1 Petrus 4:19 - ALLAH ANE WENW KET MEKE WAROGO WOKNINAKHIKHE WENE

¹⁹ Hit Allah akla apasikhe bagaat hinoba yi aik ti aik itithogon hekhe lagap halok he, hinakla nen, “At ninebe walninakhikhe meke iti at oba hakotdiluk dogosak, hano,” iluk hinetaiken at oba hakotdiluk dogolik hinobabut hano hagakhe dogono.

1 Petrus 4:19 ပူးပေါင်းရင်းမြစ်များ

Lukas 23:46

Itithogon kagoukhogon hagatlageikhemo, at Yesus ane kokhogon Allah yogokhe dogolik, “Nopase o! An nagurlagun kigikhogon hat hikimo waganinok nen, iluk yokhikhi o,” iluk yogokhikhesik nen, arat debekhogon watlageikhe.

La'isasikhe 7:59

'Biluk nen, ebe helekit oba wakhe korlek, at Stefanus etnogo Yesus etaga palhe dogolik, “Yesus noe. Nagoreke hat nen woknabi me o,” iluk isikhe.

Roma 2:7

At Allah nen, it akhuni aperek nen inebe hogorinakharek meke men, inalon halinakharek meke men, hirli agarek dek meke men, ite asuogoluk ina'it ageidek dogolik inobabut mot hagakharek meke, inebe iniluk motok dogoagaluk hagarinabigin.

2 Timotius 1:12

Itithogon la'ani ageikhemo nekhe lagei iti nen, it akhuni nen yi aik ti aik hagatnakho korlegat, netaiken ebe nilu meke oba hakokthek welagei, iluk nekarli ageidek, nakla pugat welagei. At nen he, “An meke yi haknarik dogono. Haknarik werekma, hurli an nebeat wisigin o,” iluk, noba 'biluk nayoko 'bisikhe meke iti, ekaerek obatne baga erlok haknarik dogogin o, iluk nakla nen hutdekhe lagei.

1 Petrus 3:17

Hit weak hagakhunem hinoba yi aik ti aik hinobabut oba hekhe dogogun halok weak. Mekeat he, hit nen hano hagakhunem, Allah nen, “It yi aik ti aik hoak,” iluk apekhe halok anek, hano o.

1 Petrus 3:20

Inagoreke iti inebe re, haganeat at Nuh nen ku kok meke halhe korlek, Allah obabut hano nen therisik werek korlegat, wene waganhidek here'isalok weak hagakho motok werekma i thalukhogon waga dogolik inakhukhama watlagoukha meke iti. Itithogon inakhe korlegat, it aperek ku kok meke akla ukiluk welagoukha meke, inebe 8 nen pererlagat i thalukhogon wageikhe iti baga tilinakhikhe iti.