1 Petrus 1:8 - ALLAH ANE WENW KET MEKE WAROGO WOKNINAKHIKHE WENE

⁸ Hit nen alebat, at ebe hinileken higidek mekeat he, ebe hinakmu welagap iti o. Itithogon dogolik, yogotak ya hinileken higidek mekeat he, hinakla nen, “Yabokane hano motok hagatninabigin,” iluk hinane baga nikithogon pilinogo usak heat dogolik, hinakla arleken motok akhekhe lagap iti o.

1 Petrus 1:8 ပူးပေါင်းရင်းမြစ်များ

Matius 10:37

Nen, an he, hina'it negen apekhe dogolik, hinagosa hinopase lak hinakmu welagap halok he, an nagarumi asusak motok dek o. Nen, an hina'it negen dogolik hina'buri elege inom, hina'buri homagarlugi inom, hinakmu welagap halok he, an nagarumi asusak motok degat o.

Yohanes 14:15

At Yesus nen wene itithogon warisasikhesik nen, wene ageikhe men yogeisasikhe, “Hit an hinetaiken hunik halok he, an nen hit yigithogon hagakhe dogono, tigithogon hagakhe dogono, iluk yokhisekhe lagei meke iti hagakhe dogogun o.

Yohanes 14:21

At tha nen, an nen, yigithogon hagakhe dogono, tigithogon hagakhe dogono, iluk yokhisigi meke iti, nane hologo hagakherek halok he, an nebe etaiken hunik meke at itiat o. Nen, nopase nen at iti etaiken hunigat o. Nen, an nen at iti netaiken hunik dogolik, nebe hutdanuagaluk yakulisigin o,” iluk yogeisasikhemo,

Yohanes 14:24

Nen, at tha nen, an etaiken hunik dek halok he, an nane hologo hagakherek dek itiat o. An nane hit holhe lagap iti re, an nane meke 'buk. An nopase la'ani ageikhe meke etnogo aneat o.

Yohanes 16:22

Hit itithogonat. Yogotak hinakla weak welagap meke re, yabokane an ninom abuk asugun itinem, hinakla arleken kogat akhgun o. Nen, hit hinakla arleken iti, it akhuni aperek nen degetdugun motok dek o.

Yohanes 20:29

at Yesus nen, men yogokhikhe, “Hat he, hileken arat neegetik nen eberogonat iluk hetaiken noba hakotdegen. Itithogon meke re, it akhuni aperek inileken niigidek mekeat he, inetaiken noba hakotdugun halok he, inakla arleken akhagun o, iluk eberogonat yokhikhi o,” iluk yogokhikhe.

Yohanes 8:42

at Yesus nen he, men yogeisasikhe, “Hit hinopase Allah eberogonat dogolepma re, an nebe erlo Allah mekeat wagagisik welagei iti, an hinakmurogon dogolep o. An nabusagat nakla apalok wagagi 'buk. At nenat la'ani ageikhemo wagagi o.

La'isasikhe 16:34

Ima usa'inakhukhama, at Paulus Silas ipisak at kok etnogo nen aila wogosik lageikhesik nen, hipiri melageisasikhe. Melageisasikhesik, at a'buri inom tha'bokhogonat nen inetaiken Allah oba hakotdisukhasik nen, inakla arleken akhasukha.

Roma 15:13

“Yabokane hano asigin,” iluk ninakla arleken akhogorek iti, erlo at Allah nenat hagatninakherek. Hit itithogon hinakla arleken kokhogon akhekhe dogoagaluk Allah Agoreke obatne baga hagathinabuak. Itithogon hagathinabuak nen, hinetaiken at oba hakotdisigip iti baga hakotdiluk werekma, at nen hinakla arleken motok akhekhe dogoagaluk hagathinakhik, hinetaikek hapugutdinagagik, hagasuak o.

1 Korintus 16:22

At ageikhe nen, ninoe Etagapogot akmu dek halok he, Allah nen at iti ebe homan 'buak o. Meke re, ninoe Etagapogot ibat eme o, u hak, Maranata, iluk igi iti o.

2 Korintus 4:18

Nit he, yi meke ti meke ninileken hogorek meke iti dek asigin meke re, ninileken hogorek dek meke iti ikhok motok dogogin iti nen, ninileken hogorek meke iti hasik ninaporoak thebe iluk hagakhidek, ninileken hogorek dek meke iti hasik ninaporoak thebe iluk yabu hagakhe lago o.

2 Korintus 5:7

Nit he, ninileken hekhe lago meke yoma oba hakotdiluk welago 'buk. Ninetaiken at Yesus oba hakotdiluk welago.

2 Korintus 9:15

At Allah nen hano motok nit nen pilinerogo usak erlok dek meke woknisasikhe iti hasik khogorakhe dogouok o.

Galatia 5:22

O eken ikherek hak, Allah Agoreke akhuni inakla dogolik inobabut hagakharek ebe yi. Akhuni aperek inebe inetaiken hunik welageik, inakla arleken akhigik, inetaiken hapukhogon welageik, inobabut inobakhanini hapugutdiluk welageik, inobabut enago welageik, inobabut hano welageik, inobabut dopokhogon welageik,

Galatia 5:6

Iti nen, nit Kristus Yesus ninom hunik dogolik, ninoado aperlagap palek meke dek, it aperek palek dek meke dek, ipisak tak-tak welago. Halok he, iti hasik penasusak dek. Kok he, ninetaiken Kristus oba hakotdiluk dogolik, akhuni ninakmurinakhorek iti baga ekagat ariogo.

Efesus 6:24

Hit ninoe Etagapogot Yesus Kristus kolelogo here'igidek, hinakmu motok dogogun meke tha'bokhogonat, Allah obabut hano etnogo nen hakhisik dogoak o.

Filipi 1:25

An wene iti hasik hutdiluk, dogogin, iluk nilu o. Hit hinetaiken Allah oba hakotdiluk dogolik, horle ageik, hinakla arleken akhigik, hagakhe dogobageik nen he, hit hinebe tha'bokhogonat ninom dogogunat o.

Filipi 3:3

Nit he, ninoado aperlagap meke arat palek dogou hak, ebe meke hagakhe lago. Allah Agoreke nen ninakla kagalho korlek, Allah ebe hogorakhik, Kristus Yesus ninom hunik welago, iluk, hogorakhigik, hagakhe dogolik, yi wene ti wene ninoado itikmanke yi hasik hagakhorek iti baga hanotninabigin iluk apekhe lago dek o.

Filipi 4:4

Halok he, nagarlak lak nerugi. Hit ninoe Etagapogot hinom hunik dogolik, hibiku-yogokuat hinakla arleken akhasi motok dogono. Yabokane nane ageikhe dagakhogon yokhisagat, Hinakla arleken akhasi motogat dogono.

Ibrani 11:1

Inetaiken Allah oba hakotdiluk welageikharek iti ebe yigithogon. “Hano asigin,” iluk eberogonat apigik, “Yi meke ti meke ninileken nen higidek mekeat he, eberogonat weregat o,” iluk hutdigik, hagakharek itiat o.

Ibrani 11:27

Itithogon apasikhesik nen dukhisikhesik, etaiken Allah oba hakotdiluk, “Ap kok Firaun akla aga dagousak iti nayuk o,” iluk akla apigidegat, Allah ebe ninileken hogorek dek meke iti ileken hekhe dogolik negen, “Netaiken at oba hakotdigirikmo iti, dukhiginat o,” iluk o Mesir here'isalok dukhi ageikhe iti.

1 Petrus 1:6

Iti nenat, yogotak ya, Allah nen hinobabut paligiluk hagakhe korlek, hinoba akin-pakinhogon hekhe dogolik, elanma hasik hinakla weak ariogo mekeat he, hinakla arleken akhekhe dogono o.

1 Petrus 2:7

Hit hinetaiken at oba hakotdiluk welagap meke nen, “At hano motok,” iluk hutdekhe lagap iti. Mekeat he, it aperek inetaiken at oba hakotdigidek meke inobasik anek he, men isikhe, “It ap tukang o helekit meke halharek meke nen, o ebe halhe dogolik, Helekit yi weak, iluk here'isega meke iti herlaga hagatlaga yi,” iluk isikhe.

1 Petrus 5:4

Itithogon hagakho werekma, ninoe kok adomba iteerek etnogo witluk nen, “Hano motok hagakhe lagapma,” iluk oko kare-kare mitago a'bi'baleak dek asigin dek meke wokhisagein o.