1 Petrus 4:1 - ALLAH ANE WENW KET MEKE WAROGO WOKNINAKHIKHE WENE

¹ Akhuni yi aik ti aik halok, inebe watlatluk, yabokane weak hagakhe dogosak dek iti nen, at Kristus yi aik ti aik hilik hilik ebe watlageikhe iti hak, hit meneke, akhuni thin ikhalok inobabut hebelogo welageikharek iti hak, at Kristus obabut waganogo, yi aik ti aik hekhe dogolik hinobatnerogo dogono.

1 Petrus 4:1 ပူးပေါင်းရင်းမြစ်များ

Markus 3:3

Itithogon inileken waganhe korlek, at Yesus nen ap iki lapelek meke etnogo men yogokhikhe, “Hebe, melatluk, tumo ya eme o,” iluk yogokhikhemo

Roma 6:11

Iti hagat, hit hinakla nen, “Weak hagakhe dogosak hasik waregat dogolik, Kristus Yesus ninom hunik dogolik, Allah hasigat niniluk dogogun,” iluk hinakla apekhe dogono o.

Roma 6:2

Motok erlok dek o. Nit weak hagakhe lagagu iti hasik he, arat watlagagusigat nen, yabokane weak hagakhe dogosak nogo? Erlok dek o.

Roma 6:7

Akhuni weak hagatluk watlagunem nen, wene inoba meke dek agarek iti.

Galatia 2:20

Nen, yogotak nebe niluk welagei yi, nekaerek nobatne baga welagei 'buk. At Kristus at nakla dogolik iluk welagarek o. At ebe Allah a'burat dogolik, nebe akmu nen an hasigat, “Nasuak,” iluk akla apasikhe baga ebe wakhukha iti. Nen, an netaiken at oba hakotdiluk werekma, at ebe nakla werekma, niluk welagarek iti.

Galatia 5:24

Ninebe Kristus Yesus agarumi meke, ninobabut ninikhogat dogolik, yi warlok ti warlok apekhe lagagu meke iti, Kristus Yesus ebe o baga meldiluk wakhukha iti baga warogo 'bisugu.

Efesus 6:13

Halok he, weak meke nen weagathinabi agunem wim hinilhaoak a'bet weak metegat dogoluk, arat yabiluk nen metek dogouogoluk, thin ikharek hak, Allah nen yi meke ti meke woknisekherek iti meke itno.

Filipi 2:5

Hinobabut he, at Kristus Yesus nen akla ebekhe lageikhe hagat, ebekhe dogono o.

Ibrani 12:3

Hit hinakla puk atluk hinobatne dek asunogo iluk, it akhuni weak hagakharek meke nen at Yesus inakla nen meanetdiluk, ebe weagatdisi korlek kamotdisalok obakhanini hapugutdiluk welageikhe iti, hit nen, “At nikithogon hagakhikhe nogo,” iluk hinakla nen hutdekhe dogono o.

1 Petrus 2:21

At Kristus ebe hit hinobasik yi aik ti aik hilik hilik watlageikhe iti nen, hit meneke, at obabut waganogo yi aik ti aik hinoba 'binagouagaluk Allah nen hinayoko 'bisikhe iti.

1 Petrus 3:18

Nit akhuni weak hagakhorek iti hasik niniki ilugun oba, at Kristus yabokane watlageidek dogeigiluk opaki hasigat watlageikhe. Ninebe Allah oba woknisik lagaluk, at obabut mothogon hagakherek meke nen, nit ninobabut korlo hagakhorek meke hasik watlageikhe iti. Ebe nit akhuni meke iti wakhukhama watlageikhe mekeat he, agoreke meke iti Allah nen ilugutdisikhe iti.