1 Petrus 3:20 - ALLAH ANE WENW KET MEKE WAROGO WOKNINAKHIKHE WENE

²⁰ Inagoreke iti inebe re, haganeat at Nuh nen ku kok meke halhe korlek, Allah obabut hano nen therisik werek korlegat, wene waganhidek here'isalok weak hagakho motok werekma i thalukhogon waga dogolik inakhukhama watlagoukha meke iti. Itithogon inakhe korlegat, it aperek ku kok meke akla ukiluk welagoukha meke, inebe 8 nen pererlagat i thalukhogon wageikhe iti baga tilinakhikhe iti.

1 Petrus 3:20 ပူးပေါင်းရင်းမြစ်များ

Matius 7:14

Mekeat he, holak hanoma lageikharek holak iti, ape palek iti herlekha'bugurlagat. Nen, holak ebe lageikharek iti motok kirli-kerlorekma nogo iluk, akhuni doalegat uki lausak dek nen, inebe pererlagat anek ukiliogei,” iluk yogeisasikhe.

Lukas 12:32

“Halok he, hit Allah a'buri domba hakene opakimo hulogo ukiluk welageikharek meke hinebe herlekha'bugat meke yi, nagarlak lak nerugi o! Allah nen hit at apma 'binageigiluk akla apekhesik werek iti, hinayuk agup o.

La'isasikhe 2:41

Inasuk itithogon wakhikhemo, it wene waganhukha meke ima usa'isasukha. Itinem inebe 3.000 hakene ima usa'isasukhasik nen, yabokane inom dapukhogon welagoukha.

Roma 9:22

Iti hak, at Allah akla apekhe dogolik, “Akhuni an nen walinakhigi mekeat he, it aperek nakla aga liabiogei iti nen, weagarinabigiluk, nakla aga dageisikhe meke iti, it nen nobabut palhik, nobatne werek iti, inilu ageik, hagasuak o,” iluk obakhanini hapugutdiluk welagarek.

Efesus 5:26

At Kristus nen itithogon hagakhikhe iti, nit Allah a'buri tha'bokhogonat ninebe ninoba nino'ban dek, ninoado hurarlo dek, hano dogou hak, at il oba ukum ninoba dek, hano motok karelek dogoagaluk, ninebe ima usa'inanhunem, at ane etnogo baga, thobalogo 'binaniluk, at ekaerek hasik bakhagaluk ebe watlageikhe iti o.

Ibrani 11:7

At ap Nuh meneke, etaiken Allah oba hakotdiluk, yi wene ti wene yabokane hagatlasigin meke Allah nen husupi yogokhikhemo ebe ileken higidek mekeat he, “Eberogonat hagatlasigin meke yoknekhe higi,” iluk Allah ane holek dogolik, ku ageikhe at a'buri inom tilinabusak meke halhikhe. Itithogon halhikhemo, Allah nen akhuni ukum inoba 'biluk inebe inakhikhe mekeat he, at Nuh arligat anek he, etaiken Allah oba hakotdisikhe iti baga, Allah nen, “At hano,” iluk tilhikhe.

1 Petrus 1:22

Ebe wene iti hinasuk holhe dogolik, hinakla nen weak meke horogo la'isalok, hinagarlak lak hinerugi Allah a'buri meke aperek eberogonat hinakmurogon hagakhe lagap iti, hinom hunik motok dogolik nakmu-hakmurogon hagakhe dogono.

1 Petrus 1:9

Hinakla nen he, “O ilugun hurli baga tilninabuak,” iluk hinetaiken at oba hakotdiluk dogolik, yogotak iteerek aga lagabat o.

1 Petrus 2:25

Hit alebat, domba holak nuk asi lagarek iti hak, nuk asi laga lagagip mekeat he, yogotak at Allah nen, ap hinebe hakhisik dogolik thethisik welagarek meke oba hinapuke wokhisik 'binagei agama welagap o.

1 Petrus 3:19

Ilugutdisikhemo it aperek inagoreke herle warek werekma wene yogeisa lageikhe.

1 Petrus 4:19

Hit Allah akla apasikhe bagaat hinoba yi aik ti aik itithogon hekhe lagap halok he, hinakla nen, “At ninebe walninakhikhe meke iti at oba hakotdiluk dogosak, hano,” iluk hinetaiken at oba hakotdiluk dogolik hinobabut hano hagakhe dogono.

2 Petrus 2:5

Iti tak-tak, akhuni haganeat welagoukha eta oba dogolik, Allah ina'it meke nen inobabut weak hagakhe lagoukhama Allah nen here'isigidek. I thalukhogon inasisuagaluk inoba usa'i ageikhemo inakhe dogolik, Nuh, akhuni inobabut Allah akla warlok meke hagakhe dogoagaluk wene yogeisekhe lageikhe meke inom, inebe 7 baga aperek inom, tilinakhikhe iti.

2 Petrus 3:15

Itithogon hagakhe dogolik, hinakla nen, “Ninoe Etagapogot etaiken thebekhogon dogolik, ibat wageidek aban werek iti, tilninabigiluk eram nenat aban thetnisik werek,” iluk hinakla apano. At ninoe Paulus ebe ninakmu meke etnogo Allah nen akla kagalhikhemo wene itithogon iluk holal waganogo hinoba la'i ageikhe iti.