1 Tesalonika 4:3 - ALLAH ANE WENW KET MEKE WAROGO WOKNINAKHIKHE WENE

³ Allah akla nen he, men apekherek iti, “Hit hinebe an nobasik 'baniluk karelek motok dogolik, param ha'isegarek iti meke ha'isigidek motogat dogono.

1 Tesalonika 4:3 ပူးပေါင်းရင်းမြစ်များ

Matius 12:50

Tha nen an nopase pogot oba meke akla apekherek meke mothogon hagakherek halok, at iti an nagot, neru, nagosa werek o,” iluk yogokhikhe.

Matius 15:19

Inetaikenma nen weak meke ebekhik, akhuni inakhik, humi ap inagugi meke param ha'isigik, homagarlugi yugunat hagarinakhik, iniki abusak waganhik, it akhuni aperek inoba inekalat wene 'bisigik, inabok wiik-weak palhik, hagakharek iti inetaikenma nenat kagalogo dagei agunem dukhi agarek o.

Matius 5:32

Itithogon meke re, an nen wene ageikhe yi yokhisak. Ap ageikhe age waganek meke, it ap ninat meke param ha'igidekmaat, lologo thogotdisekhe halok, he iti param hagasuagaluk thogotdisekhe o. Nen, at ap ageikhe nen, he lologo here'igin meke iti waganhe halok, at ap iti paramat hagasigin o,” iluk yogeisasikhe.

Matius 7:21

Itithogon yogeisasikhesik men yogeisasikhe, “Hit akhuni nen, an yoknekhe dogolik, Ninoe, ninoe, iluk ekhe lagap iti baga hinebe tha'bokhogonat, an nopase pogot oba meke apma 'bisekherekma etoma ukilugun dek. Pogot oba ukilugun iti re, it an nopase pogot oba meke akla apekherek meke mothogon hagariogei meke anegat ukilugun o.

Markus 3:35

Tha nen, at Allah akla apekherek meke mothogon hagakherek halok he, at iti an nagot, neru, nagosa, werek o,” iluk yogeisasikhe.

Yohanes 4:34

Itithogon isukhama at Yesus nen, men yogeisasikhe, “At an la'ani ageikhe meke etnogo akla apekherek meke tak-tagat hagakhe lagei iti inom, an hagasuagaluk nayoko bisikhe meke iti yabu ilugun thirliphogon hagasigiluk hagakhe lagei iti inom, an napiri itiat o.

Yohanes 7:17

Tha nen Allah akla apekherek meke mothogon hagasusak warlok halok, an nen wene yakulisekhe lagei iti, Allah nen yakulekhe korlek iliogo, igik, Ekaerek akla nen kagalogo iliogo, igik, ekagat halok ilu asiginat o.

La'isasikhe 15:20

Nit nen, wene men iluk holal waganogo inoba la'usak. Kaneke oba inetaiken hakotdiluk dogolik ako warekharek meke palek nukunem inebe weagarageikharek meke iti nausak dek. Param hagarinabusak dek. Nen, yi meke ti meke arlokop pethelogo warek meke nikik, mep nikik, nausak degat, iluk inasuk warogo inoba la'uok o.

La'isasikhe 15:29

Kaneke oba hakotdiluk dogolik ako warekharek meke iti palek nausak dek o. Mep iti nausak degat. Yi meke ti meke arlokop pethelogo warek meke iti nausak degat. Param hagarinabusak degat o, iluk wene palho. Itithogon hagakhidek thogotdegep halok he, hit hano hagakhe lagap iluk ugun iti. Wene iti baga arat yokhisogo. Nagarlak lak nerugi,” iluk holal waganogo la'isa agoukha.

La'isasikhe 20:32

Yogo. Wene Allah obabut hano nen wokninakherek iti wene hiniki a'bethogon hago dogobageik iluk, yokhisigi. Yogotak nen, at Allah obatne werek meke nen, wene iti baga hinetaiken horlethinakhik, yi meke ti meke at ekaerek a'buri wogeisagaluk 'bisasikhe meke wokhisigik, erlok hagasusak meke iki baga 'binagagi o.

Roma 1:29

Itithogon hagarekhe dogolik, it inakla nen yi weak ti weak, yi korlo ti korlo, kerlekhogon dogolik, inamikmak weak hagakhik, akhuni weagarinakhik, hagakharek. Hagakhe dogolik, akhuni inoba ua palhik, inebe inakhik, wene tauk ageik, akhuni dalinakhik, wene eken 'biluk welageik, hagakharek iti mekeat inakla motok kerlek welageikharek. Inabok limago nabok-habok igik,

Roma 12:2

Akhuni yoma hagariogei meke iti inobabut waganhup o. Hinobabut ket ninat hagatlasuagaluk, at Allah nenat hinakla ket meke hagathinakhe dogoak o. Itithogon hagathinakhe dogoumo, at akla nen, “Yigithogon hagasuak, itithogon hagasuak,” iluk apekherek iti ebe hinilu asigin o. Hano meke ebe itiat o. At Allah akla hanorogo hagakhik, inetaiken horle ageik, hagakherek iti nenat o.

Roma 6:22

Meke re, hit weak hagakho korlek, weak meke nen hakhisik werekma, Allah nen herle hisalogo ula'inageikhemo nen, yogotakne at apma ukiluk welagap iti o. Dogolik hinebe at hasik 'binageiluk welagap iti thaburegep o. Itithogon dogoluk, ilugun oba hiniluk motok dogogunat o.

1 Korintus 1:30

At Allah nenat hit Kristus Yesus hinom hunik dogobageik iluk 'binageikhemo welgap iti. Wene ninakla kagalek dogou hak, Yesus ebeat woknisasikhe. Itithogon woknisasikhemo, at nen Allah ninom yabokane ninapuke dapulogo 'binanhik, ninebe Allah hasik 'binanhik, tilninakhik, hagakherek.

1 Korintus 7:2

Mekeat he, param hagakhe dogunogo iluk, ap inagugi tomok waganek welageik, humi inaguni tomok waganek welageik, dogosak o.

2 Korintus 12:21

Itithogon hagakhunem, an wagunem, nopase Allah nen hit hinobabut hagakhe lagap iti hasik hit hinil oba nekarli warogo thebetdanusak iti nayuk. It akhuni hit meke aperek doalegat nen humi inaguni werek meke, ap inagugi werek meke nen param ha'isigik, horlak tharlisik meke, elege nen ha'isigik, inekarli dek weak motok hagakhik, o haganeat nen hagakharek meke here'isalok inobabut hebelageidek motok welageikharek iti hasik, de asisunogo iluk nelabut hisik welagei o.

Galatia 5:19

Akhuni agat oba yoma inobabut inikhogat dogolik hagakharek meke ebe ekagat yi. Param haganirakhik, inalilo meke hagakhik, inoba agaken hagakhik,

Efesus 5:17

Hinetaiken abit dogosak dek o. At ninoe Etagapogot akla warlok apekherek meke itiat erlo hera'iluk mothogon hagakhe dogono.

Efesus 6:6

It nen thethisik werek korlek anek akhuni meke inakla hanorogon hagakhe dogogup. Hinakla nen he, “Kristus atuaneke dogolik, Allah akla warlok apekherek meke itiat hagakhe dogouok,” iluk, hinakla ebetdiluk nen hagakhe dogono.

Kolose 1:9

Hinabok itithogon isinem ninasuk holhosik, nit nen hit hinobasik sembayan igik, Allah ayoko 'bigik, thogotdigidek isi motogat welago. Itithogon isinem Allah Agoreke nen hinakla kagalhunem, hinakla motok kagalogo wene hutdiluk nen, at Allah akla warlok apekherek meke iti hit nen, hutukhogon hinilurogon dogobageik iluk ayoko 'bekhe lagoat o.

Kolose 3:5

Iti nen he, hinobabut hinikhogat dogolik, hinakla nen yi warlok ti warlok apegethep meke iti warogo here'isekhe dogono. Hinobabut iti, param ha'isegarek iti inom, inakla nen, warlok iluk wosi nekarek iti inom, inetaiken nen nekerethek inoba agaken dageikherek iti inom, inileken lageisalok inakla nen warlok apegarek iti inom, kaneke oba hakokthek dogou hak, inakla nen, “Yi meke ti meke, an meke anek dogolep,” iluk apegarek iti inom, hinobabut iti meke tha'bokhogonat warogo here'isekhe dogono.

Kolose 4:12

At Epafras, Kristus Yesus atuaneke, ebe hit mekeat etnogo nen, heagei wathinakheat o. At nen he, hit hinakla nen, “Allah ane iti eberogonat,” iluk hutdiluk nen, hinetaiken horle atluk hinebe metegat dogolik, yi meke ti meke Allah akla apekherek hak hagakhe dogobageik iluk sembayan hit hinobasik obatnerogonat isi motogat welagarek.

1 Tesalonika 4:4

Itithogon dogolik, hinagugi dopok woginabiluk nen, hinom hano dogolik, hinebe an nobasik 'baniluk karelek dogolik, hinobabut inalon halogo hagakharek tak-tagat hagakhe dogono.

1 Tesalonika 5:18

Allah akla nen he, “Hit Kristus Yesus hinom hunik dogolik, yi meke ti meke tha'bokhogonat hasik an heagei watnakhe dogosak o,” iluk apekherek iti nen, itithogonat hagakhe dogono.

1 Tesalonika 5:23

Itithogon werekma, at Alah ninetaiken hapugutdinanherek meke etnogo nen, hinebe abisakeat ekaerek hasik 'bakhalok dogoak o. Werekma, ninoe Etagapogot ebe wagunem, hinetaiken inom, hinebe inom, hinobabut inom, wene hinoba 'busak motok dek karelek werekma wisuak nen, at nenat hakhisik dogoak o.

2 Tesalonika 2:13

Nagarlak lak nerugi. Hinebe ninoe Etagapogot nen akmu werek o. Erlo baga Allah nen hinebe tilhinabigiluk wenakhinakhikhemo, hit nen ebe wene iti eberogonat iluk waganhik, nen, hinebe Allah Agoreke nen Allah ekaerek hasik 'bakhalok karelogo 'bisigik, hagakhe dogogun iti baga tilhinabigin iti nen, nit Allah heagei wasusak tak-tagat, hit hinobasik heagei wakho motok welago o.

Titus 2:14

Nit alep Allah ane here'isalok yi weak ti weak hagakhe lagagu iti nen niniki herle warogo negen haknisik werekma, at Yesus Kristus nen he, “It inebe an nekaerek na'buri atluk nen, inobabut hano meke akilukhogon hagakhe dogoak nen, inebe herle hisalogo inoko paligiluk, an nebe watlasigin,” iluk isikhe.

Ibrani 10:36

Hit nen Allah akla warlok apekherek meke hagakhunem, at nen, “Hit wokhisagein,” iluk abok yokhisasikhe meke iti waganubageik nen, hinobakhanini hapugutdiluk hagakhe dogosak o.

Ibrani 12:16

At Esau hipiri abu nen, men isikhe, “Makusa itago an atma, an ite asigin meke iti kok he, dek. Nagot ite asuak,” iluk hipiri piring opakiat temerek meke hasik, at agot oba oko waganhikhe iti hak, hit aperek param hagakhik, wene ebeat meke kogotdigidek hinakla puk ageik, hagakhe dogogup o.

Ibrani 13:21

Hit Allah akla warlok apekherek meke anek hano hagasubageik nen, yi meke ti meke hano meke tha'bokhogonat wokhisoak. Itithogon wokhisugunem, nit ninom tha'bokhogonat nen Allah akla hanorogo hagakhe dogoagaluk, ninobabut at nen woknisagein iti, ebe, Yesus Kristus nen woknisoak o. At Kristus itiat hogorakho motok dogouok o. Ebeat asuak u hak, “Amin,” igi iti.

Ibrani 13:4

Ap dek, humi dek, inobabut yugunat hagarinabik lageikharek meke inom, ap inagugi meke param hagakharek meke inom, it yabokane Allah nen wene inoba 'biluk weagarinabigin iti nen, ap nen humi iginakharek iti, akhuni tha'bokhogonat nen kogotdiluk, yugunat hagainakhidek humi ap waganek meke dopok inom hano noge ekhe dogosak o.

1 Petrus 4:2

Iti nen, hit nen akhuni yi meke ti meke warlok nen inetaiken nen nekerek iti meke here'isalok, hurli yogotak hurli nen, agat oba yoma hiniluk dogolik Allah akla warlok apekherek meke iti anek hagakhe dogono o.

1 Yohanes 2:17

Akhuni agat oba meke inobabut inikhok hagakharek iti inom, yi meke ti meke warlok iluk hagakharek iti inom, dek arik wiriogo mekeat he, akhuni Allah akla warlok apekherek meke hagakharek meke iti anek he, iniluk motok dogogun o.

A'bikaka 21:8

Itithogon mekeat he, it akhuni aperek inayuk holik meke inom, inetaiken Allah oba hakotdigidek meke inom, Allah alilo meke hagakharek meke inom, akhuni inakharek meke inom, param ha'isigik, ha'isoagaluk hagakhik, hagarek meke inom, elo dek elalinat inakharek meke inom, inetaiken kaneke oba hakotdiluk dogolik, hogorakharek meke inom, inekalat egarek meke tha'bokhogonat inom, i laut hetu meke yekelek werekma, hotali al hakene obasi weak meke etaga belerang inom-inom amulok nasi motok welagarekma etoma inobolukmo la'isagein. La'isagein iti, inebe alebageik elanma hasik watlatlukmo nen, yabokane watlasugun meke itiat o,” iluk yoknekhe.

A'bikaka 22:15

Itithogon mekeat he, it akhuni aperek weak inalilo meke yeke hagakharek hak hagakharek meke inom, it elo dek elalin inakharek meke inom, it param ha'isigik, ha'isoagaluk hagakhik, hagakharek meke inom, it akhuni inakharek meke inom, it inetaiken kaneke oba hakotdiluk dogolik hogorakharek meke inom, it inape baga nen nukhetdisigik, yi meke ti meke hagakhe dogolik, nukhetdisigik, hagakharek meke inebe tomok inom, tha'bokhogonat o kota iti abel itikmanke dogogun o,” iluk yoknekhe.