1 Petrus 5:10 - ALLAH ANE WENW KET MEKE WAROGO WOKNINAKHIKHE WENE

¹⁰ Werekma, at Allah ebe hogorakho motok dogogun iti hak, hit Kristus hinom hunik werekma hinomat hogothinakho dogoagaluk hinayoko 'bisikhemo, yogotak ya herlekha'bugat anek hinoba yi aik ti aik hekhe dogoluk, yabokane, at obabut hano motok etnogo nen, hinetaiken aban meke thirliphogon hagathinakhik, hinetaiken horlethinakhik, hinobatnethinakhik, hapuguthinakhik, hagasigin o.

1 Petrus 5:10 ပူးပေါင်းရင်းမြစ်များ

Lukas 22:32

hat hetaiken noba hakotdiluk welagan meke iti obatne dek asinogo iluk, hat hobasik an Allah ayoko arat 'bigima. Hobabut hebelagan halok he, hagarlak lak yoma hat nen inetaiken ago watdisekhe dogono o,” iluk yogokhikhe.

Roma 15:13

“Yabokane hano asigin,” iluk ninakla arleken akhogorek iti, erlo at Allah nenat hagatninakherek. Hit itithogon hinakla arleken kokhogon akhekhe dogoagaluk Allah Agoreke obatne baga hagathinabuak. Itithogon hagathinabuak nen, hinetaiken at oba hakotdisigip iti baga hakotdiluk werekma, at nen hinakla arleken motok akhekhe dogoagaluk hagathinakhik, hinetaikek hapugutdinagagik, hagasuak o.

Roma 15:5

Hit hinetaiken, hinane, opakiat dogolik, ninoe Etagapogot Yesus Kristus opase Allah itiat hogorakhe dogobageik nen, at Allah akhuni inobabut inobakhanini hapugutdiluk dogoagaluk hagarinakhik, inakla hanorinakhik, hagakherek meke iti nenat, hit tha'bokhogonat hinetaiken opakiat, at Kristus Yesus obabut hakene hagathinabuak o.

Roma 16:25

Allah hogorakhe dogouok o! An nen hano wene Yesus Kristus hagakhikhe wene yokhisasigi hak, at Allah obatneak etnogo nen hinetaiken horlethinakhe dogosak erlok o. Wene Allah akla wene iti, muk haganeat nen limago welageikhe meke re, yogotak Allah nen thelekmatdisikhemo werek o.

Roma 9:11

It ap inebe pere iti, inebe itaklageidek inobabut hano hagakhik, weak hagakhik, hagakhidek werek korlek, at Allah akla nen apalok witaberogo 'bisasikhe iti ebeat atluk dogoagaluk,

Roma 9:24

Itithogon apekherek meke iti, nit akhuni Yahudi meke anek wenakninakhikhesik ninayoko 'bisikhe 'buk. It itikmanke meke ninomat wenakninakhikhesik inayoko 'bisikheat o.

1 Korintus 1:10

Itithogon mekeat he, nagarlak nerugi. Ninoe Etagapogot Yesus Kristus etaga baga, wene ageikhe hinasuk wasik. Hit tha'bokhogonat hinebe mikikhidek hinom hunik dogolik nen, hinane opakiat meke igik, hinetaiken opakiat welageik, hinakla nen wene opakiat meke ebekhik, hagakhe dogono.

1 Korintus 1:9

At Allah nen a'but ninoe Etagapogot Yesus Kristus hinom hunik dogobageik iluk hinayoko 'bisikhe iti. Itithogon, at obabut hupulik meke nen hinayoko 'bisikhe iti nen, ebeat asigin iluk hinetaiken wene munini tirliphogon dogosak o.

2 Korintus 13:11

Nagarlak lak nerugi. Wene ilugun oba arat men yokhisak. Hinakla arleken akhigik, hinetaiken 'bogokhogon horletdakhigik hagakhe dogono. Wene hinasuk warik wagei iti, hinasuk hanorogo holino. Hinetaiken opakiat dogolik, hinom dapukhogon dogono. Itithogon hagakhe dogogun halok, Allah akhuni akmurinakhik, inom dapukhogon hano 'bisigik, hagakherek meke etnogo thethisik dogogin o.

2 Korintus 4:17

Nit yogotak, yi aik ti aik hagatninabiogei iti, elanma hasik herlekha'bugat negen o. Meke re, itithogonat hagatninabiogei iti baga, yabokane hogorakharek meke ikhok motok dogogin meke motok kogat ite asugun o.

Filipi 4:13

At Kristus nobatnetnakhe korlek nogo nen, yi meke ti meke weak agunem inom, hano agunem inom, erlok hagakhe dogosak anek.

Kolose 2:7

hinomaken Yesus oba a'bethogon ya'iluk, hinetaiken at oba 'bogokhogon hakotdiluk, hinom hunik dogolik nen, hinetaiken horle ago motok dogolik, Allah heagei wakho motok dogono o.

2 Tesalonika 2:14

Ninoe Etagapogot Yesus Kristus hogorakho motok welageikharek hak, hit itihogonat hinom hogothinabuagaluk, Allah warlok nen hano wene nit nen yokhisa agagu iti baga, hinayoko 'bisekhemo welagap.

2 Tesalonika 2:17

Itithogon hagakharek meke iti nenat, hit hiniki nen hano meke hagakhik, hinane baga hano meke yogeisigik, hagakhe dogobageik nen iluk, hinakla hanothinakhik, hinetaiken horlethinakhik, hagakhe dogoak o.

2 Tesalonika 3:3

Meke re, ninetaiken ninoe Etagapogot oba hakotdisinem, ninane hologo hagakherek meke iti nen hinetaiken horlethinakhe dogolik, at obabut motok weak meke iti nen weagathinabigiluk hagakhunem hakhisik dogogin iti nen, hinetaiken at oba hakotdiluk dogono.

1 Timotius 6:12

Akhuni inae walhauwogoluk tha ae 'busuk tha ae 'busuk walhegarek hak, niniluk motok dogogun iti meke horla lagaluk, hetaiken Allah oba hakotdiluk dogolik, at hasik hobatnerogon hagakhe dogono. Itithogon hagakhe dogoluk, iti meke horla lanogoluk, Allah nen hayoko 'bisikhemo, hat nen he, “Netaiken Kristus oba hakotdiluk itithogon hagakhe dogogin,” iluk akhuni doalegat inil oba pakhogon isigin iti tak-tagat hobatnerogon hagakhe dogono.

2 Timotius 1:9

At Allah nen ninebe tilninakhik, at ekaerek a'buri asuagaluk ninayoko 'bigik, hagakhikhe iti, nit nen ageikhe hagakhugu baga ninayoko 'bisikhe 'buk. At he, Allah obabut hano nen, ebekeram yi meke ti meke aban winametdigidek dogolik, yabokane Kristus Yesus hagasigin oba hanotninabigiluk, ekaerek akla apalok ninayoko 'bisikhe iti.

2 Timotius 2:10

Iti nen he, it akhuni aperek Allah nen wenageinakhikhe meke Kristus Yesus inom hunisumo, inebe tilinakhik, iniluk hano motok dogoagaluk, hanorinakhik, hagasuagaluk, an itithogon weagatnakho korlegat, nobakhanini hapugutdiluk welagarek iti o.

Ibrani 9:15

Iti halok he, wene warogo alebageik wokninakhikhe meke iti baga dogolik, nit ninasuk warek dek weak hagakhe lagagu iti baga ninebe herle warek hakene welagagu meke. Itithogon werekma, at Allah nen Kristus watlageikhe iti baga herle hialninakhikhesik, nit at nen wanisasikhe meke ninom hundiluk, hano ikhok motok dogogin meke woknisagaluk, wene ket meke warogo wokninabiluk, Kristus ebe turlem heisogo meldisikhe.

1 Petrus 1:15

At Allah nen he, “An nobabut weak hagakhidek karelek motok welagarek iti nen, hit meneke an nobasik hinobabut karelek motok dogono o,” iluk isikhemo holal waganogo 'bisukha iti nen, hit nen yi meke ti meke hagakhe dogolik, hinobabut at Allah hinayoko 'bisikhe meke obabut hakeneat karelek motok dogolik hagakhe dogono.

1 Petrus 4:10

At Allah obabut hano nen, ninebe dopok ninobabut tomok woknisasikhe tak-tagat, hinebe dopok nen iti meke hano ite dogolik, hit-hit yomak-yomak hagakhe dogono.

1 Petrus 4:11

Itithogon hagakhe dogolik, Yesus Kristus hinom hunik dogolik hagakhunem, it akhuni aperek nen Allah hogorakhe dogoagaluk, hit aperek nen wene yogeisekhe dogolik, Allah aneat yogeisigik, hit aperek nen it aperek yomageisekhe dogolik, Allah obatne woknisekherek iti bagaat yomageisigik, hagakhe dogono o. Itithogon hagakhe dogolik, Yesus obatneak ikhok motok welagarek etnogo hogorakho motok dogoak iluk, “Amin,” igi iti.

2 Petrus 1:3

At Allah ikhok motogat dogolik, yi meke ti meke elalinat hagakhunem hogorakho motok welageikharek meke etnogo nen ninayoko 'bisikhe iti. Halok he, nit nen at ebe thekekhogon ninilu atluk, nit ninebe niniluk dogolik, at hasik mothogon hagakhe dogoagaluk, at ekaerek obatne baga yi meke ti meke woknisasikhemo ite agosik welago.

1 Yohanes 2:25

Nen, at ekaerek nen, “Wokhisagein,” iluk abok yoknisasikhe etnogo, ninebe naburlal-haburlal hagatninabigiluk isikhe o.

Yudas 1:24

Hit ninopase Allah obatne werek erlok hakhisik dogosak meke oba lagunem, hinisok a'bit dikhogon warigidek hanorogo hakhisik dogoluk nen, at ebe hogorariogeima etoma, wene hinoba 'bigidegat, hinakla arleken akhekhe korlek menogo erlok 'binagei ligin meke iti, heagei wakhe dogouok o.