1 Tesalonika 1:5 - ALLAH ANE WENW KET MEKE WAROGO WOKNINAKHIKHE WENE

⁵ Nit hano wene wolok yokhisa agagu etnogo, ninane baga anek yokhisekhe lagagu 'buk. Allah Agoreke etnogo ninakla dogolik, obatnerogo yomaknisekho korlek, ninakla nen, “Wene yi eberogonat,” iluk ninetaikenma hutdisugusik nenat yokhisekhe lagagu iti o. Nit o etoma ninom dogolik, hit hinobasigat hagakhe lagagu etnogo hit hiniluat o.

1 Tesalonika 1:5 ပူးပေါင်းရင်းမြစ်များ

Markus 16:20

Itithogon wolok dageisikhemo at Yesus agarumi emenogo o yi at ti ai tha'bokhogonat wene yogeisilik lagoukha. Wene yogeisilik lagunem akhuni nen, “It wene yoknisilik wageikha iti eberogonat,” iluk wene hutduagaluk, ninoe Etagapogot inom motok dogolik, it nen elalinat hagakhunem, at nen wene iti obatnetdisikhe.]

Lukas 1:1

Teofilus noe. Wene nit ninakerlekla nen hagatlageikhe etnogo, it wene ebe erlo baga nen hagatlarik wagunem inileken hasukhasik yakulisilik nekhe lagoukha meke nen yoknisasukha mothogon, it akhuni aperek inebe motok doalegat wene ebe holal waganuogoluk walhilik wagoukha.

La'isasikhe 11:21

Itithogon yogeisugunem, ninoe Etagapogot inomat dogolik, obatnerogon yomageisugunem akhuni inebe doalegat nen, “Wene iti eberogonat higi,” iluk waganiluk nen, inobabut hebelogo inelokhe at wogokhukha.

La'isasikhe 16:14

Humi wene yogeisasugu meke iti, he ageikhe ai o Tiatira meke. Su kain elokhoken yuayuken warek hakene meke it akhuni inoba oko kogat waganhe lageikhe meke, etaga Lidia iti nen Allah ane waganhikhesik Yahudi meke negen werekma, wene Paulus nen isinem hano waganuagaluk, ninoe Etagapogot nen akla kagalhikhemo, waganhikhe.

La'isasikhe 2:33

At ebe Allah nen ilugutdekhesik, alilu kok dogoagaluk meldekhemo werek o. Dogolik, Allah nen, Nagoreke wokhisagein, iluk abok yoknisasikhe hagat Yesus wogokhemo, at nen kokhogonat nit ninoba usa'i agama nen, nti hagakhunem hinileken nisigik, hinasuk holhik, hagakhe lagap iti.

Roma 1:16

Hano wene iti Allah obatneatma, ebekeram akhuni Yahudi meke, nen yabokane, akhuni itikmanke meke, inetaiken Yesus Kristus oba hakotdegarek meke tha'bokhogonat tilinakherek iti nen, an nekarli degat hano wene iti yogeisilik nekherek iti.

Roma 15:13

“Yabokane hano asigin,” iluk ninakla arleken akhogorek iti, erlo at Allah nenat hagatninakherek. Hit itithogon hinakla arleken kokhogon akhekhe dogoagaluk Allah Agoreke obatne baga hagathinabuak. Itithogon hagathinabuak nen, hinetaiken at oba hakotdisigip iti baga hakotdiluk werekma, at nen hinakla arleken motok akhekhe dogoagaluk hagathinakhik, hinetaikek hapugutdinagagik, hagasuak o.

1 Korintus 1:24

Itithogon mekeat he, it akhuni Yahudi meke dek, Yunani meke dek, Allah nen inayoko 'bisikhe meke nen, “Allah obatne Kristus ebe itiat o. Nen, Allah awene kagalek wene, Kristus ebe itiat o,” iluk hutdiliogei.

1 Korintus 10:33

Hit hinobabut an hagakherek hak hagakhe dogono o. An he, yi meke ti meke hagakhe dogolik, nekaerek hanorakhagaluk hagakherek dek. Akhuni inebe doalegat Allah nen tilinakhunem hano asuagaluk hagakherek o.

1 Korintus 3:16

Nit ninebe Allah ai halegat, iluk hinokodek nogo a? Allah Agoreke ninakla ai halogo welagarek, iluk hinokodek nogo a?

1 Korintus 3:6

Wene iti, hipiri ai yakharek hak, an nen yakhigi. Nen, at Apolos nen, i tialik lageikhe. Nen, ebe, at Allah nenat kogotdisikhe.

1 Korintus 4:20

Iti, “Allah apma welago,” iluk inane baga ugun halok, ekagat agarek 'buk. Inobatnerogon hagakhe dogogun halok, ekagat agarek o.

1 Korintus 9:14

Iti hagat, at ninoe Etagapogot nen ninasuk wakhe dogolik, “It akhuni nen hano wene yogeisilik lagunem, it aperek nen hano wene iti alisikhogon inapiri melageisausagat o,” iluk isikhe iti o.

2 Korintus 3:6

Allah nen wene ket wene nit ninoba watnisasikhe iti, nit nen wolok loagaluk, at nenat ninobatnetninakhikhemo erlok wolok lausak welago. Wene alep inasuk wakhikhemo holal waganogo 'bisukha meke tak-tagat hagakhidek halok, iti baga inebe inakherek. Meke re, Allah Agoreke nen inilugurinakherek iti nen, nit wene alep holal waganek meke wolok lageidek, at Agoreke nen yoknisiliogo meke wolok laga lago iti.

Galatia 2:2

Itithogon lagagu iti, Allah nen, “Hat o Yerusalem at dagousagat o,” iluk yoknikhikhe iti nen dageisigisik nen, hano wene iti it akhuni itikmanke meke yogeisilik nekherek iti, “Wene ebe itithogon,” iluk thekekhogon yogeisagaluk an haganeat nen, yogotak ya nen, nobatnerogon hagakhe lagei meke iti, alomarogo hagatlasunogo iluk, it inougi meke inebe inasokneat 'bisalok yogeisasigi.

Galatia 5:5

Meke re, nit nen, ninetaiken Kristus oba hakotdisugusik, “Allah Agoreke nen itithogon yomaknisekhe korlek, Allah nen wene ninoba meke korogo wokhalok, at ninom yabokane ninapuke hunogo 'binanigin werek,” iluk oba eberek welago iti.

Efesus 2:10

At nenat hano hagarogo 'binanhikhemo welago. Iti nit Kristus ninom hunik dogolik, yi meke ti meke hanorogon hagakhe dogoagaluk, ninobabut ket ninat winametdinanhikhe iti, ebe Kristus Yesus oba nenat winametdinanhikhemo welago.

Efesus 3:20

At Allah at hogorakhe dogouok o. At ebe ninakla dogolik obatnerogon hagatninakherek iti motok kogat iti nen, nit nen ninakla ebekhik, kino yogokhik, ogorek meke tak-takhogon hagakhidek, ageikhe inom kokhogon hagatninakherek iti.

Filipi 4:9

Wene an nen yokhisugunem hinasuk holhik, an hagakhunem hinileken niigik, hagakhe dogolik, wene waganhigisip nen yakulhigip meke etnogo mothogonat hagakhe dogono. Itithogon hagakhunem, Allah ninetaiken hapugutdinanherek meke etnogo nen hakhisik dogogin o.

Kolose 2:2

Hit hinetaiken ago warek dogolik, hit-hit hinom hunik nakmu-hakmurogon dogobageik iluk itithogon hagakhe lagei o. Hit itithogon dogolik he, “Wene iti eberogonat,” iluk, hutdiluk nen, wene munini hinakla ebekhidek motok 'bogokhogon dogolik, wene Allah akla limago welageikhe wene iti hutukhogon hinilu asugun o. Wene iti, Kristus ebeat o.

1 Tesalonika 2:13

Nit nen wene Allah ane etnogo yokhisasugumo, hit nen, “Wene iti akhuni inane meke dek o. Allah aneat o,” iluk waganhigip iti, eberogonat Allah aneat waganhigip o. Iti nen nit huk ageidek Allah heagei wakho motok welago. At Allah nen hit hinetaiken Kristus oba hakotdisigip meke hinakla kagalho motok welagarek o.

2 Tesalonika 2:14

Ninoe Etagapogot Yesus Kristus hogorakho motok welageikharek hak, hit itihogonat hinom hogothinabuagaluk, Allah warlok nen hano wene nit nen yokhisa agagu iti baga, hinayoko 'bisekhemo welagap.

2 Timotius 2:10

Iti nen he, it akhuni aperek Allah nen wenageinakhikhe meke Kristus Yesus inom hunisumo, inebe tilinakhik, iniluk hano motok dogoagaluk, hanorinakhik, hagasuagaluk, an itithogon weagatnakho korlegat, nobakhanini hapugutdiluk welagarek iti o.

2 Timotius 2:8

An hano wene yogeisilik nekherek iti, Yesus Kristus, at Daud opa itago mekeat ebe wakhukhama, Allah nen ilugutdisikhe wene iti, hakla eberek motok dogono.

Ibrani 10:22

At ebe etoma werekma, nit ninakla nen, “Nit weak hagakho,” iluk ninakla wene munini ebekhorek meke hano hotninakhik, ninoado baga i elokhoken hano meke baga thobalninakhik, hagakhikhe iti nen, ninetaiken opakiat at oba hakotdiluk ninayuk dekhogon, at oba horokhogon ukekhe dogouok o.

Ibrani 6:11

Nagarlak lak nerugi. Nit ninakla warlok he, hit hinakla nen, “Allah nen nit hanotninabigin,” iluk hinakla arleken akhekhe lagap meke itiat akhekhe dogoluk, hurli ilugun oba iteerek asubageik nen, hagakhe lagap iti hagat, hinebe tomok hinobatnerogon hagakho motok dogosak warlok apekhe lago o.

1 Petrus 1:12

Hinok waganhunem, at Allah nen he, “Wene iti, hit hinekaerek hasik, dek o. It yabokane aban meke inobasik hagakhe lagap o,” iluk hit hinobasigat isikhe. Itithogon yogeisasikhesik welageikhesik nen, yabokane Allah Agoreke pogot oba nen usa'i ageikhemo, it ap hano wene Yesus Kristus hagakhikhe wene etnogo yokhisoagaluk inakla dogolik yogotak pakhogon yokhisiliogei ebe iti hasik ekhe lagoukha iti. Wene iti, it malaikat Allah nen yoko usa'isa agarek meke emenogo nen, “Eiye. Nit wene iti hutukhogon ninilu atlo e,” iluk apegarek.

1 Petrus 1:3

Ninoe Etagapogot Yesus Kristus opase Allah etnogoat hogorakhe dogouok. At Allah ninebe akmu motok nen, Yesus Kristus watlageikhesikmo nen ilugutdisikhe iti baga nit ninilugutninakhikhe iti. Ninilugutninakhikhemo dogolik, ninakla nen he, “At nen, yabokane hanothinabigin, isikhe iti tagan-hagan asigin dek,” iluk ninakla arleken akhekhe lago.

1 Petrus 5:3

Allah a'buri therisik dogoagaluk supusogo wokhisasikhe iti therisik dogolik, hinebe kok negen dogolik, hinane hithani-hathani negen hagarinakhe dogogup. Hit hano hagakhunem inileken hisalok hinobabut waganogo hagakhe dogoagaluk, hano hagakhe dogono.

2 Petrus 1:10

Iti nen, nagarlak lak nerugi. Hinebe Allah nen wenakhinakhikhesik hinayoko 'bisikhe iti, eberogonat hagatlasuagaluk, hit nen hinobatnerogo hagakhe dogono. Itithogon hagakhe dogogun halok, hinetaiken Allah baga hakotdiluk welagap meke here'isalok dukhugun dek o.

2 Petrus 1:19

Itithogon holhugu iti nenat, ninakla nen, “It ap Allah ane yogeisekhe lagoukha meke nen isukha meke iti eberogonat,” iluk alebat hemurlugat negen apekhe lagagu meke, yabokane ninasuk holhugu iti baga nen, motok hutukhogon hutdisugu iti. Halok he, o mum abirat werekma, akhuni nen isagal yibarlogo 'bugunem, liarogo motok welageikharek iti hak, wene iti hinetaikenma eberogo motok waganhe dogono. Itithogon waganho werekma, yabokane o mum meke wi ekhe korlek, husagal wap dukhi agarek iti hak, at Kristus hinetaikenma liathinabisigin o.