Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Tesalonika 2:8 - ALLAH ANE WENW KET MEKE WAROGO WOKNINAKHIKHE WENE

8 Nit nen hit hinebe ninakmurogo welago iti nen, Allah ane iti anek suputhisasugu 'buk. Dek o. Hinebe ninakmu motok nen, ninakla arleken akhekhe dogolik, ninebe inomat wokhisasuguat iti o.

အခန်းကိုကြည့်ပါ။ ကော်ပီ




1 Tesalonika 2:8
23 ပူးပေါင်းရင်းမြစ်များ  

At uki ageikhemo, etoma ap tentara meke inoe kok ageikhe atuaneke etaiken hunik meke oba u motok weak nen, watlasusak negen welageikhe.


Hit Allah a'buri o Roma welagap meke nagarlak lak nerugi. At Allah hinebe akmu meke tha'bokhogonat an Paulus Kristus Yesus atuaneke meke etnogo nen wene holal waganogo hinoba la'i agei iti o. An nen hano wene etnogo akhuni yogeisilik nekhe dogoagaluk Allah nen wenago meldanhikhesik la'ani ageikhe o.


Nagarlak lak nerugi. Allah nen it nagarlak lak nerugi ninukuloak etaga opakiat meke iti, tilinabilep e, iluk nakla nen wene munini ebekhik, Allah ayoko 'bigik, hagakhe lagei.


An arat 'bithisa agei halok he, at Kristus nen hit hinobasik woknikhikhe meke tha'bokhogonat wokhisa isigin apigi.


Iti hagat he, hit hinetaiken hasik an nameke yi meke ti meke 'binagagik, nebe inom 'binagagik, netaiken oba nen nakla arleken akhekhe dogolik 'binagusagat 'binagagi o. An hit hinebe netaiken hunik werek korlegat he, hit anek he, an nebe hinakmu dek negen dogosak a?


At Allah nen, men isikhemo holal waganogo 'bisukhama werek, “An nen he, hit hinane nasuk holusak apigi bagaat holhi o. Hinebe tilhinabusak tak-tak obaat yomakhisa agei o,” iluk isikhe iti, Allah nen ninane asuk holusak he, o yogotak yaat o. Nen, ninebe tilninabusak he, o yogotak yaat o, iluk hinakla ebetni o. Halok he, nit Allah ninom at hasik hagakhe dogolik, at obabut hano nen akmuthinakhikhemo, at ebe waganhigip etnogo, we yugunat alomakhup o, iluk hinasuk wakhe lago iti o.


Meke re, na'buri hinebe nakmu lak o. Humi nen ineagei itaginabuogoluk hinet wakharek hak, an nen yabokane itakhinabumo, hit hinobabut Kristus obabut hakene hagatlatlep o! iluk, hit hinobasik an noba u hinet weak wakhe lagei.


Yesus Kristus nen hit hinebe tha'bokhogonat akmu welagarek hak, an nen hit nakmuat dogolik, “Ninom dogolo e,” iluk, nakla eberogonat apekhe lagei meke iti, at Allah ilu o.


Meke re, akhuni nen domba Allah 'bisalok, warogo hetu hunesuogoluk, oba eken apusu usakharek hak, hit hinetaiken Allah oba hakotdiluk wogokhunem, akhuni nen an nebe warogo namep usakha halok, an nakla arleken akhugunem hit tha'bokhogonat hinakla arleken akhausagat o.


It akhuni aperek yoma inobabut ninat hakene werek korlek, at Timotius arligat obabut an nobabut hakene dogolik, hit hinebe akmurogon hinoba eberogonat eberek welagarek o.


Iti nenat, nagarlak lak nerugi. Hinebe nakmu o. Ninoe Etagapogot hinom hunik hinobatnerogon dogono. Hit hinobabut hagakhe lagap oba an nakla arleken akhigik, hogorakhigik, hagakhe dogolik, hinoba witluk nebe ninom dogolo o, iluk, apekhe lagei.


Iti nen, nit nen he, wene Kristus abok iti pakhogon akhuni tha'bokhogonat inebe dopok yogeisilik laga lago. Itithogon yogeisekhe lago iti baga, inebe dopok Kristus inom hunik dogolik, inetaiken horle atlukmo, Allah oba wogosik wisuogoluk, ninakla kagalek motok dogolik, inasuk wakhik, wene yakulisigik, hagarik laga lago iti o.


Hano wene iti, at Epafras ninagarlak ninakmu meke nen yakulhisugunem yakulhigip iti o. At ebe Allah atuaneke nit ninom tak-tagat dogolik, Kristus nen ayoko 'biluk la'i ageikhemo, nit nen yokhisau hak ninobolukmo obabut hupukhogon yokhisiliogo iti.


At Epafras, Kristus Yesus atuaneke, ebe hit mekeat etnogo nen, heagei wathinakheat o. At nen he, hit hinakla nen, “Allah ane iti eberogonat,” iluk hutdiluk nen, hinetaiken horle atluk hinebe metegat dogolik, yi meke ti meke Allah akla apekherek hak hagakhe dogobageik iluk sembayan hit hinobasik obatnerogonat isi motogat welagarek.


Filemon nagarlak o. Nagarlak nipisak Kristus obasik hagakhorek meke hebe nakmu o. An Paulus, Kristus Yesus obasik niki herle warogo 'banhama welagei meke etnogo, ninagot Timotius nipisak nen, hat hebe inom, Allah a'buri aperek hat haila natogokharek meke inom, nineru Apia inom, ninagot Arkhipus, wim yakherek hak, Allah hasik ninom ninobatnerogon hagakhe lago meke etnogo inom, wene yi holal waganogo hinoba la'i ago iti o.


Hit hinougi inakla nen, “Yabokane Allah nen, It inebe hasik nikithogon hagakhe lagasip, iluk yoknisugunem, nit nen ninoba dopogat oko yogosugun higi,” iluk, hanorogo thethisik motok welageikharek iti nen, it inapma thoma iluk inane hologo hagakhe dogono o. Itithogon hagakhe dogogun halok he, it inakla arleken, hit hinobasik hagakhe dogogun iti. Meke re, hit nen it inane hologo dogogun dek halok he, it inakla weak dogolik, hit hinobasik alomarogoat hagakhe dogosak o.


At Kristus nen tak nit akmutninakhikhesigat, ebe nit ninobasik eram nenat watlageikhe iti nen, nit nen it akhuni aperek inakmurinakharek wene iti, hutdekhe lago. Hutdekhe dogolik, at hagakhikhe iti hagat, nit ninagarlak lak ninerugi inebe ninakmu nen, ninebe it inobasik watlasusak hanoat o.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ