlo o,” iluk noba ebekhik, hinakla agaken thok-thok hagakhik, at weak hagakhikhe werek iti ikirluk oba ula'isigik, hagakhep iti lakhani! Itithogon hagakhe dogolik hit weak agekhe hagakhidek wene hinoba meke korogo motok la'isegep o.

Galatia 5:21

inakla nen, it ninat meke inameke, “Warlok e,” apigik, apusu 'bit negen nalok hunu-hunu palhik, pesta weak hagakhik, hagakharek iti inom, aperek itithogon hagakharek meke tha'bokhogonat inom, hasik igi iti. It akhuni itithogon hagariogei meke, Allah apma 'bisekherekma etoma iteerek asugun motok dek o, iluk, wene iti hasik alep yokhisasigi hak, yabokane hinasuk warogo yokhisigiat iti.

Efesus 4:17

An ninoe Etagapogot nipisak hunik dogolik at nen yokhisau hak wene yi hinasuk warogo yokhisak. It akhuni itikmanke meke inobabut hagariogei iti hak, hit hinobabut itithogon hagakhe dogogup o. It iti, we yugunat alomarogo meke oba ebekhe dogolik,

Efesus 4:28

Hit aperek nen hiniki abusak waganhe lagap meke halok, yabokane itithogon waganhidek dogolik, it inerlageik meke yomageisekhe dogouogoluk, hinekaerek nen yabu hano meke anek hiniki obatnerogon waganhe dogono o.

Efesus 5:6

It akhuni Allah ane mothogon hagasu'buk meke nen, wene igi itithogon hagakharekma, Allah akla aga dageiluk weagarinabigin iti nen, it aperek nen inane we yugunat ekhe dogolik, “Weak meke itithogon hagasumo hanoat,” iluk nukhetdinagunogo.

1 Tesalonika 2:11

Hit Allah apma ukiluk hogorakharekma etoma ukiluk dogobageik iluk hinayoko 'bisikhe meke etnogo akla warlok apekherek meke mothogonat hagakhe dogobageik nen iluk, nit nen inopase lak nen ina'buri inasuk wakharek hak, hinebe tomok hinasuk wakhik, hinetaiken thebelhik, hinakla kagalhik, hagakhe lagagu etnogo, hit hiniluat o.

Ibrani 13:4

Ap dek, humi dek, inobabut yugunat hagarinabik lageikharek meke inom, ap inagugi meke param hagakharek meke inom, it yabokane Allah nen wene inoba 'biluk weagarinabigin iti nen, ap nen humi iginakharek iti, akhuni tha'bokhogonat nen kogotdiluk, yugunat hagainakhidek humi ap waganek meke dopok inom hano noge ekhe dogosak o.

Ibrani 2:6

Wene akhuni inobasik Allah ane baga ap ageikhe nen holal yigithogon waganhikhemo werek, “Eiye! Allah nopase. Nit ninebe akhuni meke itaklagagu mekeat, hat nen ninoba eberek welageik, helokhoma 'binanhik, hagakhetek iti nikithogon nen.

Yakobus 2:6

Itithogon wenageinakhikhe mekeat he, hit nen it inameke dek meke hinakla meanetdisekhe lagap iti. Meke re, thani nen hit hinebe weagathinakhik, pemerintah meke nen hinitema waganuagaluk wokhisik lageik hagariogei nogo. It akhuni inameke doalegat meke iti nenat itithogon hagathinabiogei apigi.

Yakobus 5:4

Hinagarumi hineram nenat gandum eken palhisoagaluk inayoko 'begepma paliogei mekeat he, oko wogeisigidegat munenekhe lagap iti nen, it nen he, “Oko woknisauem!” iluk inane kokhogon iliogei iti la'isani o! Itithogon hagakhe lagapma it inane iti ninopase Etagapogot obatneak etnogo asuk holhesik werek o.