1 Tesalonika 1:1 - ALLAH ANE WENW KET MEKE WAROGO WOKNINAKHIKHE WENE

¹ Hit Allah a'buri o Tesalonika natogokhe dogolik, ninopase Allah inom, ninoe Etagapogot Yesus Kristus inom, hinom hunik welagap meke, nagarlak lak nerugi. An Paulus, Silas Timotius ipisak ninom nen, wene yi holal waganogo hinoba la'i ago iti o. Ninopase Allah obabut hano etnogo nen hano meke wokhisigik, hinetaiken hapugutdinagagik, hagakhe dogoak o.

1 Tesalonika 1:1 ပူးပေါင်းရင်းမြစ်များ

La'isasikhe 15:22

Wene itithogon isukhasik nen, it ap Yesus nen inayoko 'biluk la'isasikhe meke emenogo men, it ap Allah a'buri therisik welagoukha meke emenogo men, Allah a'buri tha'bokhogonat natogorlek welagoukha meke men, inom nen wene men iluk palhukha, “Ap nit meke aperek wenago inayoko 'biluk, Paulus Barnabas ipisak inom o Antiokhia loak nen, la'isauwok o,” iluk isukha. Itithogon isukhasik nen, it Allah a'buri meke nen, at Yudas etaga ageikhe Barsabas iti inom, Silas iti inom, “Inobabut hano,” iluk apekhe lagoukha meke nen, holal waganek iti inikimo wolok loagaluk inayoko 'bisukha.

La'isasikhe 15:40

Wageikhemo, at Paulus nen Silas ayoko 'bisikhesik wisuogoluk hagakhunem, it Allah a'buri o Antiokhia meke nen, “Ninoe Etagapogot obabut hano etnogo nen wokhisik loak o,” iluk heagei warogo la'isa agoukhama wagoukha.

La'isasikhe 16:19

Itithogon dukhisikhemo, ougi emenogo nen inileken halok nen, “Nit oko thabutnisekherek etnogo dek aga iti nina'it o,” iluk, at Paulus Silas ipisak inebe ha'isalok nen, iniki korlo lisogo o silimo akhuni natogokhe lagoukhama ap koktek pemerintah meke inoba wogosik lagoukha.

La'isasikhe 16:25

Itithogon 'bisasikhemo dogolik, o hibako eketurlem Paulus Silas ipisak nen sembayan igik, Allah hogorasuogoluk etai wakhik, hagakhunem, it akhuni aperek iniki herle warek welagoukha meke inasuk holek welagoukha.

La'isasikhe 16:29

Itithogon yogokhikhemo isagal kino iluk nen, pirlirliat oageleke dik-dik inoba ukisikhesik nen, it Paulus Silas ipisak inapma thoma isikhe.

La'isasikhe 17:11

It akhuni Yahudi o Berea meke inobabut, akhuni o Tesalonika meke inakla puk welagoukha iti hak dek. At he, it wene inakla arlekenhogo waganhe dogolik, “Wene ekhe iti eberogonat a? Men a,” iluk, Allah ane holal waganogo 'bisukha meke etnogo hibiku-yogokuat etaga thalogo hutukhogon 'bikhekhe lagoukha.

La'isasikhe 18:5

Inakla kagalhunem, it Silas Timotius ipisak o Makedonia nen wagoukhama, at Paulus ninat meke ageikhe hagakhidek, wene itiat yogeisekho motok welageikhe. It akhuni Yahudi meke men yogeisasikhe, “Allah nen Kristus la'isigin iluk wene watnisasikhe etnogo, ebe Yesus wageikhe itiat o. An nilu,” iluk pakhogon yogeisekhe lageikhe.

La'isasikhe 19:22

Itithogon iluk nen, at yomakhiliogei meke inebe pere, Timotius men, Erastus men, ipisak o propinsi Makedonia la'isa itluk, at arligat anek o propinsi Asia welageikhe.

La'isasikhe 20:4

Lagaluk hagakhunem, ap Sopater, Pirus a'but, ai o Berea meke inom, Aristarkhus, Sekundus ipisak inai o Tesalonika meke inom, Gayus ai Derbe meke inom, Timotius inom, Tikhikus Tropimus ipisak inai o propinsi Asia meke inom, inom lagoukha.

Roma 1:7

Hinebe at ekaerek 'binageiluk hinayoko 'bisikhemo welagap o. Iti nen, an nen wene holal waganogo hinoba la'i aga dogolik, Ninopase Allah men, ninoe Etagapogot Yesus Kristus men, ipisak inobabut hano etnogo nen hano meke wokhisigik, hinetaiken hapugutdinagagik, hagakhe dogoak o iluk, igi o.

2 Korintus 1:1

Nagarlak lak nerugi. An Paulus Allah akla apasikhe baga, Yesus Kristus nen nayoko 'biluk la'ani ageikhe meke etnogo, ninagarlak Timotius etnogo nipisak nen hit Allah a'buri o Korintus natogokhethep meke inom, o propinsi Akhaya etoma ya ta welagathep meke tha'bokhogonat inom, wene yi holal waganogo hinoba la'i ago iti o.

2 Korintus 1:19

At Allah a'but Yesus Kristus, an nebe nen yakulhisigik, Silas nen yakulhisigik, Timotius nen yakulhisigik, hagakhugu meke iti, obabut he, “I o,” iluk nen, “Dek o,” iluk ekherek dek. Allah nen, “I o. Wokhisagein,” iluk abok yoknisau hak, Yesus ebe woknisasikhemo werek iti.

Galatia 1:22

Itinem, it Allah a'buri Kristus inom hunik dogolik, o Yudea natogosi lagoukha meke nen an nebe inokodegat welagoukha.

Efesus 1:2

Ninopase Allah ninoe Etagapogot Yesus Kristus ipisak inobabut hano etnogo nen, hano meke wokhisigik, hinetaiken hapugutdinagagik, hagakhe dogoak o.

Filipi 1:1

Hit Allah a'buri Kristus Yesus hinom hunik dogolik, o Filipi welagathep meke, hinebe tha'bokhogonat inom, hinougi Allah a'buri hakhisik welageikharek meke inom, Allah a'buri yomageisegarek meke inom, nagarlak lak nerugi. An Paulus Timotius nipisak nen Kristus atuaneke dogolik wene holal waganogo hinoba la'i ago iti o.

Kolose 1:1

Hit Allah a'buri o Kolose natogokhethep meke Kristus hinom hunik dogolik, at hasik hinobabut hupukhogon hagakhe lagap meke, nagarlak lak nerugi. An Paulus Allah akla apasikhe baga, Kristus Yesus nen nayoko 'biluk la'ani ageikhemo wagagi eke etnogo, ninagot Timotius nipisak nen wene yi holal waganogo hinoba la'i ago iti o. Ninopase Allah obabut hano etnogo nen, hano meke wokhisigik, hinetaiken hapugutdinagagik, hagakhe dogoak o.

2 Tesalonika 1:1

Hit Allah a'buri ninopase Allah ninoe Etagapogot Yesus Kristus ipisak hinom hunik dogolik, o Tesalonika natogokhe lagap meke nagarlak lak nerugi. An Paulus, Silas Timotius ipisak ninom nen wene yi holal waganogo hinoba la'i ago iti o.

Ibrani 13:23

Nen, ninagot Timotius etnogo, ebe arat herle hisalogo ula'egama nen hinilurogo dogobageik iluk yokhisigi o. At ebe ibat-ibat an noba waga halok he, an yabokane hit hinoba 'bithisa aga dogolik nipisak wisugun o.

1 Petrus 5:12

An nen wene 'beroat iti hinasuk warogo hinoba la'isigiluk nen, holal waganuagaluk an nagot Allah a'but Silas obabut hupulik higirik nen, ayoko 'bigima waganhemo hinoba la'i agei iti. Allah obabut hano nen hagatninabiogo meke ebe yiat iluk, an nilu dogolik eberogonat yokhisigi o. Halok he, hinetaiken iti bagaat hakotdiluk dogolik, hinobatnerogon metek dogono, iluk wene holal waganogo hinoba la'i agei iti.

1 Yohanes 1:3

Ebe nit ninileken higik, ninasuk holhik, hagakhugu meke iti, ninopase Allah a'but Yesus Kristus ipisak ninom hunik welagorek iti hak, hit nit ninom hano hunik dogouogoluk yokhisekhe lago o.

Yudas 1:1

An Yudas, Yakobus agot, Yesus Kristus atuaneke etnogo nen, hit wene yi holal waganogo hinoba la'i agei iti. Nagarlak lak nerugi. Allah nenat hinayoko 'bisikhesik hinebe akmu dogolik, Yesus Kristus hasik thethisik werek iti.