1 Tesalonika 4:5 - ALLAH ANE WENW KET MEKE WAROGO WOKNINAKHIKHE WENE

⁵ It akhuni itimanke meke, an nebe inokodek dogolik inoba agaken dageisinem yugunat ha'isiliogei iti, itithogon hagakhe dogosak dek o.

1 Tesalonika 4:5 ပူးပေါင်းရင်းမြစ်များ

Matius 6:32

Itithogon hagakharek iti tha'bokhogonat, it akhuni itikmanke meke nen iti meke kogotdiluk herarik nekharek mekeat he, hit yi anek he, yi meke ti meke dek nen hinerlageik negen welagap iti, at hinopase Allah pogot oba meke iluk welagarek o.

Lukas 12:30

Itithogon hagakharek iti tha'bokhogonat, it akhuni itikmanke meke nen iti meke kogotdiluk herarik nekharek mekeat, hit yi anek he, yi meke ti meke dek nen hinerlageik negen welagathep iti, hinopase Allah iluat welagarek o.

La'isasikhe 17:23

An o hit hinai ukul yoma nekhe dogolik, o usa hagakhe lagapmake nileken hilik nekhe dogolik, kaneke ageikhe ai halekma ako warogo 'bisegethepma etoma holal men iluk oba waganek werekma nileken higi, Yi walhenak ninokodek meke hasik o, iluk holal waganek werekma higi. Hit hinokodek dogolik hogorakhe lagap iti ebe re, an nen hanorogo yakulhisak.

Roma 1:24

Hogarakharek iti nen, Allah nen, “It inekaerek inetaiken nen nukunem, it-it inekarli dek inebe weagararekhe dogoak,” iluk inebe here'isasikhe iti.

Roma 1:26

It itithogon hagakharek iti nen, at Allah nen, it inetaiken nen nukunem inekarli dek hagakhe dogoagaluk, “Inoba dopok,” iluk here'isasikhe. It humi nen, ap inom noge egarek hagat, noge usak mekeat he, it humi-humi noge usak dek mekeat noge egarek iti.

Roma 1:28

It nen, “Allah ebe ninilu dogosak nina'it o” iluk at ebe it inakla meanetdisukhama, at nen, “It inakla apiliogei iti korlo o. Na'it. It nen weak mekeat he, hano iluk apegarek iti, itithogon inoba tomok apekhe dogolik hagasusak dek meke hagarekhe dogonek,” iluk inebe here'isekherek.

1 Korintus 1:21

At Allah akla motok kagalek iti nen, men isikhe, “Akhuni agat oba meke nen, inekaerek inawene kagoukhogon egarek iti nen, an nebe inilu asusak erlok dek o. It aperek nen wene ebe wene yogeisilik lagunem, it akhuni agat oba meke nen apekhe dogolik, Wene iti akhuni kepu meke nen egarek hakene iliogei, iluk isi korlegat, it aperek nen, Wene iti eberogonat, iluk apagun meke halok, an nen tilinabiginat o,” iluk oba la'buk iluk ekaerek nenat isikhe.

1 Korintus 15:34

Weak hagakhe lagap meke iti here'isalok, yogotak hinobabut hebelatni o. Hit aperek Allah ebe hinokodek welagap iti nen, hinekarli wasigiluk yokhisigi iti o.

Galatia 4:8

Hit alebat nen, Allah ebe hinokodek welagagip iti nen, ninat meke ebe Allah hakene dekmaat apma welagagip iti.

Efesus 2:12

Etanem, Kristus ebe hinom hunik degat walegat dogolik, hinebe Allah nen wenakhinakhikhe meke dek. Ninat mekeat welagagip. Itithogon werekma, at Allah nen, wene it inom wakhe dogolik, “Itithogon hagathinabigin,” iluk abok yogeisasikhe meke etnogo, hit hinokodegat dogolik, “Hano asigin,” iluk hinakla apigidegat, Allah apma ukigidek, agat oba yoma dogolik, Allah ebe hinokodegat welagagip.

Kolose 3:5

Iti nen he, hinobabut hinikhogat dogolik, hinakla nen yi warlok ti warlok apegethep meke iti warogo here'isekhe dogono. Hinobabut iti, param ha'isegarek iti inom, inakla nen, warlok iluk wosi nekarek iti inom, inetaiken nen nekerethek inoba agaken dageikherek iti inom, inileken lageisalok inakla nen warlok apegarek iti inom, kaneke oba hakokthek dogou hak, inakla nen, “Yi meke ti meke, an meke anek dogolep,” iluk apegarek iti inom, hinobabut iti meke tha'bokhogonat warogo here'isekhe dogono.

1 Petrus 4:3

Hit alebat hinobabut it akhuni Allah ane inokodek meke nen inakla apalok hagakharek iti hak, hiniki doalegat arat hagakhe dogolik, weak hinekarli degat hagakhik, hinetaiken nen nukunem param hagarinakhik, eken apusu 'bit hakene doalegat nalok hunu-hunu palhik, pesta weak hagakharek meke nalok yugunat-yaganat hagakhik, apusu weak meke iti nikik, kaneke akla korlo asunogo iluk, hogorasusak dek meke hogorakhik, hagakhe lagagip iti.