1 Petrus 3:5 - ALLAH ANE WENW KET MEKE WAROGO WOKNINAKHIKHE WENE

⁵ Haganeat it humi Allah a'buri meke inetaiken Allah baga hakotdiluk dogolik, inoba hanorogon itithogonat inaguni dopok inapma dogolik inane hologo hagakhe lagoukha.

1 Petrus 3:5 ပူးပေါင်းရင်းမြစ်များ

Lukas 2:37

yabokane thoge ageikhesik nen, at ebe umur 84 tahun motok yaman ageikhesik welageikhe. Dogolik iki ageikhe hipiri nikidek hean negen 'bakhalok Allah ai halekma etoma dikene hibako a'it ageidek sembayan isi motok welageikhe.

La'isasikhe 1:14

It inebe eta inom, humi aperek inom, Yesus agosa Maria inom, Yesus agarumi oporlik meke inomat, inebe tha'bokhogonat inetaiken opakiat dogolik, sembayan isi motok welagoukha.

La'isasikhe 9:36

O Yope etoma, he ageikhe etaga Tabita welageikhe. (Akhuni Yunani inane baga etaga Dorkas u hak, wam rusa etaga meke thalhukha.) At he iti, ninoe Etagapogot Yesus ane waganhikhesik, yi meke ti meke hano hagakhe dogolik, akhuni inameke dek meke yomageisekho motok welageikhe.

Efesus 5:33

Meke re, hit hinebe hasik inomat isikhe. Hit ap he, hinekaerek hinebe hinakmurogo welagathep hak, hinagugi tomok hinakmurogon welageik, hit humi hinaguni tomok inalonerinakhik, hagakhe dogono o.

1 Timotius 2:10

Inobake waganu hak he, inobabut Allah a'buri dogolik hagasu hagat, it aperek hanorogon yomageisekhe dogoak.

1 Timotius 2:15

Itithogonat meke re, it humi inetaiken Allah oba hakotdiluk nen, inebe Allah hasik 'bisalok karelek dogolik, akhuni aperek inakmurinakhik, inilaga isonhogon hagakhik, hagakhe dogogun halok he, ineagei itaginakhunem, Allah nen tilinabiginat o.

1 Timotius 5:10

It akhuni aperek nen it humi thoge meke iti inabok ekhe dogolik, “It inobabut hano hagariogei,” iluk egarek meke halok, inetaga holal waganusak. Hano hagakharek iti, inekaerek ineagei hanorogon kogorinakhik, ap huso wagunem, inebe hanorogon woginakhik, Allah a'buri aperek inisok obake thobalinakhik, it aperek weak werekma yomageisigik, iniki ageikhe huk agedek yi meke ti meke hasik yomageisekho motok welageik, hagakharek meke halok, inetaga holal waganusak o.

1 Timotius 5:5

Meke re, humi thoge eberogonat akhuni erlo it meke dekma inarligat dogolik, “Allah nenat yomaknisagein,” iluk, inetaiken at oba hakotdiluk, dikene hibakone ayoko 'bigik, kino yogokhik, hagakho motok welageikharek.

Ibrani 11:11

Nen, at Abraham ebe yaman ageikhesik age Sara ebe abirli welageikhe mekeat he, at Abraham akla nen he, Allah nen abok yoknisasikhe etnogo eberogonat woknisageinat o, iluk etaiken Allah oba hakotdiluk welageikhe iti baga, a'but Sara eak akla itasusak erlok ageikhemo itakhasikhe.

1 Petrus 1:3

Ninoe Etagapogot Yesus Kristus opase Allah etnogoat hogorakhe dogouok. At Allah ninebe akmu motok nen, Yesus Kristus watlageikhesikmo nen ilugutdisikhe iti baga nit ninilugutninakhikhe iti. Ninilugutninakhikhemo dogolik, ninakla nen he, “At nen, yabokane hanothinabigin, isikhe iti tagan-hagan asigin dek,” iluk ninakla arleken akhekhe lago.