1 Petrus 2:7 - ALLAH ANE WENW KET MEKE WAROGO WOKNINAKHIKHE WENE

⁷ Hit hinetaiken at oba hakotdiluk welagap meke nen, “At hano motok,” iluk hutdekhe lagap iti. Mekeat he, it aperek inetaiken at oba hakotdigidek meke inobasik anek he, men isikhe, “It ap tukang o helekit meke halharek meke nen, o ebe halhe dogolik, Helekit yi weak, iluk here'isega meke iti herlaga hagatlaga yi,” iluk isikhe.

1 Petrus 2:7 ပူးပေါင်းရင်းမြစ်များ

Matius 21:42

Itithogon yogokhukhama, at Yesus nen, “Hit nen Allah ane yigithogon holal waganogo 'bisukhama etaga thalhidek welagap nogo? It nen, It ap tukang o helekit meke halharek meke nen, o ebe halhe dogolik, Helekit yi weak, iluk thogotdisukha meke iti ebe herlagaat hagatlagama o. Itithogon hagatlaga iti, ninopase Allah Etagapogot nenat hagakhe o, iluk, ninileken hogosik nen, Eiye! iluk hogorakhe lago, iluk holal waganogo 'bisukha meke iti etaga thalhe lagap dek nogo? Etaga thalhe lagabat o.

Lukas 2:34

Nen, at Simeon etnogo nen, “Allah nen hanothinabuak o,” iluk, ane hanorogon yogeisalok, elege etnogo agosa Maria oba men yogokhikhe, “Allah nen he, elege yi baga, it ap Israel meke inebe doalegat, aperek usa'isigik, aperek meldisigik, hagasuagaluk meldisikhe o. At yi akhuni tha'bokhogonat hutduagaluk meldisikhe mekeat he, it akhuni tha'bokhogonat nen, Nina'it o, iluk iliogei etnogo,

Lukas 20:17

at Yesus nen it emenogo ileken 'birisik dogolik, men yogeisasikhe, “It ap aperek nen holal waganogo 'bekhe dogolik, It ap tukang o helekit meke halharek meke nen, o ebe halhe dogolik, Helekit yi weak, iluk here'isukha meke iti o herlagaat hagatlagama o, iluk Allah ane holal waganogo 'bisukha iti nena hasik isukha apegep.

Yohanes 4:42

he etnogo men yogokhukha, “Yogotak nit ninetaiken at oba hakotdogo yi, wene hat nen yoknisegen iti baga anek ninetaiken at oba hakotdogo 'buk. Dek o. At he, at ebe nen wene yoknisugunem ninekaerek nen ninasuk tomok holhik, Akhuni agat oba meke tha'bokhogonat tilinakherek meke ebe yiat o, iluk hutdiluk ninilu ageik, hagakho iti baga nen ninetaiken at oba hakotdogoat o,” iluk yogokhukha.

La'isasikhe 26:19

Itithogon yogokhikhesik, ageikhe men yogokhikhe, “Iti nen, Agripa noe. Allah nen Yesus nelokhoma melasuagaluk la'i ageikhe meke iti, ane hologo hagakhe dogeigiluk nobatnerogo hagakho motok welagei.

Roma 10:21

Nen, Allah nen akhuni Israel meke men yogeisasikhe, “An hubenke nen, dikene nen, hiamaganekeke nen, akhuni yoma woginabigiluk niki lanhek motogat welagei mekeat he, inasuk holu'buk inasikanok weak werek o,” iluk yogeisasikhemo, Yesaya nen yogeisasikheat.

Roma 15:31

It akhuni o Yudea meke inetaiken Yesus oba hakotdigidek meke nen nebe iniki hakneaunogo iluk, Allah nen tilnabuagaluk inom, nen, akhuni Allah a'buri o Yerusalem meke hasik natogorlogo 'bisega meke iti, wolok yomageisa lagunem nen, hano waganuagaluk inom, sembayan hanorogon ekhe dogono o.

Kolose 2:10

Malaikat pogot oba meke inom, mokat obabut weak meke inom, inapma hagasik werekma inane holharek meke, at Kristus kok arligat ane holusak iti nen, hit meneke, at hinom hunik dogolik, hinetaiken 'bogokhogon horle agasip welagap iti.

Titus 3:3

It itithogon hagakhe dogosak iti, nit alep ninetaiken dek ninobabut kepu negen, ninasuk warek degat, nil-hilhogon hagakhe dogolik, akhuni inougi koktek inapma welageikharek hak, inoba agaken dageigik, inakla nen yi meke ti meke warlok apigik, hagakharek iti meke apma negen welagagu. Itithogon dogolik, it aperek weagarinakhik, ua palhik, it aperek nit motok ina'it hisigik, nit nen it nina'it isigik, hagakhe lagagu.

Ibrani 11:31

Itithogon hagatlagunem, at he Rahab yugunisake hagakhe lageikhe meke iti meneke, etaiken Allah oba hakotdiluk, it ap Israel meke wim il waganhe wagoukha meke emenogo inebe hano woginakhikhe iti nen he, it akhuni aperek Allah ane waganusak ina'it meke inebe motok inakhe dogolik, at he iti anek he, wakhidek thogotdisukha iti.

Ibrani 4:11

It ale Allah ane hologo mothogon hagakhidek nen, thet waligidek iti hak, nit aperek it inomanem thet waligidek hagasunogo iluk, ninobatnerogon hagakhe dogouok o.

1 Petrus 1:8

Hit nen alebat, at ebe hinileken higidek mekeat he, ebe hinakmu welagap iti o. Itithogon dogolik, yogotak ya hinileken higidek mekeat he, hinakla nen, “Yabokane hano motok hagatninabigin,” iluk hinane baga nikithogon pilinogo usak heat dogolik, hinakla arleken motok akhekhe lagap iti o.

1 Petrus 2:4

At ebe helekit hakene iluk welagarek meke iluk he, oba wetno. Akhuni nen, “Helekit iti weak,” iluk here'isasukha mekeat he, Allah nen, “Helekit yi motok hano mekeat,” iluk wenago 'bisikhe.

1 Petrus 2:8

Nen, ageikhe men isikhe, “Akhuni helekit iti baga inisok a'bit 'baukhogon waralok wilasi laga dogogun o,” iluk isikhe. Itithogon wilasi laga dogogun iti re, it nen hano wene iti, “Eberogonat,” iluk hutdugun dek iti nen, Allah nen akla apasikhe hagat, warisiliogei iti.