1 Petrus 3:7 - ALLAH ANE WENW KET MEKE WAROGO WOKNINAKHIKHE WENE

⁷ Nen, hit ap meneke, Allah obabut hano nen hinagugi hinom tak-tagat hiniluk motok dogoagaluk iteerek 'binagakhemo welagap iti nen, hit sembayan isinem Allah nen hinane asuk holhidek thogotdinogo iluk, hinagugi hinom hano dogolik, hinakla nen, “Humi inobatne dek,” iluk hutdiluk, inalon halogo hinakmurinakhe dogono o.

1 Petrus 3:7 ပူးပေါင်းရင်းမြစ်များ

Matius 18:19

“Nen, wene ageikhe yi yokhisak. Hit hinebe pere a? Henagan a, an netaga baga natogosugun halok he, an nebe hinakerlekla etoma dogogin iti nen he, hit hinebe pere nen agat oba yoma dogolik, hinetaiken opakiat atluk, hit nen, Ageikhe hagatnisan, iluk, nena meke, Allah ayoko 'bugun meke iti an nopase pogot oba meke nen hinane asuk holiluk hagasiginat o,” iluk yogeisasikhe.

1 Korintus 7:3

Inaguni nen, inagugi tomok, nen, inagugi nen inaguni tomok, inom noge ekhe dogosak mekeat noge ekhe dogosak o.

Efesus 3:6

Hano wene iti baga, it akhuni itikmanke meke inom, Yahudi meke inom, inom tak-tagat iteerek hagatlageik, Kristus ebe opakiat meke ninom tak-tagat hunogo 'binanhik, hagakhemo welago. Wene haganeat Allah nen, “Itithogon hagathinabigin,” iluk abok yoknisasikhe etnogo baga, “Akhuni itikmanke meke Kristus Yesus inom hunik werekma hano wene iti baga ninom tak-tagat hagatninabigin,” iluk, ninilu aga iti o.

Efesus 4:30

Allah nen yabokane hinebe hanothinabigiluk ilekerlogo, at Agoreke wokhisasikhemo hinakla werek iti, akla korlotdugup o.

Efesus 5:33

Meke re, hit hinebe hasik inomat isikhe. Hit ap he, hinekaerek hinebe hinakmurogo welagathep hak, hinagugi tomok hinakmurogon welageik, hit humi hinaguni tomok inalonerinakhik, hagakhe dogono o.

Efesus 6:18

Itithogon tha'bokhogonat hagakhe dogolik, Allah nen yomakhisoagaluk sembayan ekhe dogono. At Agoreke hinakla dogolik hinakla kagaligin hagat, hibiku-yogoku sembayan Allah ayoko 'bigik, kino yogokhik, isi motogat dogono. Itithogon ekhe dogolik, hinakla puk ageidek, hinobabut hebelek motok dogono. Itithogon dogolik, Allah a'buri tha'bokhogonat inobasik sembayan Allah ayoko 'bekhe dogonoat o.

Kolose 3:19

Nen, hit ap nagarlak lak. Hinagugi mep dageik-dagokhogon hagarinakhidegat, hinakmurogon dogono o.

1 Tesalonika 4:4

Itithogon dogolik, hinagugi dopok woginabiluk nen, hinom hano dogolik, hinebe an nobasik 'baniluk karelek dogolik, hinobabut inalon halogo hagakharek tak-tagat hagakhe dogono.

Titus 3:7

At Yesus obabut hano nen wene ninoba meke korogo wokhasikhesik, Allah ninom ninapuke hunogo 'binanikhemo, nit ninakla nen, “Niniluk motok dogogun o,” iluk apekhe lago iti mothogon iteerek asuagaluk Allah Agoreke woknisasikhe iluk,

Ibrani 1:14

Allah agarumi malaikat iti inebe, nikithogon hagakharek meke nogo? It inebe, nit Allah nen tilninabigin meke yomaknisekhe dogoagaluk, at nen inayoko 'biluk la'isa agarek mekeat o.

1 Petrus 3:1

Iti hak, hit humi hinaguni Allah ane waganhidek meke hinane yogeisagun oba 'buk. Hinobabut hinilaga isonhogo hinaguni inane hologo hagakhunem, it nen inileken hisalok Allah werekmake witluk ane waganuagaluk, hinekaerek hinaguni dopok inapma ukiluk inane hologo hagakhe dogono o.