1 Petrus 2:1 - ALLAH ANE WENW KET MEKE WAROGO WOKNINAKHIKHE WENE

¹ Iti nen, hit weak hagakhe lagap meke iti motok here'isalok dogono o. Akhuni aperek nukhetdisigik, hinetaiken pere hagakhik, ua palhik, hinekalat nen akhuni aperek inabok weak palhik, hagakhe lagap iti, here'isekhe dogono o.

1 Petrus 2:1 ပူးပေါင်းရင်းမြစ်များ

Matius 15:7

Hit hinoado baga anek hano thalek dogolik hinetaiken pere yi re! At Yesaya nen Allah ane yogeisekhe dogolik wene men isikhe iti, hit hinobasik mothogon isikhe higi,

Matius 23:28

Iti hakene, akhuni nen hit hinoado itikmanke yi 'bithisugunem hano apiliogei mekeat he, hinetaiken pere dogolik, hinakla yi weak ti weak hagakhethep iti meke motok kerlek welagap iti nen, eiye! Allah weagathinabigin o!

Matius 24:51

Itithogon werekma oe etnogo witluk nen, at atuaneke etnogo karok oba ebe motok obakha 'bogokhogon warogo, it akhuni inoado baga anek hano thalek inetaiken pere dogolik hagakharek meke la'isekherekma etoma la'isaumo, etoma dogolik, aik kirlidik mak-mak hagakhe dogolik, di ago de ago hagakhe dogogin o,” iluk yogeisasikhe.

Matius 7:5

Hinoado baga anek hano thalek dogolik hinetaiken pere yi re! Hinekaerek hinilekenma o palek kok meke iti tak wokhakhalok nen, hinileken arat lia aga halok he, yabokane hinagarlak lak hinerugi inilekenma amumuleke werek meke iti erlok wokhausak o,” iluk yogeisasikhe.

Markus 12:15

at Yesus nen, “It ap yi an nukhetdanuogoluk inane 'bitokhogon yoknekha,” iluk inobabut ekagat palhikhesik nen, men yogeisasikhe, “An nobabut paluogoluk egep iti nenaluk. Uang perak yabu iniki opaki hasik hagakhunem iniki oko wogeisegarek etnogo meke ageikhe nileken hak nen, wagani lani o,” iluk yogeisasikhemo,

Lukas 11:44

Hit hinebe re, men hakene welagap. Akhuni watlagunem agatma thalinakharethek, inetai ekerlogo hurli 'bigidek here'isegarekma, akhuni inokodek dogolik inisok nen thebelogo 'bilik lageikharek hak, hit itithogon weak werek korlegat, akhuni inokodek dogolik hinom welagathep iti nen, eiye! Allah nen weagathinabigin o,” iluk yogeisasikhe.

Lukas 12:1

Wene itithogon isi korlek, akhuni motok doalek-harluadek natogosi agoukhama, inebe motok kirlik-kerlekhogon nen, it aperek nen it aperek inisok ukut nen al debelogo 'bilik lagoukha. Itithogon hagakhe lagoukhama, at Yesus nen at agarumi ane waganhe lagoukha meke emenogo wene men tak yogeisasikhe, “Ap Farisi meke inobabut he, eken roti hisuagaluk, akla usakharek meke iti hakene dogolik, inoado baga anek hano thalek, inetaiken pere iti nen, weagathinabinogo iluk, hinobabut hebelogo dogono.

Lukas 6:42

Hinekaerek hinilekenma o kok meke palek harokthek werek iti higidek dogoligat, hinagarlak lak hinerugi iti yogeisekhe dogolik, Amumuleke hilekenma ukekhe meke iti wokheak o, iluk usak apegep? Hinoado baga anek hano thalek hinetaiken pere welagap yi re! Hinekaerek hinilekenma o palek kok meke harokthek werek iti tak wokhakhalok nen, hinileken arat 'bekelaga halok he, yabokane hinagarlak lak hinerugi inilekenma amumuleke werek meke iti, erlok wokhageinat o,” iluk yogeisasikhe.

Yohanes 1:47

Itithogon yogokhikhemo, at Natanael Yesus oba wisigiluk wagunem, at Yesus ileken lakhalok nen, at abok men yogeisasikhe, “Ap ithi ebe Israel meke eberogonat meke. Ane pere ekherek motok dek meke ithi lakhani o!” iluk yogeisasikhemo,

Roma 1:29

Itithogon hagarekhe dogolik, it inakla nen yi weak ti weak, yi korlo ti korlo, kerlekhogon dogolik, inamikmak weak hagakhik, akhuni weagarinakhik, hagakharek. Hagakhe dogolik, akhuni inoba ua palhik, inebe inakhik, wene tauk ageik, akhuni dalinakhik, wene eken 'biluk welageik, hagakharek iti mekeat inakla motok kerlek welageikharek. Inabok limago nabok-habok igik,

1 Korintus 14:20

Nagarlak lak nerugi. Wene hinakla ebekhe lagap iti, yekerugi inakla ebekharek hak ebekhe dogogup. Keritago meke nen weak hagakho inokodek welageikharek hak dogolik, hinetaiken inarlue inetaiken hakene horlerogon dogono.

1 Korintus 5:8

Halok he, pesta Paskah neke dogolik, roti eken hikherek meke akla kolakhidek meke nekarek hak, nit weak hagakhik, param hagakhik, hagakhe dogosak dek o. Ninetaiken opakiat dogolik, eberogonat meke anek hagakhe dogouok o.

2 Korintus 12:20

An yabokane hinoba wisigin iti witluk nen, an nen, “It inobabut hano werekma ligin,” iluk apekhe lagei hak, dek. Weak werekma 'bithisa ageik, nen, hit nen, “At Paulus obabut hano,” iluk egethep hak, dek. Weak dogolik 'bithisa ageik, hagasunogo iluk, nelabut hiriogo. Hit-hit hinom wene yakhik, ua palhik, hinakla aga dageigik, hinekaerek hasik anek hagakhik, inabok weak thelekma palhik, limago palhik, hinekaerek nen hogorakhigik, yugunat-yaganat hagakhik, hagakhunem an wisusak iti, nayuk.

Efesus 4:31

Inane puk weak igik, inakla aga hetperigik, inakla aga dageigik, wene oko-oko yakhik, inekalat inabok weak palhik, egarek meke iti here'isekhe dogolik, weagarinakharek meke inom tha'bokhogonat here'isekhe dogono o.

1 Tesalonika 2:3

Wene yokhisekhe dogolik hinasuk wakhe lagagu iti, hit nuk asuagaluk korlo wene yokhisigik, ninetaiken pere dogolik yokhisigik, ninane 'bitokhogon yokhisigik, ekhe lagagu dek o.

1 Timotius 3:11

Iti hagat he, it iti inagugi inalaga isonhogo hagakhe dogolik inahusupi weak ilik nekharek dek meke halok, weak hagasuagaluk inakla kagalhunem inetaiken inekaerek nen therogo welageikharek meke halok, inobabut mothogon hagakharek meke halok, inobabut iti hakene halok, inaguni yomageisegarek meke dogoagaluk meldisausak o.

Titus 2:3

Iti hagat, it humi inarluetek meke iti, akhuni Allah apma dogolik, inobabut mothogon hagakharek hak, hagakhe dogolik, akhuni aperek nen inabok weak palhidegat, inougi koktek inapma welageikharek hak, i anggur eken apusu apma negen dogolik, inoba la'buk nekarek itithogon nikidegat dogolik, it nen it aperek hanorogon hagakhe dogosak hasik, yakulisekhe dogoagaluk inasuk wakhe dogonoat o.

Ibrani 12:1

It akhuni alebageik hagarik wagoukha meke inabok ilik wago iti, inebe doalegat ninaliluke dagakhogon inileken laknisik werek iti nen he, tha ae 'busuk tha ae 'busuk luogoluk yi meke ti meke inoba akin meke nokorlogo here'isalok lageikharek iti hak, nit ninoba akin weak irluk-marlukhogon welagarek meke iti inom, ninobabut weak hagakhorek meke ninoba dekelek motok welagarek meke iti inom, tha'bokhogonat nokorlogo here'isalok, Allah nen, “Hurli iti hurli lano,” iluk yoknisasikhe iti, ninakla nen, “Ninelokhoma piokhogon hurli iti bagaat luok,” iluk, ninobatnerogon laga dogouok o.

Yakobus 1:21

Iti nenat, yi weak ti weak hinekarli dek hagarik nekhethep meke iti here'isigik, weak kogat hagarik nekhe lagap meke iti here'isigik, hagakhe dogono o. Wene hano wene Allah nen hinakla ai yago 'bisikhe meke iti baga erlok tilhinabusak iti nen, hinetaiken thebekhogon at apma ukiluk, at nen wene hinakla kagaliogo meke iti waganhe dogono o.

Yakobus 3:14

Meke re, hinakla korlo atluk ua palhik, hinekaerek hasik anek ebekhik, hagakhe dogolik, hinekaerek nen, “An hano,” iluk hogorakhekhe dogogup o. Itithogon hagasugun halok, Allah ane ebe wene iti meke thagalogo hinekalat nen ugun iti usak degat o.

Yakobus 4:11

Nagarlak lak nerugi. Hit-hit hinabok pal-pal ekhe dogosak dek o. Hinagarlak lak hinerugi aperek inabok palhik, wene inoba 'bigik, hagakhep halok he, wene Allah nen ninasuk wakhikhe wene etnogoat weak iluk u hagat, ekhe lagap iti o. Nen, wene iti weak iluk ekhe lagap halok, wene iti hinasuk hologo hagakhe lagap 'buk. Hit nen he, “Wene iti weak. Ebe hano itithogon usak meke isikhemo,” iluk u hak ekhe lagap iti o.

Yakobus 4:5

Haganeat wene Allah ane ageikhe holal waganogo 'bekhe dogolik, men isukha, “Humi inakmurogon dogolik irlirli waganek motok welageikharek iti hak, Allah nen Agoreke ninakla 'binanhikhemo ninebe akmurogon dogolik, ninirlirli waganogo haknisik welagarek,” iluk holal waganogo 'bisukha iti, hit hinakla nen he, “We yugunat isukha,” iluk apekhe lagap a? Yugunat isukha dek o.

Yakobus 5:9

Nagarlak lak nerugi. Itithogon therogo dogolik, Allah nen wene hinoba 'binogo iluk, hit-hit ekhe dogolik, “Nagarlak iti hagariogo na'it o,” iluk inabok palhidek dogono o. At Allah nenat wene akhuni inoba 'bigik, kokhik, hagasigin iti holagapema horok asi aga iti 'bikhani!

1 Petrus 2:16

Itithogon dogolik, hit nen, “Nit weak meke apma werekma, Allah nen herle hisalogo ninasokneat 'binanhikhemo welago,” iluk, weak ageikhe limago hagakhe dogogup. Hinobabut Allah atuaneke dogolik hagasusak meke mothogonat hagakhe dogono o.

1 Petrus 2:22

At nen, “Weak ageikhe hagakhidegat. Nen, ekalat isinem, akhuni aperek inasuk holhidegat o.”

1 Petrus 3:10

Wene iti hasik men isukha, “Akhuni inobabut ninopase Etagapogot akla warlok apekherek meke mothogon hagariogei meke, at ileken inoba dogolik, sembayan ayoko 'bisinem inane asuk holherek o. Mekeat he, it weak hagariogei meke, elokhoken ageage dageikherek o. Iti nen, tha nen, An niluk ageikhe inom dogole, hibiku-yogokuat hano meke anek hagatlagunem hekhe dogole, iluk dogou warlok halok he, a'bi baga weak wene igidek welageik, ape baga nen ekalat akhuni aperek nukherinakhidek welageik, weak meke oporlike here'isalok hano meke anek hagakhik, obabut akhuni aperek inom dapukhogon hano welageikharek iti meke kogotdiluk obatnerogon mutluk lageik, hagakhe dogosak o,” iluk Allah ane baga holal waganogo 'bisukha.

1 Petrus 4:2

Iti nen, hit nen akhuni yi meke ti meke warlok nen inetaiken nen nekerek iti meke here'isalok, hurli yogotak hurli nen, agat oba yoma hiniluk dogolik Allah akla warlok apekherek meke iti anek hagakhe dogono o.

1 Petrus 4:4

Itithogon hagakhe lagagip mekeat he, yogotak hit hinobabut it weak warlokhogon motok yugunat-yaganat hagarik lageikharek iti hak hinom hagakhidek thogotdekhe lagap iti nen, hit hinabok weak paliogei iti.