1 Petrus 2:2 - ALLAH ANE WENW KET MEKE WAROGO WOKNINAKHIKHE WENE

^2-3 Yi meke ti meke ituk walhalok, hano egarek iti hak, ninoe Etagapogot obabut hano hegep iti nen, elege ket itago meke irlak abu nen nasi motok welageikharek iti hak, wene hano wene hinetaiken iti baga horle asumo hanothinabuagaluk, wene itiat hit warlokhogon waganho motok dogono o.

1 Petrus 2:2 ပူးပေါင်းရင်းမြစ်များ

Matius 18:3

men yogeisasikhe, “Hit akhuni yi, hinobabut hebelatluk hinobabut yekerugi yi inobabut hakene hagatlasugun dek halok he, nopase kok pogot oba meke apma 'bisekherekma etoma ukugun motok dek o, iluk eberogonat yokhisigi.

Matius 19:14

Wenageisasukha mekeat he, at Yesus nen, “Akhuni yekerugi yi hakene hagatlasugun halok, nopase kok pogot oba meke nen apma 'bisekherekma etoma iteerek asugun iti nen, it yekerugi 'bugurlaktek ethoma an noba wetnek. Wene palhek 'buk o,” iluk yogeisasikhe.

Markus 10:15

Tha nen, yekerugi 'bugurlaktek meke Allah nen apma 'bisekherek wene iti waganiluk ukegarek iti hak ukigidek halok he, ukigin motok dek o, iluk eberogonat yokhisigi,” iluk yogeisasikhe.

Lukas 18:17

Tha nen, yekerugi 'bugurlaktek meke Allah nen apma 'bisekherek wene waganiluk ukegarek iti hak ukigidek halok he, ukigin motok dek o, iluk eberogonat yokhisigi,” iluk yogeisasikhe.

Roma 6:4

Ima usa'inanhe dogolik, at ebe warek thalhukha hak, nit at ninom hunigat werekma warogo 'binanhukha. Nen, at Kristus watlageikhesikmo nen, opase obatneak hogorakharek meke etnogo nen ilugutdisikhe hak, nit yogotak ninilugutninakhikhemo ninobabut ket ninat hagakhe dogouok o.

1 Korintus 14:20

Nagarlak lak nerugi. Wene hinakla ebekhe lagap iti, yekerugi inakla ebekharek hak ebekhe dogogup. Keritago meke nen weak hagakho inokodek welageikharek hak dogolik, hinetaiken inarlue inetaiken hakene horlerogon dogono.

Efesus 2:21

Nit tha'bokhogonat ninebe tomok, at Yesus ninom hunogo 'binaniluk nen, o thep hun-hun halharek hak, o iti abisakeat ninopase Allah ekaerek hasik ai halogo 'binaniogo iti o.

Efesus 4:15

Meke re, ninobabut inarluetek inobabut hakeneat waganhe dogosak. Akhuni inebe ninakmurogo dogolik, wene eberogonat anek igik, yi meke ti meke hasik hagakhe dogolik, ninululoak ebe Kristus etaiken 'bogokhogon horle dogolik hagakhe lageikhe hak hagakhik, hagakhe dogolik, at obabut waganhe dogosak o.

2 Tesalonika 1:3

Nagarlak lak nerugi. Hit hinetaiken Kristus oba hakotdiluk welagathep meke iti, ageikhe inom kokhogon hakotdigik, hit-hit hinebe dopok nakmu-hakmurogon hagakhethep meke iti, ageikhe inom kokhogonat hinakmurinakhik, hagakhe lagap iti nen, nit nen hit hinobasik Allah hogorasusak mekeat hogorakho motok welago.

1 Petrus 1:23

Allah nen yabokane itakhinakhikhe iti, akhuni watlageikharek meke nen itaginakharek iti hak itakhinakhikhe 'buk. Allah iluk ikhok motok dogolik ane dek asigin dek motok dogogin meke baga itakhinakhikhe o.

2 Petrus 3:18

Ninoe Etagapogot tilninakherek meke obabut hano etnogo nen woknisekherek meke iti waganhik, ebe hinilu ageik, hagakhe dogolik, hinetaiken horle atluk dogono. Yogotak ya men, yabokane men, at Yesus Kristus arligat hogorakho motok dogouok o, iluk, “Amin,” igi iti.