1 Tesalonika 2:9 - ALLAH ANE WENW KET MEKE WAROGO WOKNINAKHIKHE WENE

⁹ Nagarlak lak nerugi. Nit Allah ane hano wene iti yokhisugunem, yi meke ti meke hasik, hit aperek hinoba tiolhinabunogo iluk, nit ninekaerek nen dikene hibakone ninobatnerogon hagakhik, mep dageik-dagokhogon hagakhik, hagakhe lagagu etnogo, hiniluat o.

1 Tesalonika 2:9 ပူးပေါင်းရင်းမြစ်များ

Lukas 18:7

Iti hakene, at Allah nen a'buri wenago 'bisasikhe meke nen dikene hibako inane obatnerogon ayoko 'bisi halok, inirlirli woginabigin dek nogo? Inane konhe dogoluk nen, yabokane halok inirlirli woginabigin nogo?

Lukas 2:37

yabokane thoge ageikhesik nen, at ebe umur 84 tahun motok yaman ageikhesik welageikhe. Dogolik iki ageikhe hipiri nikidek hean negen 'bakhalok Allah ai halekma etoma dikene hibako a'it ageidek sembayan isi motok welageikhe.

La'isasikhe 18:3

It Akwila Priskila ipisagat oko horlauwogoluk, o su ai meke 'bugukakhe lagoukha. At Paulus oko horlagaluk itithogonat 'bugukakhe lageikhe iti nen, it inoba wageikhesik dogolik, inomat 'bugukhakhe lagoukha.

La'isasikhe 20:24

Itithogon mekeat he, an nebe niluk dogosak itiat kok iluk iti meke kogotdekhe lagei dek. Ninoe Etagapogot Yesus nen nayoko 'bekhe dogolik, at nen, Allah obabut hano nen hagarinakherek wene hano wene itiat yogeisilik lano o, iluk nayoko 'bisikhe itiat ilugun oba kobokhogon hagasigiluk kogotdekhe lagei o.

La'isasikhe 20:31

Hinobabut hebelogo dogono! An o mo dageigik usigik hagakhe korlek 3 tahun ninom dogolik, huk ageidek dikene nen, hibako nen, de aga dogolik, hinebe dopok hinasuk wakhe lagei etnogo, hinakla eberek dogono o.

Roma 1:1

Hit Allah a'buri o Roma welagap meke nagarlak lak nerugi. At Allah hinebe akmu meke tha'bokhogonat an Paulus Kristus Yesus atuaneke meke etnogo nen wene holal waganogo hinoba la'i agei iti o. An nen hano wene etnogo akhuni yogeisilik nekhe dogoagaluk Allah nen wenago meldanhikhesik la'ani ageikhe o.

Roma 15:16

An nebe at Kristus Yesus apma dogolik akhuni itikmanke meke woginabuagaluk nayoko 'bisikhemo, at Allah akla hanorogo Agoreke iti baga it inebe Allah hasik 'bisagaluk, at ane hano wene iti yogeisilik nekhe lagei o.

Roma 15:19

At ebe hutduagaluk yi meke ti meke hagakhik, hogorasuagaluk yi meke ti meke elalinat hagakhik, obatnerogon hagakhikhe. Allah Agoreke etnogo obatne bagaat hagakhikhe iti. Hagakhe korlek, an he, o Yerusalem eloma nen dagak-pagak piokthek o Ilirikum eloma, at Kristus wene hano wene iti hutukhogon yogeisilik wagei.

1 Korintus 4:12

Itithogon nekhe dogolik, yi meke ti meke horlauwogoluk, yabu niniki baga nen, ninobatnerogon waganogo horlogorek. Akhuni nen homan 'binanhunem, nit nen inalonerinakhik, yi aik ti aik hagatninakhunem, ninobakhanini hapugutdiluk welageik,

1 Korintus 9:15

Itithogon isikhe mekeat, an nen hano wene alisikhogon itithogon waganhidek welagarek. An hasik itithogon woknisuagaluk wene yi holal waganogo la'i agei 'buk. An itithogon woknisuagaluk hagakhidek welagei iluk hogorakhekhe lagei meke yi, at ageikhe nen nane degetdusak he, na'it. An nebe watlasumo, hano.

1 Korintus 9:18

Halok he, an niki oko nena meke woknisusak? Iti ebe yi. Oko woknisu hak, hano wene iti oko dek werlegat yokhisilik nekhe dogolik, nakla hano welagei iti o. Itithogon yogeisugunem, oko woknisusak tak-tak mekeat, itithogon aperek woknikhunem waganhidek welagarek iti hano.

1 Korintus 9:4

“An Allah ayabu hagakherek iti hasik, niki oko hipiri woknikhik, i woknikhik, hagakhunem, horlausak dek nogo a? Horlausagat o.

2 Korintus 11:27

Yi yabu ti yabu hasik thet wiik-weakhogon hagakhik, hibiku-yogoku noge niluk noge igik, hipiri inom, i inom, dek nen abuat welageik, hibiku-yogokuat hipiri nikidek hapugutdigik, nasu dek nen thogei nakhik, o koma noge u heat ageik, hagakhe lagagisigat.

2 Korintus 11:9

An hit ninom dogolik uang dek nen, hit nen aperek woknesuagaluk kino hinoba tiolhe lageidek o. Itithogon werekma, it ap nagarlak lak o Makedonia meke wageikhasik erlogat woknesi ageikha iti nen, yi meke ti meke hasik hit hinoba akinetdinogo iluk, apasigisikmo, kino yokhisigidek welagagisik yabokane itihogonat motok hagakhe dogogin o.

2 Korintus 6:5

Tugi ninakhik, niniki herle warogo o herle werek 'bisegarekma 'binanhik, akhuni doalegat nen ninoba wiik-weakhogon ninasusak hagatlageik, hagakhe korlek welago. Yabu thet weak hagakhik, noge usak degat ageik, hipiri abu ageik, hekhe dogolik hagakhe lago.

Filipi 4:16

An o Tesalonika eloma yi meke ti meke degat werekma, alebageik ageikhe laknisi agagisip nen, yabokane ageikhe laknisi agagip iti.

1 Tesalonika 1:3

Ninopase Allah il oba sembayan itithogon ekhe dogolik, hit hinetaiken Allah oba hakotdiluk dogolik hagakhe lagap meke inom, akhuni aperek hinakmurogo dogolik, hinobatnerogo yomageisekhe lagap meke inom, hinakla nen, “Ninoe Etagapogot Yesus Kristus nen hano hagatninabigin,” iluk hinebe hinobakhanini hapugutdiluk welagap meke inom, nit nen hit hagakhe lagap meke iti hasik obarlikmatdigidek, eberek motok welago.

1 Tesalonika 2:2

Hit hinoba aban wageidek o Filipi etoma werekma, akhuni etoma meke nen inakla erlok degetdinaniluk yi aik ti aik hagatninakhe lagoukha. Itithogon mekeat, ninopase Allah nen ane hano wene etnogo ninayuk dekhogon yokhisasuagaluk hagatninakhikhemo wagagusik yokhisasi werekma akhuni doalegat nen, “Wene iti nina'it o,” iluk, ekhe korlegat, ninobatnerogo yokhisekhe lagagu etnogo, hiniluat o.

1 Tesalonika 2:6

Hit nen nit hogotninakhik, it aperek nen hogotninakhik, akhuni meke nen itithogon hogotninabuagaluk ekhe lago dek o. At Kristus nen ninayoko 'biluk la'inani ageikhemo wene iteerek dogolik, ninane ninobatnerogon yokhisausak erlok welago.

1 Tesalonika 3:10

Hit hinetaiken Kristus oba hakotdisigip mekeat he, aban hakene iti nen, nit ninebe hinoba witluk nen hinetaiken yabokane ago watdinagei isuogoluk, sembayan hit hinobasik dikene hibakone isi motok welago.

1 Timotius 1:11

Nen, wene iti mothogon, hano wene etnogo an nen yogeisilik nekhe dogoagaluk noba 'bisikhe. Hano wene iti, Allah hogorakhik, heagei wakhik, hagakhorek meke etnogo aneat o.

1 Timotius 4:10

Allah ebe, yi akhuni ti akhuni tha'bokhogonat tilninakherek meke welagarek mekeat he, kok hakene re, nit ninetaiken at oba hakotdekhe lago meke tilninakherek iti nen, ninetaiken at iluk motok welagarek meke oba hakotdiluk, at hasik nina'it ageidegat, ninobatnerogon hagakhe lago.

1 Timotius 5:5

Meke re, humi thoge eberogonat akhuni erlo it meke dekma inarligat dogolik, “Allah nenat yomaknisagein,” iluk, inetaiken at oba hakotdiluk, dikene hibakone ayoko 'bigik, kino yogokhik, hagakho motok welageikharek.

2 Timotius 1:3

An nopa lak Allah apma dogolik, inekaerek inetaiken opakiat hano motok dogolik, at hasik hagakhik, hogorakhik, hagakhe lagoukha hak, an itithogonat hagakhe dogolik, hat hoba motok eberegat, hat hobasik dikene hibakone sembayan isi motogat dogolik, Allah heagei wakhe lagei o.