1 Tesalonika 1:6 - ALLAH ANE WENW KET MEKE WAROGO WOKNINAKHIKHE WENE

⁶ Hit yi aik ti aik hagathinakho korlegat, hinakla arleken akhekhe dogoagaluk Allah Agoreke nen hinakla kagalhikhemo, hinakla arleken akhekhe dogolik, hano wene waganhigisip nen, nit ninobabut waganhik, ninoe Etagapogot obabut waganhik, hagakhigip iti o.

1 Tesalonika 1:6 ပူးပေါင်းရင်းမြစ်များ

Matius 16:24

Itithogon yogokhikhesik, at agarumi ane waganhe lagoukha meke emenogo ageikhe men yogeisasikhe, “At tha nen an noporlik nekhe dogeigiluk halok he, obabut ekaerek hasik etaiken hunik dogolik hagakherek meke iti, Na'it, iluk thogotdiluk, o baga meldisalok inakharek meke iti ago mekeat wolok noporlik nekhe dogeigiluk wisuak o.

Yohanes 8:12

Yabokane, at Yesus nen it akhuni emenogo wene ageikhe men yogeisasikhe, “Akhuni agat oba meke liarinakherek iti, anat o. Tha nen an noporlik nekhe dogogin halok he, an nebe lia dogolik inilugurinakherek meke etnogoat woknabigin iti nen, at iti o mummo nekhe dogogin dek o,” iluk ekhe lageikhemo,

La'isasikhe 13:52

Uki lagoukhama, akhuni o Antiokhia etoma meke Yesus ane waganhukha meke Allah Agoreke inakla kerlekhogon ukisikhemo inakla arleken kogat akhasukha.

La'isasikhe 5:41

Ula'isugunem, it ap wene erlo pilinekhe lagoukha meke emenogo here'isalok dukhisukhasik nen, Yesus agarumi emenogo it-it ekhe dogolik, “Allah nen, Hit Yesus etaga hasik akhuni nen, Hit weak, iluk wenakhisaumo erlok, iluk akla apekhe tak-tak wenaknisega iti hano,” iluk inakla arleken akhalok dukhisukha.

La'isasikhe 9:31

Itithogon hagakhukhama, yabokane nen, it akhuni Allah a'buri o propinsi Yudea meke men, o Galilea meke men, Samaria meke men, weagarinakhidek hogot walek motok welagoukha. Werekma, Allah Agoreke nen yomageisugunem, inetaiken horle ageik, ninoe Etagapogot inayukhogon welageik, hagakhe dogolik, inebe doalegat wiak-wayakhogon hagatlaga lagoukha.

Roma 15:13

“Yabokane hano asigin,” iluk ninakla arleken akhogorek iti, erlo at Allah nenat hagatninakherek. Hit itithogon hinakla arleken kokhogon akhekhe dogoagaluk Allah Agoreke obatne baga hagathinabuak. Itithogon hagathinabuak nen, hinetaiken at oba hakotdisigip iti baga hakotdiluk werekma, at nen hinakla arleken motok akhekhe dogoagaluk hagathinakhik, hinetaikek hapugutdinagagik, hagasuak o.

1 Korintus 11:1

An Kristus obabut waganogo hagakhe lagei hak, hit nen he, an nobabut waganogo hagakhe dogono.

1 Korintus 11:2

Wene yi meke ti meke hasik an noba ebekhe dogolik, an yakulnikhukhama hit yakulhisasigi meke herogoat welagap iti nen hogothinakhe lagei o.

1 Korintus 4:16

Iti nenat, “An nobabut waganini o,” iluk nane obatnerogon hinasuk wakhe lagei o.

2 Korintus 6:10

Ninakla weak dogoligat he, ninakla arleken akhekho motok welago. Yi meke ti meke ninikimo dek mekeat he, akhuni doalegat hano meke inilmo horleak asuagaluk hagatdisekhe lago. Ninameke motok dek mekeat he, ebe meke tha'bokhogonat ite agosik welago.

2 Korintus 8:5

Nit ninakla nen, “It itithogon hugun,” iluk apogo meke werek korlek, inebe tak ninoe Etagapogot wogokhasik nen, at Allah akla apasikhe hak, inebe nit woknisegaat o.

Galatia 5:22

O eken ikherek hak, Allah Agoreke akhuni inakla dogolik inobabut hagakharek ebe yi. Akhuni aperek inebe inetaiken hunik welageik, inakla arleken akhigik, inetaiken hapukhogon welageik, inobabut inobakhanini hapugutdiluk welageik, inobabut enago welageik, inobabut hano welageik, inobabut dopokhogon welageik,

Efesus 5:1

Hinebe Allah a'buri at akmu meke welagap iti nen, at obabut waganino.

Filipi 3:17

Nagarlak lak nerugi. Hit hinobabut an hagakhe lagei hak, nobabut waganogo, itithogonat hagakhe dogolik, it akhuni aperek nen nit ninobabut waganogo hagariogei meke iti, hinileken woginakhe dogono.

2 Tesalonika 1:4

Akhuni nen yi aik ti aik hagathinakho korlegat, hinobakhanini hapugutdiluk dogolik, hinetaiken Kristus oba itithogon hakotdiluk welagathep iti nen, nit nen Allah a'buri o yi ai ti ai natogokharek meke hinabok yogeisekhe dogolik hogothinakhe lago.

2 Tesalonika 3:7

Nit he, hit ninom dogolik niniki nen waganhidek nina'it werlegat nekhe lagagu dek etnogo, hit nen nit ninobabut waganogo hagasusak hiniluat o.

2 Tesalonika 3:9

Nit nen he, hit hinoba kino yokhisausak erlok mekeat he, hit nen nit ninobabut waganubageik nen iluk, kino yokhisigidek ninekaerek nen itithogon hagakhe lagagu iti.

Ibrani 10:34

it aperek herle warogo kola'isugunem hinakmurinakhik, hagakhe lagagip iti o. Itithogon hagakhe dogolik hinakla nen, “Nit meke hano motok dogogin meke werek o,” iluk apekhe dogolik, hit meke yi meke ti meke horlugunem hinakla weak ageidek hinakla arleken akhekhe lagagip iti.

1 Petrus 1:6

Iti nenat, yogotak ya, Allah nen hinobabut paligiluk hagakhe korlek, hinoba akin-pakinhogon hekhe dogolik, elanma hasik hinakla weak ariogo mekeat he, hinakla arleken akhekhe dogono o.

1 Petrus 1:8

Hit nen alebat, at ebe hinileken higidek mekeat he, ebe hinakmu welagap iti o. Itithogon dogolik, yogotak ya hinileken higidek mekeat he, hinakla nen, “Yabokane hano motok hagatninabigin,” iluk hinane baga nikithogon pilinogo usak heat dogolik, hinakla arleken motok akhekhe lagap iti o.

1 Petrus 3:13

Hit he, hano hagakhe dogouogoluk akilukhogo hagakhe lagap halok he, tha nen weagathinabusak nogo. Weagathinabusak dek o.

3 Yohanes 1:11

Nagarlak o. Hebe nakmu. Hat nen he, it akhuni inobabut weak hagakharek meke iti, inobabut waganhun o. It inobabut hano hagakharek meke halok, inobabut waganhe dogono o. Tha nen obabut hano anek hagakherek meke iti ebe Allah a'but mekeat he, tha nen obabut weak anek hagakherek meke halok, at nen Allah ebe ileken hekerek dek okodek o.