1 Petrus 3:8 - ALLAH ANE WENW KET MEKE WAROGO WOKNINAKHIKHE WENE

⁸ Wene iti ilukun warogo men yokhisak. Hit hinebe tha'bokhogonat hinakla nen, “Ninebe Allah a'buri ninagarlak lak ninerugi ninom,” iluk, hinetaiken hunik dogolik, hinakla opakiat meke apigik, hinetaiken opakiat meke ebekhik, hagakhe dogono.Itithogon hagakhe dogolik, hinekaerek nen hogorakhigidek, hinetaiken thebekhogon dogolik, hit-hit nakmu-hakmurogo hagakhe dogono.

1 Petrus 3:8 ပူးပေါင်းရင်းမြစ်များ

Matius 18:33

Mekeat, an hat nakmuthakhi iti hak, hat itithogonat hagarlak iti hakmuratlen he! iluk yogokhikhesik,

Lukas 10:33

It itithogon hagakhukha mekeat he, ap o Samaria meke ageikhe holak itike usagaluk usasikhe hak, ap warek etnogo werekma ileken halok akmu ageikhe.

La'isasikhe 2:1

Akhuni Yahudi meke hari Pentakosta hagasusak mot-mot asi ageikhemo, it akhuni inetaiken Yesus oba hakotdiluk welagoukha meke inebe tha'bokhogonat opakimo natogorlogo werekma

La'isasikhe 27:3

Ukisugusik waga dogolik, hubenke o Sidon wagagu. Wagagusik, at Yulius etnogo nen, Paulus ebe akmutdisikhesik men yogokhikhe, “Hat yi meke ti meke aperek dek halok he, hagarlak lak nen wokhesuagaluk inoba ukilik lan o,” iluk yogokhikhemo lageikhe.

La'isasikhe 28:7

Itithogon hagakhugu baga nen, o horogat etoma, ap kok etaga Publius agat iteerek meke, nit ap huso oba lagagumo, at nen ninebe hanorogo wokninakhikhemo, niniki henagan at ninom welagagu.

La'isasikhe 4:32

It wene eberogonat iluk waganhukha meke iti, inebe doalegat meke re, inetaiken opakiat welagoukha. Dogolik, inameke yi meke ti meke tha'bokhogonat, “Yi an meke,” iluk igidegat he, “Ninebe tha'bokhogonat ninameke,” iluk ekhe lagoukha.

Roma 12:10

Hinagarlak lak hinerugi Allah a'buri meke iti hinebe ap opakiat nen itago meke negen, hinetaiken hunik hinakmurogon dogolik, hit-hit hinagarlak lak hinerugi inalon halhe dogono o.

Roma 15:5

Hit hinetaiken, hinane, opakiat dogolik, ninoe Etagapogot Yesus Kristus opase Allah itiat hogorakhe dogobageik nen, at Allah akhuni inobabut inobakhanini hapugutdiluk dogoagaluk hagarinakhik, inakla hanorinakhik, hagakherek meke iti nenat, hit tha'bokhogonat hinetaiken opakiat, at Kristus Yesus obabut hakene hagathinabuak o.

1 Korintus 1:10

Itithogon mekeat he, nagarlak nerugi. Ninoe Etagapogot Yesus Kristus etaga baga, wene ageikhe hinasuk wasik. Hit tha'bokhogonat hinebe mikikhidek hinom hunik dogolik nen, hinane opakiat meke igik, hinetaiken opakiat welageik, hinakla nen wene opakiat meke ebekhik, hagakhe dogono.

1 Korintus 12:26

Niniki ninisok yi meke ti meke ninebe baga hunik welagarek meke, ageikhe u nen hinet wakho halok he, ninebe abisakeat hinet wakhorek o. Nen, niniki ninisok yi meke ti meke ninebe baga hunik welagarek meke, ageikhe akhuni nen hogorakho halok he, ninebe abirat ninakla arleken akhogorek o.

Efesus 4:2

Hit-hit nakmu-hakmurogon yomageisigik, hibiku-yogoku hinetaiken thebekhogon hagakhik, hinobabut enago welageik, hinobakhanini hapugutdiluk welageik, hagakhe dogono o.

Efesus 4:31

Inane puk weak igik, inakla aga hetperigik, inakla aga dageigik, wene oko-oko yakhik, inekalat inabok weak palhik, egarek meke iti here'isekhe dogolik, weagarinakharek meke inom tha'bokhogonat here'isekhe dogono o.

Efesus 4:32

Here'isalok nen, hit-hit hinobabut enago hinakmurogo hagarinakhe dogolik, hit weak hagakhe lagagip meke at Kristus nen thagalogo degetdisikhe meke, Allah nen degetdisasikhe iti hagat, hinagarlak lak hinerugi aperek nen weagathinakho halok he, wene iti degetdisekhe dogono o.

Filipi 2:3

Yi meke ti meke hagasuogoluk, hinakla nen he, “An anek hanorogon hagakhe dogogin,” iluk, hinekaerek nen hinalonhogon hagakhe dogogup o. Hinakla nen hogorakhigidegat, “It aperek hano. An he, erlok dek,” iluk, apekhe dogono.

Filipi 3:16

Mekeat he, yogotak ninobabut wene iti hutdiluk hagarik waga lago hagat, itithogonat hagarik laga dogouok o.

Kolose 3:12

Hit hinebe, Allah nen wenago ekaerek hasik 'bakhasikhesik nen, “An nekaerek na'buri o,” iluk, akmurogon welagarek iti. Halok he, su ket meke ikharek hak, hinobabut men meke waganino. Inebe inakmurinakharek meke iti inom, inobabut enago welageikharek meke iti inom, inekaerek nen hogorakhigidek inetaiken thebekhogon welageikharek meke iti inom, inobabut liokhogon hagakharek meke iti inom, inobakhanini hapugutdiluk welageikharek meke iti inom, hinobabut iti meke waganino.

Ibrani 13:1

Nagarlak lak nerugi. Allah a'buri hinebe opakiat meke negen nakmu-hakmurogon hagakhethep meke iti, itithogon hinom hunigat hagakhe dogono o.

Yakobus 2:13

Hit nen he, akhuni hinakmurinakhidek halok he, Allah nen akmuthinakhidek, wene hinoba 'biginat o. Meke re, akhuni aperek inakmurogon welageikharek meke iti Allah nen initema waganhe dogolik wene inoba 'bisagein dek o.

Yakobus 3:17

Itithogon mekeat he, Allah nen akhuni inakla kagalhunem, inobabut kok hagakharek he, weak ageikhe hagakhidek inilaga isonhogo welageikharek iti. Itithogon dogolik, akhuni inom hanorogo welageik, inobabut enago welageik, inane hologo hagakhik, akhuni inakmurogon motok welageik, o eken hano meke ikherek iti hak, hanorogon hagakhik, akhuni aperek inelokhomake 'bisigik, aperek inoporlike 'bisigik, hagakhidegat inetaiken pere welageidegat, hanorogo hagakharek iti.

Yakobus 5:11

Weagarinakhe korlek, inobakhanini hapugutdiluk welagoukha iti nen, nit nen inabok hano ekhe dogolik, “It hano ageikhasik inakla arleken akhiliogei,” iluk ogorek iti. At Ayub akla puk ageidek obakhanini hapugutdiluk welageikhe baga, ninopase Etagapogot obabut hano dogolik kokhogon akmurinakherek meke etnogo nen, ilugun oba hanotdisikhe iti abok hinasuk holhethebat o.

1 Petrus 1:22

Ebe wene iti hinasuk holhe dogolik, hinakla nen weak meke horogo la'isalok, hinagarlak lak hinerugi Allah a'buri meke aperek eberogonat hinakmurogon hagakhe lagap iti, hinom hunik motok dogolik nakmu-hakmurogon hagakhe dogono.

1 Petrus 2:17

Akhuni tha'bokhogonat inalon halhe dogono. Itithogon yogeisekhe dogolik, hinagarlak lak hinerugi Allah a'buri meke hinakmurogo dogono o. Dogolik, Allah ebe hinayukhogon welageik, nen, Kaisar etagapogot pemerintah meke inoe kok iti alon halhik hagakhe dogono o.

1 Petrus 5:5

Nen iti hagat, hit ap elege nagarumi. It aperek nen Allah ane baga men isukha, “Akhuni inekaerek nen hogorakhugunem, Allah nen a'it hisekherek o. Mekeat he, inekaerek inetaiken thebekhogon dogogun halok, at obabut hano nen akmurinakherek o,” iluk holal waganogo 'bisukhama werek iti nen, hit nen inarluetek inapma ukiluk inane hologo hagakhe dogono o. Itithogon hagakhe dogolik, hit tha'bokhogonat nen, hinekaerek nen hogorakhigidek inapma dogolik, hit aperek nen it aperek inatuaneke welageik, it nen hit hinatuaneke welageik, hagakhe dogolik yomak-yomak hagakhe dogono o.

2 Petrus 1:7

Allah akla warlok apekherek mothogon hagakhe dogolik, iti meke oba dukhogon, inagarlak lak inerugi inakmurogo welageikharek iti meke, ite atno. Hinagarlak lak hinerugi hinakmurogo dogolik, iti meke oba dukhogon, akhuni inebe tha'bokhogonat inetaiken hunik welageikharek iti meke, ite atno.

1 Yohanes 3:14

Allah nen ninebe watlageikharekma nen wokninabiluk iniluk welageikharekma 'binanhemo welago iluk, nit-nit ninagarlak lak ninerugi ninom nakmu-hakmurogon welago iti nen hutdekhe lago o. Halok he, tha nen akhuni aperek akmurogon dek, a'it welagarek meke iti ebe watlageikharekma etomaat werek o.