1 Petrus 3:22 - ALLAH ANE WENW KET MEKE WAROGO WOKNINAKHIKHE WENE

²² At ebe iluk ageikhesik nen, pogot oba dageisikhesik, Allah iki ebeke kok dogolik, malaikat Allah nen yoko usa'isa agarek meke emenogo men, inougi koktek meke men, inobatneak meke men, hagasik welagarek o.

1 Petrus 3:22 ပူးပေါင်းရင်းမြစ်များ

Matius 22:44

Allah Etagapogot nen an noe Etagapogot yogokhe dogolik, Akhuni hat thili meke emenogo hisok nen al debelogo 'bisanok nen, an nen hoba 'bisa'ageidek werek korlek, hat an nalilu niki ebeke hurek dogolik hebe kok dogono, iluk Allah nen Kristus yogokhikhe, iluk Daud nen isikhe iti, nenaluk isikhe apegep.

Matius 28:18

Itithogon apekhe korlek, at Yesus ebe inalilu wageikhesik nen, men yogeisasikhe, “Allah nen he, pogot oba meke inom, agat oba meke inom, tha'bokhogonat an iteerek 'banhemo o.

Markus 12:36

At Daud Allah Agoreke akla dogolik, ekaerek nen men isikhe, Allah Etagapogot nen an noe Etagapogot yogokhe dogolik, Akhuni hat hathili meke emenogo hisok nen al debelogo 'bisanok nen, an nen aban hoba 'bisa'ageidek werek korlek, hat an nalilu niki ebeke hurek dogolik hebe kok dogonok, iluk Allah nen Kristus yogokhikhe, iluk Daud nen isikhe.

Markus 16:19

Wene itithogon arat yogeisasikhemo, at Allah nen Yesus ebe pogot oba wolok dageisikhe. Itithogon wolok dageisikhemo alilu iki ebeke kok hurek welagarek.

Lukas 20:42

At Daud ekaerek nen Mazmur wene baga men isikhe, Allah Etagapogot nen an noe Etagapogot yogokhe dogolik, Akhuni hat hathili meke emenogo hisok nen al debelogo 'bisanok nen, an nen aban hoba 'bisa'ageidek werek korlek, an nalilu niki ebeke hurek dogolik hebe kok dogono, iluk holal waganogo 'bisikhe iti re,

Yohanes 13:32

Nen, an nen hagasigin iti baga Allah hogorakho halok, at ekaerek ebe hogorakharek iti hak, an nipisagat hogotninakhe dogoagaluk, at nen ibat hogotnabigin o.

La'isasikhe 1:11

Melasi usa'agoukhasik nen, men yogeisasukha, “Hit akhuni o Galilea meke yirani. Hinileken pogot oba liageik welagap iti nenaluk. At Yesus hit yoma 'binageiluk pogot oba wolok dageisinem hinileken werek korlegat, pogot oba dageikhe iti hak, yabokane ebe itithogonat usa'isigin o,” iluk yogeisasukha.

La'isasikhe 3:21

Yogotak ya re, Yesus ebe pogot oba dogosak obaat dogogin o. Dogoluk nen, hurli Allah nen yi meke ti meke tha'bokhogonat ket hagarogo hagasigin iti hurliat usa'isigin o, iluk haganeat it ap Allah hasik dogolik at ane yogeisekhe lagoukha meke emenogo nen isukha hagat, hagatlasigin o.

Roma 8:34

Nen, wene ninoba 'biluk nen, tha nen weagatninabusak nogo. At Kristus Yesus watlageikhesikmo Allah nen ilugutdisikhemo, pogot oba dageiluk, at alilu iki ebeke ebe kok dogolik, nit hasik Allah ayoko 'biliogo.

1 Korintus 15:24

Ninilugutninabiluk nen, o ilugun hurli baga arat hagatlasigin. Itinem at Kristus nen inebe kok welageikharek iti inom, iteerek welageikharek iti inom, inobatneak welageikharek iti inom, motogat degetdisalok, yi meke ti meke, at apma werek meke tha'bokhogonat ninopase Allah apma dogoagaluk iki baga 'bigin o.

Kolose 3:1

At Allah nen he, Kristus ilugutdekhe dogolik, hit hinomat hiniluguthinakhikhemo welagap iti nen, yi meke ti meke Kristus ebe pogot oba Allah alilu iki ebeke kogat welagarek oba etoma meke horla luok nen, hinobatnerogo hagakhe dogono o.

Ibrani 1:13

Itithogon yogokhikhesik nen, ageikhe men yogokhikheat, “Akhuni hat hathili meke emenogo hisok nen al debelogo 'bisanok nen iluk, an nen aban 'bisa ageidek werek korlek, hat hebe an nalilu niki ebeke kok dogono,” iluk, it malaikat meke emenogo ageikhe yogokhikhe nogo a? Dek o.

Ibrani 1:3

Mulikin terlelek-werlelekhogon la'i agarek hak, Allah ebe hogorakharek meke iti nen, Yesus ebe la'i ageikhemo agat oba liarogo dogolik, opase alino hakene at welagarek iti. Itithogon dogolik, yi meke ti meke tha'bokhogonat welagarek iti, at ane obatne baga welagarek. Werekma, nit weak hagakhe lagagu meke arat horogo degetdisikhesik nen, Allah Etagapgoto kok meke etnogo baga dageisikhesik alilu iki ebeke kogat welagarek iti o.

Ibrani 1:6

Iti nen, at Allah nen a'but opakiat itago agat oba yoma usa'i ageikhe itinem, it malaikat yigithogon yogeisasikhe, “Hit an nagarumi malaikat tha'bokhogonat, at anek oba hakokthek dogolik hogorakhe dogono o,” iluk yogeisasikhe.

Ibrani 10:12

Itithogon mekeat he, at Kristus anek he, nit akhuni nen weak hagakhorek meke hasik iki opaki hasigat watlaga dogolik, ebe motok-motok Allah wogokhikhesik, alilu iki ebeke asi lageikhesik kok werek iti.

Ibrani 12:2

Itithogon laga dogolik, ebekeram ninetaiken Yesus oba hakotduagaluk, at nenat ninakla kagalhik, hurli ilugun oba hano 'bogokhogon motok asi loagaluk, at nenat thetnisik welageik, hagakherek iti nen, arat nit ninileken nen wolok mutluk laga dogouok o. At akla nen he, “Inebe o baga meldisalok inekarli warogo inakharek iti hak, an itithogon watlasu nekarli,” iluk apigidek dogolik, “An yabokane nakla arleken akhagein,” iluk at ebe wakhe korlek obakhanini hapugutdiluk welageikhesik nen, yabokane iluk ageikhesik yogotak Allah kok welagarekma etoma alilu iki ebeke kogat werek o.

Ibrani 4:14

Nit ninoe kok Allah iteerek Allah a'but Yesus etnogo pogot abel upuke Allah werekma dageisikhesik nit ninobasik werek iti nen he, nit ninetaiken at oba hakotdiluk ninane pakhogon ekhe lago meke iti, niniki a'bethogon hago dogouok o.

Ibrani 6:20

At Yesus nit ninobasik holak yarik, o etoma ukisikhesik, ap Melkisedek Allah iteerek dogolik hagakhe lageikhe iti hak, motok-motok hagakhe dogogin meke Allah iteerek kok ageikhesik welagarek iti.

Ibrani 8:1

Nit wene ekhe lago iti, kok he, yi o. Nit ninoe kok Allah iteerek ogo iti hagat werek o. At ebe, ninopase Etagapogot Allah welagarekma iki ebeke kogat werek o.

Ibrani 9:24

at Kristus o Allah ekaerek ai iluk akhuni nen oba lisogon halhukhama iti ukisikhe 'buk. Dek o. At he, pogot ebe baga ukisikhesik Allah werekma etoma nit ninobasik werek o.