1 Petrus 2:25 - ALLAH ANE WENW KET MEKE WAROGO WOKNINAKHIKHE WENE

²⁵ Hit alebat, domba holak nuk asi lagarek iti hak, nuk asi laga lagagip mekeat he, yogotak at Allah nen, ap hinebe hakhisik dogolik thethisik welagarek meke oba hinapuke wokhisik 'binagei agama welagap o.

1 Petrus 2:25 ပူးပေါင်းရင်းမြစ်များ

Matius 18:12

Hinakla nikithogon apegep. Ap ageikhe ako domba ebe 100 oba werekma, 99 anek tom oba dageiluk hano werek korlek, opakiat ageikhe nuk atluk nalasi laga halok yabokane herasi lausak dek nogo? Herasi lausagat o.

Matius 9:36

Itithogon hano hagarinabik nekhe dogolik, akhuni doalegat ileken lageisalok nen, “Ap domba therisek welageikharek hak, it yoma ap therisek dogou meke inebe dek nen yugunat thirlik-pirlikhogon thet yagalek liliogei yoma nakmu lak o,” iluk akmurinakhikhe.

La'isasikhe 20:28

Domba therisik welageikharek iti hak, hit nen Allah a'buri therisik dogoagaluk, at Agoreke nen hinayoko 'bisikhemo, therisik dogolik, hinekaerek hinobabut hebelogo dogono o. Itithogon hinobabut hebelogo dogolik nen, Allah a'buri yoma, at ekaerek a'but amep oba woginakhikhemo inebe at ekaerek a'buri werek, iluk hanorogo therisik dogono o.

Ibrani 13:20

Ninopase Allah dapulogo 'binanherek meke etnogo nen, ninoe Etagapogot Yesus watlageikhesikmo nen ebe ilugutdisikhe. At ebe amep ulabogo wakhukha iti baga, Allah nen nit ninom hunisuogoluk wene motok dogogin meke warogo wokninakhikhesik, nit tha'bokhogonat Yesus nen ako domba negen thetnisik dogoagaluk ebe kogat meldisikhe iti.

Ibrani 3:1

Iti nen, Allah a'buri ekaerek hasik wenago 'binageikhemo welagap meke nagarlak lak nerugi. At Allah pogot oba nenat hit ninomat ninayoko 'bisikhemo wene waganhugusik pakhogon ekhe lago iti hasik, at Yesus ebe Allah iteerek ninoe kok dogoagaluk, Allah nenat la'i ageikhemo werek iti halok, hit hinetaiken oba nenat hutdekhe dogono o.

Ibrani 5:2

Itithogon meldisugunem, it inobatne dek erlok dek mekeat emenogo nen, it akhuni aperek itithogonat wene inokodek dogolik nil-hilhogon hagakharek iti, hutdiluk nen, inebe inakmurinabiluk it inobasik inoba enagorogon erlogat hagakharek iti.

1 Petrus 3:20

Inagoreke iti inebe re, haganeat at Nuh nen ku kok meke halhe korlek, Allah obabut hano nen therisik werek korlegat, wene waganhidek here'isalok weak hagakho motok werekma i thalukhogon waga dogolik inakhukhama watlagoukha meke iti. Itithogon inakhe korlegat, it aperek ku kok meke akla ukiluk welagoukha meke, inebe 8 nen pererlagat i thalukhogon wageikhe iti baga tilinakhikhe iti.

1 Petrus 5:4

Itithogon hagakho werekma, ninoe kok adomba iteerek etnogo witluk nen, “Hano motok hagakhe lagapma,” iluk oko kare-kare mitago a'bi'baleak dek asigin dek meke wokhisagein o.