1 Petrus 4:6 - ALLAH ANE WENW KET MEKE WAROGO WOKNINAKHIKHE WENE

⁶ Iti nenat, it akhuni watlagoukha meke iti, Allah nen nit akhuni tha'bokhogonat wene ninoba 'bigik, kokhik, hagakherek iti hak inoba 'bisikhemo, inebe watlagoukha mekeat he, at Allah akla apasikhe baga inagoreke iluk welagarek iti hak iniluk dogoagaluk, at Kristus nen hano wene yogeisa lageikhe iti.

1 Petrus 4:6 ပူးပေါင်းရင်းမြစ်များ

Matius 24:9

Itinem he, it akhuni inukuloak etaga tomok nen, an netaga ilik, Hit he, at agarumi, iluk hinebe ina'it motok hagathinakhik hinebe hakhinabiluk, it aperek nen tugi hinakhik, hinebe motok hinakhik, hagasuagaluk inoba wokhisik laga dogogun o.

Roma 8:2

An alep he, weak hagakharethek ilugun oba inebe motok watlageikharek iti meke nen herle warogo negen haknarek welageikhe. Itithogon werekma, yabokane Allah Agoreke nen Kristus Yesus ninom hunogo 'binanhe dogolik ninilugutninakherek etnogo nen herle hisalogo 'banhikhemo welagei.

Galatia 2:19

Meke re, wene Allah nen ninasuk wakhikhe wene iti nen nebe warek meke hakene hagatnakhemo, an nebe niluk dogolik Allah hasik hagakhe dogeigiluk, wene iti hasik warek negen welagei. Iti Kristus ebe o baga meldiluk wakhukha iti nipisagat ninakhukha iti.

Galatia 5:25

Iti halok yogotak Allah Agoreke nenat ninobabut ket meke hagarogo 'binanhikhemo niniluk dogolik, at nen yoknisekherek meke anek mothogon hagakhe dogosak o.

1 Petrus 1:12

Hinok waganhunem, at Allah nen he, “Wene iti, hit hinekaerek hasik, dek o. It yabokane aban meke inobasik hagakhe lagap o,” iluk hit hinobasigat isikhe. Itithogon yogeisasikhesik welageikhesik nen, yabokane Allah Agoreke pogot oba nen usa'i ageikhemo, it ap hano wene Yesus Kristus hagakhikhe wene etnogo yokhisoagaluk inakla dogolik yogotak pakhogon yokhisiliogei ebe iti hasik ekhe lagoukha iti. Wene iti, it malaikat Allah nen yoko usa'isa agarek meke emenogo nen, “Eiye. Nit wene iti hutukhogon ninilu atlo e,” iluk apegarek.

1 Petrus 3:18

Nit akhuni weak hagakhorek iti hasik niniki ilugun oba, at Kristus yabokane watlageidek dogeigiluk opaki hasigat watlageikhe. Ninebe Allah oba woknisik lagaluk, at obabut mothogon hagakherek meke nen, nit ninobabut korlo hagakhorek meke hasik watlageikhe iti. Ebe nit akhuni meke iti wakhukhama watlageikhe mekeat he, agoreke meke iti Allah nen ilugutdisikhe iti.

1 Petrus 3:19

Ilugutdisikhemo it aperek inagoreke herle warek werekma wene yogeisa lageikhe.

A'bikaka 14:18

Itithogon lakhigirikmo nen yabokane, at malaikat ageikhe hetu iteerek meke Allah ake hetu hunekharekma nen wagasik, at malaikat akarok korlo meke elaklak weak meke wolok usa'aga meke etnogo ane kokhogon men yogokhunem nasuk holhi, “Agat oba anggur eken arat horle agama palusak werek iti, hakarok iti wolok, eken pali usan o,” iluk yogokhe.