1 Tesalonika 1:9 - ALLAH ANE WENW KET MEKE WAROGO WOKNINAKHIKHE WENE

^9-10 It nen wene men iliogeiat, “It akhuni o Tesalonika meke nen, Paulus lak inebe woginabiluk nen, Eberogonat, Allah iluk motok welagarek meke itiat o, iluk apma dogolik, at hasik hagakhik, at a'but pogot oba nen usasigin iti ebe therogo welageik, hagasuogoluk kaneke here'isalok, inelokhe dagakhogon Allah wogokhukhasik werek o. Allah nen a'but watlageikhesikmo ilugutdisikhe meke, ebe Yesus itiat o. Nen, Allah akla aga dageiluk ukum akhuni inoba 'bekhe dogolik, nit Yesus iti nenat tilninabigin o,” iluk, hinabok hano iliogeiat o.

1 Tesalonika 1:9 ပူးပေါင်းရင်းမြစ်များ

Matius 16:16

at Simon Petrus etnogo nen, “Hat hebe, Kristus Allah iluk motok welagarek meke a'but, nit tilninabuagaluk at nen la'isigin iluk abok yoknisasikhe etnogoat o,” iluk yogokhikhe.

La'isasikhe 14:15

“Ap yirani. Hit nikithogon hagakhe lagap. Nagarlak lak nerugi. Nit ninebe hit hakene akhuni mekeat. Meke re, hit nen yi meke ti meke weat meke hagakhe lagap iti here'isalok nen, hinobabut hebelatluk, hinelokhe Allah iluk motok welagarek meke iti wogosubageik nen iluk wene yokhisa ago meke o. At Allah iti, pogot men, agat men, i laut kok yekelek men, yi meke ti meke pogot oba, agat oba, ima welagarek meke men, walhasikhe meke o.

Roma 9:26

An nen akhuni o ageikhe meke hasik, Hit he, an na'buri dek o, iluk isigi mekeat, yabokane it o etoma meke hasigat, O yoma an niluk welagarek meke na'buri o, iluk igin,” iluk isikhemo at Hosea nen holal waganogo 'bisikhe.

1 Korintus 12:2

Hit alebat ninoe Etagapogot hinokodek werekma, obabut weak meke nen kaneke ane dek meke oba hakotdiluk dogoagaluk, komake heat wokhisik lalok nen, nonetdinagekhe lageikhe iti hinilu.

1 Tesalonika 2:1

Nagarlak lak nerugi. Hit hinakla nen, “It Paulus lak ninoba wagoukha iti, we yugunat alomarogo wageidek,” iluk, hinekaerek hiniluat o.

1 Tesalonika 2:13

Nit nen wene Allah ane etnogo yokhisasugumo, hit nen, “Wene iti akhuni inane meke dek o. Allah aneat o,” iluk waganhigip iti, eberogonat Allah aneat waganhigip o. Iti nen nit huk ageidek Allah heagei wakho motok welago. At Allah nen hit hinetaiken Kristus oba hakotdisigip meke hinakla kagalho motok welagarek o.

1 Timotius 4:10

Allah ebe, yi akhuni ti akhuni tha'bokhogonat tilninakherek meke welagarek mekeat he, kok hakene re, nit ninetaiken at oba hakotdekhe lago meke tilninakherek iti nen, ninetaiken at iluk motok welagarek meke oba hakotdiluk, at hasik nina'it ageidegat, ninobatnerogon hagakhe lago.

Ibrani 12:22

It iti hakene meke baga wagoukha mekeat, hit anek he, tom Sion Allah iluk welagarek meke ai o kota yerusalem pogot oba meke baga wagap iti. Etoma malaikat motok doalegat inom

1 Yohanes 5:21

Halok he, na'buri o. At ebeat meke welagarek iti here'isalok, kaneke oba hakotdiluk dogolik weak hagakharek iti hak, hagasunogo iluk, agorlerakhe dogolik, hinbabut hebelogo dogono o.