1 Petrus 2:24 - ALLAH ANE WENW KET MEKE WAROGO WOKNINAKHIKHE WENE

²⁴ Nit ninobabut weak hagakhe lagagu meke iti, akhuni watlatluk yi meke ti meke hagakharek dek iti hak, nit weak meke here'isalok, niniluk dogolik Allah akla warlok meke hagakhe dogoagaluk, nit weak hagakhe lagagu meke korogo, at Kristus oba 'bakhasikhemo, ebe o baga meldiluk wakhukha iti. At ebe li'bik-la'bakhogon wakhukha iti baga, hit hanothinakhikhe iti.

1 Petrus 2:24 ပူးပေါင်းရင်းမြစ်များ

Matius 27:26

at Barabas etnogo iki herle hisalogo wogeisekhe dogolik, at Yesus anek, la'bisoko tugi warogo, o baga meldiluk wasuagaluk wogeisasikhe.

Matius 5:20

Allah akla apekherek meke mothogon hagasuogoluk, it akhuni nen Allah ane holal waganek iteerek meke emenogo inom, ap Farisi meke inom, inobabut hagariogei iti hagat, hagakhe dogogun halok, kok pogot oba meke apma 'bisekherekma etoma ukugun dek o. At he, it 'bugurlagat negen hagakharek meke, hit ebenageik kokhogon hagakhe dogogun halok anek ukugun o,” iluk yogeisasikhe.

Matius 8:17

Itithogon hagakhikhe iti, at Yesaya Allah ane yogeisekhe lageikhe meke etnogo nen holal waganhe dogolik, “Nit yi u ti u waganhorek meke iti at nen waganiluk degetdisigik, ninobatne dik-dek atluk erlok dek agorek meke iti hano hagatninakhik, hagakhikhe o,” iluk isikhe iti tak-tagat asuagaluk hagakhikhe iti.

Markus 15:15

Itithogon yogokhukhama, at Pilatus nen akla men apasikhe, “Halok he, akhuni doalegat yoma inakla hanorogo yigithogon hagasik,” iluk isikhesik Barabas etnogo iki herle hisalogo wogeisekhe dogolik, at agarumi tentara nen Yesus tugi la'bisoko tugi warogo o baga meldiluk wasuagaluk wogeisasikhe.

Lukas 4:18

“It akhuni inameke motok dek inerlageik meke iti hano wene yi yakulisekhe dogoagaluk meldanhikhemo nogo nen, nopase Etagapogot Agoreke usa'i agama an noba dukthek werek o. Nen, nayoko 'bekhe dogolik men yoknikhikhe, It akhuni iniki herle warek werek meke herle hisalinabigin wene inom, inileken puk meke inileken 'bekelasuagaluk hanorinabigin wene inom, yogeisigik, it akhuni inapma negen thebelogo 'bisiliogei make tilogo inasokneat 'bisigik,

Yohanes 1:29

Wene itithogon isukhasik nen, noge iluk, hubuluke, at Yesus Yohanes oba wagunem ileken lakhalok nen, wene men yogeisasikhe, “Allah adomba eak meke nit akhuni agat oba yoma weak hagakhorek meke korogo thogotdisagein meke etnogo waga ili hinileken lakhani o.

Yohanes 19:1

“Barabas hisalnisan o,” iluk isukhama, at Pilatus yabokane ukisikhesik nen, Yesus tugi wasuagaluk wogeisasikhe.

La'isasikhe 10:35

Akhuni inukuloak etaga ya meke ta meke at ebe inayuk dogolik inobabut mothogon hagakharek meke woginakherek anek higi o.

La'isasikhe 10:39

Akhuni Yahudi meke inaila o yi ai ti ai etoma inom, o kota Yerusalem halekma etoma inom, nekhe dogolik, tha'bokhogonat hagakhe lageikhe meke iti, nit ninileken hasugu. Itithogon mekeat, at ebe o baga meldiluk wakhukha iti.

La'isasikhe 13:29

At Yesus hasigat, Itithogon hagasugun, iluk holal waganogo 'bisukha meke iti tak-tagat tha'bokhogonat hagakhukhasik, ebe warek o baga nen usa'i agoukhasik nen, oila kola'isukha iti.

La'isasikhe 5:30

Hit nen Yesus ebe hiniki hakhegesip o baga meldiluk wakhepma etnogo, at Allah ninopa lak nen apma ukiluk hogorakhe lagoukha meke etnogo nenat apuke ilugutdekhemo werek o.

Roma 6:11

Iti hagat, hit hinakla nen, “Weak hagakhe dogosak hasik waregat dogolik, Kristus Yesus ninom hunik dogolik, Allah hasigat niniluk dogogun,” iluk hinakla apekhe dogono o.

Roma 6:13

Hiniki hinisok hinebe baga welagarek meke aperek inom tha'bokhogonat, weak meke asikhe arege negen atluk nen, weak hagakhe dogoagaluk, at wogokhe dogogup. Hinebe warek hakene werekma Allah nen hiniluguthinakhemo hiniluk dogolik hagasusak mothogonat, hinebe a'birat Allah wogotni o. Hiniki hinisok hinebe baga welagarek meke inom aperek tha'bokhogonat nen, at asikhe arege negen atluk nen, mothogon hagakhe dogoagaluk Allah wogotni o.

Roma 6:16

Hit nen, ap ageikhe atuaneke atluk nen, ane holek dogouogoluk, apma ukiluk dogolik, at ane holhe lagap halok he, at atuaneke mekeat welago iluk hinokodek nogo? Weak hagakharek meke iti apma ukiluk nen, ilugun oba watlageikharek iti. Mekeat he, at Allah ane holek dogolik, at apma ukilukmo, ilugun oba at nen wene ninoba meke korogo wokhalok at ninom yabokane ninapuke hunogo 'binanherek iti.

Roma 6:2

Motok erlok dek o. Nit weak hagakhe lagagu iti hasik he, arat watlagagusigat nen, yabokane weak hagakhe dogosak nogo? Erlok dek o.

Roma 6:22

Meke re, hit weak hagakho korlek, weak meke nen hakhisik werekma, Allah nen herle hisalogo ula'inageikhemo nen, yogotakne at apma ukiluk welagap iti o. Dogolik hinebe at hasik 'binageiluk welagap iti thaburegep o. Itithogon dogoluk, ilugun oba hiniluk motok dogogunat o.

Roma 6:7

Akhuni weak hagatluk watlagunem nen, wene inoba meke dek agarek iti.

Roma 7:6

Alebat wene Allah nen ninasuk wakhikhe wene etnogo baga herle warek negen welagagu meke, Kristus watlaga dogolik nit ninomat watlagagu iti baga, Allah nen herle hisalninakhikhemo welago. Yogotak he, Allah atuaneke dogolik, wene at nen ninasuk wakhikhe wene holal waganek meke ninileken anek 'bikhekhe dogolik, hagakhe lagagu iti hak, hagakhe lago dek mekeat he, Allah Agoreke nen ninobabut ket meke hagatninakho korlek, hagakhe lago.

1 Korintus 15:3

Wene alebageik an yakulnikhukhama, waganhidi mekeat hit yabokane yakulhisasigi iti, ebe men apigi. Nit weak hagakhe lagagu meke hasik, at Kristus niniki ukum oba wasugun iluk holal waganogo 'bisukha tak-tagat ebe wakhukha iti o.

2 Korintus 6:17

ninopase Etagapogot etnogo nenat, ageikhe men isikhe, “Hit hinebe it akhuni aperek inaklake, inaklake, welagap iti here'isalok, nomokhogon dukhitni o. Dukhi agunem, an nen wokhinabik nen, weak meke iti yabokane hiniki hakha ukugup o.

Galatia 3:13

Allah ane baga holal waganogo 'bekhe dogolik, men isukha, “Inebe o baga meldisalok inasumo, it inebe watlasugun meke iti, Allah nen homan 'bisagein werek o,” iluk, holal waganogo 'bisukha hagat, wene Allah nen ninasuk wakhikhe wene iti baga, homan 'binanusak mot werekma, at Kristus nen ninoko palogo tilninabigiluk wene nit ninoba meke korogo at oba 'bakhasikhe iti.

Efesus 5:9

O erlo hano meke nen eken hano mekeat ikherek hak, akhuni o lia baga dogolik yi meke ti meke hanorogo mothogonat inetaiken oba nen eberogonat hagakharek iti o.

Filipi 1:11

Yi meke ti meke ai yakhunem erlo kok atluk eken ikherek hak, at Yesus Kristus nen hagathinakhe dogogin oba, hinobabut mothogon hagakho motok aperek inomat obarluk hagakhe dogogun halok, at ebe wagunem, akhuni aperek nen Allah heagei wakhik, hogorakhik, hagasugun o.

Kolose 2:14

Wene at Allah nen ninasuk wakhikhe wene etnogo, nit nen here'isalok weak hagakho motok welagagu meke iti, holal negen waganek wene kok ninoba werekma, Yesus ebe o baga meldiluk wakhe dogolik, nit wene ninoba welageikhe meke iti inom pisuemaken oba warogo 'bisukha iti baga, Allah nen wene iti arat degetdisikhe iti o.

Kolose 2:20

Hit Kristus hinom hunik dogolik watlagagip iti nen, mokat obabut weak meke agat oba yoma iki hago welagarek meke etnogo nen hinebe herle warogo hakhisik werekma, Allah nen herle hisalhinakhikhe iti. Meke re, hit hinobabut it aperek agat oba meke inobabut inikhogat dogolik hagakharek hagat, hagakhe lagap iti nenaluk. It iti nen, “Yi meke ti meke aperek hiniki a'bethogon hakhigik, thelonhogon hakhigik, ageikhe ituk walhigik, hagakhup o,” iluk inasuk wakhunem nenaluk holiluk hagakhe lagap.

Ibrani 10:10

Nen, at Yesus Kristus Allah akla warlok meke iti hagakhe dogolik, at ebe opaki hasigat watlaga dogolik, Allah wogokhikhe iti baga, nit ninebe Allah hasik motok karelogo 'binanhikhemo welago.

Ibrani 10:5

Itithogon hagakhe lagoukha iti nen, at Kristus agat oba usa'aga dogolik, Allah men yogokhikhe, “Hat he, akhuni nen kambing sapi wathikhik, yi meke ti meke wokhikhik, hagakharek iti meke wokhekhe dogosak, ha'it iti nen, an nebe akhuni hakene hagarogo 'banhigin yi o.

Ibrani 12:13

Itithogon hanotdiluk, hinisok abel mirlalek meke yabokane weak ageidek hano asuagaluk, holak mot enago hano yagoma laga dogono o.

Ibrani 7:26

Nit ninakla nen, “Ap ageikhe Allah iteerek nit ninobasik hano 'bogokhogon yigithogon kok dogolik hagakhe dogolep e,” iluk apogorek mekeat he, Allah nen ninoe Yesus itiat meldisikhemo werek o. At obabut weak korlo ageikhe hagakhidek, hano karelek motok werekma, akhuni weak hagakharek meke inakla nen karelogo pogot abel upuke upu eloma lia'isikhemo nit ninobasik werek o.

Ibrani 9:28

at Kristus meneke nit akhuni weak hagakhorek meke degetdisagaluk iki opaki hasigat kambing sapi Allah warekhe lagoukha iti hak, at ebe watlageikhesik, yabokane wisigin iti, nit weak hagakhorek meke degetdisagaluk wisigin 'buk. Dek o. Nit akhuni, at wagunem elokhoma therogo welagorek meke hanotninabigiluk wisigin o.

Yakobus 5:16

Itithogon hagasigin iti nen, hit aperek hinoba u meke dek asubageik nen, weak hagakhep meke hit-hit 'bual-'bual ekhe dogolik sembayan ekhe dogono o. It akhuni Allah akla warlok apekherek meke, mothogon hagakharek meke nen sembayan eberogonat obatnerogon ugun iti, obatneak werekma Allah nen hagarinabiginat o.

1 Yohanes 2:29

At Kristus Allah a'but obabut hano mothogon anek hagakherek etnogo hinilu halok he, hit hinakla nen he, “It akhuni aperek inobabut hano mothogon hagakharek meke inebe tomok Allah a'buri yabokane itaginakhemo werek,” iluk hinilu asusagat o.

1 Yohanes 3:7

Na'buri o. It akhuni aperek nen nukhetdinagunogo iluk hinobabut hebelogo dogono o. Tha nen obabut mothogon hagakherek halok he, at Kristus obabut mothogon hagakherek iti hagat, hagakho werek o.

A'bikaka 22:2

o kota etoma holagarlem abel ebelak-ebelak lageikharekmake werekma, i etnogo tumo lagarekma higi. Itithogon laga korlek, i aik ilibagan yibagan, o ai yago werekma higi. O iti eken nasinem inilugurinakherek meke etnogo, thut opakiat oba eken ageikhe ikhik, thut ageikhe baga eken ageikhe ikhik, ikhe korlek o mulikin dageigik, usigik, hagakhe korlek tahun opakiat oba eken hurli 12 oba nen ikherek meke welaga iti. Nen, eka baga, yi akhuni ti akhuni inukuloak etaga tomok hanorinakherek meke higi.