1 Petrus 4:17 - ALLAH ANE WENW KET MEKE WAROGO WOKNINAKHIKHE WENE

¹⁷ Allah nen ninitema waganogo wene ninoba 'bigik, kokhik, hagasigin iti arat horogat asi aga. Itithogon hagakhe dogolik, nit Allah a'buri meke tak ninitema waganogo wene ninoba 'bigik, kokhik, hagasigin halok, yabokane it akhuni aperek Allah ane hano wene waganhidek meke nitithogon hagarinabigin apegep?

1 Petrus 4:17 ပူးပေါင်းရင်းမြစ်များ

Lukas 23:31

Iti hak, yogotak ya o ket oba negen dogolik hagatnabiogei yi, yabokane o puk oba negen asi laga dogolik nikithogon hagasugun apegep,” iluk yogeisasikhe.

Roma 1:1

Hit Allah a'buri o Roma welagap meke nagarlak lak nerugi. At Allah hinebe akmu meke tha'bokhogonat an Paulus Kristus Yesus atuaneke meke etnogo nen wene holal waganogo hinoba la'i agei iti o. An nen hano wene etnogo akhuni yogeisilik nekhe dogoagaluk Allah nen wenago meldanhikhesik la'ani ageikhe o.

Roma 2:9

At Allah re, akhuni inoado baga anek ileken hisalok, aperek elokhoma 'bisigik, aperek oporlike 'bisigik, hagakherek dek iti nen, it akhuni aperek inobabut weak hagakho motok welageikharek meke inebe tomok nen, hinet warogo yi aik ti aik hoagaluk hagarinabigin. Mekeat, it akhuni aperek inobabut hano hagakho welageikharek meke, inebe tomok nen, inebe hogorinakharek meke men, inalon halinakharek meke men, inetaiken hapukhogon welageikharek meke men, wogeisagein o. Itithogon hagarinabigin iti, it alebageik meke hakene Yahudi meke men, yabokane meke hakene, akhuni itikmanke meke, inukuloak etaga tomok aperek men, inomat, ipisak tak-tagat anek hagarinabigin o.

Galatia 3:1

Hit akhuni o Galatia meke hinetaiken dek hagakhe lagap etoma re! Yesus Kristus ebe o baga meldiluk wakhukha wene etnogo hinil obaat thekekhogon yakulhisasugu mekeat he, wene yabokane tha nen hinakla kagalhemo itithogon hagakhe lagap.

Galatia 5:7

Akhuni tha ae 'busuk werek tha ae 'busuk werek pirlirli lageikharek hak, hit haganeat nen, ebe wene iti hasik hinobabut akilukhogo hagakhe lagagip mekeat he, yabokane tha nen hinakla kagalhe lagama ebe wene iti hologo mothogon hagakhidek, hinakla puk welagap nogo.

Galatia 6:10

Halok he, nit o yogotak hano meke hagasusak erlok welago ya baga, akhuni inebe tha'bokhogonat yomageisekhe dogoligat, kok hakene, ninagarlak lak ninerugi inetaiken Kristus oba hakokthek werek meke hanorogo yomageisekhe dogouok o.

Ibrani 11:8

Ap Abraham meneke, Allah nen ayoko 'biluk, “Hat o ageikhe ite dogonogoluk wokhisik nen, lano,” iluk abok yogokhikhemo, at nen he, “Wene iti eberogonat,” iluk etaiken Allah oba hakotdiluk o koma ligin heat okodek dogoligat wageikhe.

Ibrani 2:2

Wene iti, nit ninopa lak yogeisoagaluk, Allah nen it malaikat inayoko 'biluk la'isa ageikhemo yogeisasukha meke eberogonat hagatlageikhe. Nen, it aperek wene iti hologo mothogon hagakhidek meke, inebe tomok wene mothogonat inoba 'biluk weagarinakhe lageikhe iti.

Ibrani 2:4

Wene iti pakhogon yogeisilik nukhunem, it akhuni aperek nen, “Wene iti eberogonat,” iluk hutduagaluk, Allah nen inane legerogo yi meke ti meke hagasusak dek meke elalin obatnerogon hagakhik, at akla warlok meke tak-tagat inobabut tomok Agoreke supusogo wogeisigik, hagakhikhe meke iti, nit nen ninobakhanini here'isagun halok he, here'inanigin apegep a? Weagatninabiginat o.

Ibrani 3:6

Mekeat he, at Yesus anek he, Allah ebe a'but nogo nen, at iteerek nenat hagakherek. Nit hanotninabigin wene iti hasik ninetaiken ninobatnerogon oba hakotdiluk motok dogogun halok he, Allah ai halek iti, nit ninebeat o.

Ibrani 5:9

Itithogon yakulhe dogolik, ilugun arat kobokhogon hagakhikhemo, nit at ane hologo dogogun meke ninebe tha'bokhogonat niniluk motok-motok dogoagaluk at ebe tilninakhikhe meke erlo arat hagarogo 'bisikhe iti.

1 Petrus 2:5

Itithogon 'bisikhemo, hit hinebe helekit iluk welagarek iti meke hakene dogolik, at oba wetno o. At oba wagunem, Allah nen at ekaerek ai halogo 'binaguak. At ai halekma, hinebe Allah iteerek Yesus Kristus hinom hunik dogolik, Allah akla hanorogo ako warekhe dogou hak, hinetaiken wogokhe dogono o.

1 Petrus 2:8

Nen, ageikhe men isikhe, “Akhuni helekit iti baga inisok a'bit 'baukhogon waralok wilasi laga dogogun o,” iluk isikhe. Itithogon wilasi laga dogogun iti re, it nen hano wene iti, “Eberogonat,” iluk hutdugun dek iti nen, Allah nen akla apasikhe hagat, warisiliogei iti.