1 Petrus 2:19 - ALLAH ANE WENW KET MEKE WAROGO WOKNINAKHIKHE WENE

¹⁹ Hit nen weak ageikhe hagakhidekmaat he, hinougi nen yi aik ti aik hagathinakho korlek, hinakla nen, “Allah akla warlok meke hagasusak,” iluk hutdiluk, hinetaiken thebekhogon hinobakhanini hapugutdiluk dogogun halok he, at nen hanothinabigin o.

1 Petrus 2:19 ပူးပေါင်းရင်းမြစ်များ

Lukas 6:32

Nen, it ap inakmuthinakharek meke anek hit nen hinakmurinakhep halok he, Hano, iluk yokhisagun a? It akhuni weak hagakharek meke nen itithogon inakmurinakharek meke, it nen meneke, inakmurinakharegat.

Yohanes 15:21

Itithogon mekeat he, it nen, at an la'ani ageikhe meke etnogo ebe inokodek iti nen, It yi at agarumi, iluk, wene yokhisigi iti tha'bokhogonat hagathinabugun o.

La'isasikhe 11:23

At Barnabas iti, obabut hano dogolik, etaiken Yesus oba hakotdiluk motok werekma, Allah Agoreke akla kerlekhogon welageikhe iti nen, la'i agoukhama, wageikhesik ileken hisalok, akla nen, “Allah obabut hano nen hano hagarinakhemo werek higi,” iluk akla arleken akhasikhe. Akla arleken akhasikhesik, “Hit tha'bokhogonat hinetaiken ninoe Etagapogot oba hakotdiluk, at hinom hunigat motok dogono o,” iluk inasuk wakhikhe. Inasuk wakhe lageikhemo, akhuni doalegat, ninoe Etagapogot werekma dapuldiluk inebe wiak-wayakhogon hagatlagoukha.

Roma 13:5

Halok he, it inane hologo hagasusak o. Thogotdusak erlok dek o. Allah akla aga dageinogo iluk, inane hologo hagasusagat meke re, iti baga anek inane hologo hagasusak 'buk. Hinakla akin dek the dogouogoluk, it inane holek hagasusagat o.

1 Korintus 15:10

Itithogon usak erlok dek mekeat, Allah obabut hano nen nayoko 'bisikhemo yigithogon agagisik welagei o. Nayoko 'bisikhe iti we yugunat 'bisikhe dek iti nen, it aperek tha'bokhogonat yabu herlekha'bugat hakene waganhe korlek, an anek he, doalegat hakene waganhe lagei o. Meke re, itithogon waganhe lagei iti, an nen waganhe lagei 'buk. Allah obabut hano nen, nipisagat dogolik waganiogo o.

2 Korintus 1:12

Nit hogorakhekhe lago iti, ebe yigithogon nen. Nit it akhuni agat oba meke aperek inaklake inaklake dogolik, it inobasik hagakhe lago, herlekha'bugat negen. Meke re, hit hinobasik anek kokhogon hagakhe lago. Iti akhuni agat oba meke inakla kagalek meke hagakharek hak hagakhidek. At Allah obabut hano etnogo nen, ninetaiken hano opakiat dogolik hagakhe dogoagaluk ninobabut woknisasikhemo hagakhorek meke iti ninakla ebekhe dogolik, “Nit hano hagakhe lagoma,” iluk hogorakhekhe lago iti o.

2 Korintus 8:1

Nagarlak lak nerugi. At Allah obabut hano etnogo nen a'buri o Makedonia meke yoma inobabut hano hagarinakhemo hagakha meke hinilurogo yokhisak.

2 Timotius 1:12

Itithogon la'ani ageikhemo nekhe lagei iti nen, it akhuni nen yi aik ti aik hagatnakho korlegat, netaiken ebe nilu meke oba hakokthek welagei, iluk nekarli ageidek, nakla pugat welagei. At nen he, “An meke yi haknarik dogono. Haknarik werekma, hurli an nebeat wisigin o,” iluk, noba 'biluk nayoko 'bisikhe meke iti, ekaerek obatne baga erlok haknarik dogogin o, iluk nakla nen hutdekhe lagei.

Ibrani 10:2

It 'bogokhogon horinabilepma, “Nit weak hagakho,” iluk inakla akin dogolik, wene munini ebekhe lagoukha meke iti, dek atluk nen, inako warogo Allah wogosi aga dogolep dek o.

1 Petrus 2:20

Mekeat he, hti nen weak hagasugun oba, oko tugi hinakho korlek, hinetaiken thebekhogon hinobakhanini hapugutdiluk dogogun halok, hogothinabusak nogo? Dek o. Hinobabut obaat usak o. Mekeat he, hano hagakhunem, yi aik ti aik hagathinakhe korlegat, hinetaiken thebekhogon hinobakhanini hapugutdiluk dogogun halok he, Allah obabut hano nen hanothinabiginat o.

1 Petrus 4:15

Mekeat he, it aperek nen akhuni inakhik, iniki abusak waganhik, weak hagakhik, it aperek inayabu meke thebelogo hagakhik, hagakhunem, yi aik ti aik inoba agarek iti hak, hit itithogon hagakhunem hinoba asunogo.