1 Petrus 1:6 - ALLAH ANE WENW KET MEKE WAROGO WOKNINAKHIKHE WENE

⁶ Iti nenat, yogotak ya, Allah nen hinobabut paligiluk hagakhe korlek, hinoba akin-pakinhogon hekhe dogolik, elanma hasik hinakla weak ariogo mekeat he, hinakla arleken akhekhe dogono o.

1 Petrus 1:6 ပူးပေါင်းရင်းမြစ်များ

Matius 11:28

Hit hinoba akin-pakinhogo thet weak hagakhe lagap meke iti, an nen hinoba thet korogo 'binagumo thet walubageik nen, noba witni o.

Matius 26:37

Itithogon yogeisasikhesik nen, Petrus men, Zebedeus a'buri inebe pere eranogo men, wogosik lageikhesik nen, akla weak atluk etaiken thebelu'buk ageikhemo men yogeisasikhe,

Lukas 1:47

Allah nen tilnakhe meke etnogo nen yigithogon hagatnakhemo nakla arleken kogat akhekhe lagei o.

Lukas 10:20

Itithogon meke re, it mokat inobabut weak meke nen hit hinane holharek iti baga, hinakla arleken akhugup o. At he, hinetaga pogot oba holal waganek werek iti hasik anek, hinakla arleken akhekhe dogoni o,” iluk yogeisasikhe.

Lukas 2:10

Inayuk agoukhama, at malaikat etnogo nen, men yogeisasikhe, “Hinayuk agup o. Lakhani, hano wene akhuni tha'bokhogonat inakla arleken akhagun meke, yokhisa wagei o.

Yohanes 16:22

Hit itithogonat. Yogotak hinakla weak welagap meke re, yabokane an ninom abuk asugun itinem, hinakla arleken kogat akhgun o. Nen, hit hinakla arleken iti, it akhuni aperek nen degetdugun motok dek o.

Yohanes 16:33

ageikhe men yogeisasikhe, “Hit an ninom hunik dogolik, hinakla hapukhogon dogobageik nen iluk, wene iti tha'bokhogonat yokhisigi o. Hit akhuni agat oba meke nen yi aik ti aik hagathinakhe dogogun o. Meke re, akhuni agat oba meke arat obatne degetdisigima iti, hinayuk dekhogon dogono,” iluk yogeisasikhe.

La'isasikhe 14:22

Alep laga dogolik, akhuni Yesus ane yakulisilik lagoukhama waganhukha meke yabokane inoba haklarik dukhi aga dogolik, inetaiken ago warinakhik, inasuk wakhik, ilik dukhi aga dogolik, men yogeisasukha, “Wene eberogonat iluk hinetaiken Yesus oba hakotdisigip meke iti, hinobatnerogon hakotdiluk dogono. Nit yabokane Allah apma motok dogouogoluk ninoba yi aik ti aik hekhe dogoluk nenat ukugun o,” iluk yogeisilik dukhi agoukha.

Roma 12:12

Hit nen, “Yabokane at Allah nen hano hagasigin werek o,” iluk, hinakla arleken akhalok, yi aik ti aik hekhe dogolik, hinobakhanini hapugutdiluk sembayan thogotdigidek isi motok dogono o.

Roma 5:11

Meke re, iti anek 'buk. Ninoe Etagapogot Yesus Kristus hagakhikhe iti baga, Allah ninom yabokane ninapuke hunogo 'binanhikhemo ninom dapukhogon hano welago iti nen, ninakla arleken akhekhe lago.

Roma 5:2

Nit ninetaiken Yesus oba hakotdisugu iti bagaat, at nen Allah obabut hano nen hanotninakherek iti apma 'binanhikhemo iti baga hakotdiluk welago. Dogolik, Allah hogorakho motok welageikharek iti hak, nit itithogonat hogotninabigin o, iluk ninakla arleken akhekhe lago.

2 Korintus 4:17

Nit yogotak, yi aik ti aik hagatninabiogei iti, elanma hasik herlekha'bugat negen o. Meke re, itithogonat hagatninabiogei iti baga, yabokane hogorakharek meke ikhok motok dogogin meke motok kogat ite asugun o.

2 Korintus 6:10

Ninakla weak dogoligat he, ninakla arleken akhekho motok welago. Yi meke ti meke ninikimo dek mekeat he, akhuni doalegat hano meke inilmo horleak asuagaluk hagatdisekhe lago. Ninameke motok dek mekeat he, ebe meke tha'bokhogonat ite agosik welago.

Galatia 5:22

O eken ikherek hak, Allah Agoreke akhuni inakla dogolik inobabut hagakharek ebe yi. Akhuni aperek inebe inetaiken hunik welageik, inakla arleken akhigik, inetaiken hapukhogon welageik, inobabut inobakhanini hapugutdiluk welageik, inobabut enago welageik, inobabut hano welageik, inobabut dopokhogon welageik,

Filipi 2:26

At akla apekhe dogolik, “An noba u warogo 'banhikhe etnogo, nabok it inasuk holhukhasik nen, nikithogon hagariogei,” iluk, wene munini uan 'bero ebekhe dogolik, “It tha'bokhogonat inoba ligin,” iluk apiliogo.

Filipi 3:3

Nit he, ninoado aperlagap meke arat palek dogou hak, ebe meke hagakhe lago. Allah Agoreke nen ninakla kagalho korlek, Allah ebe hogorakhik, Kristus Yesus ninom hunik welago, iluk, hogorakhigik, hagakhe dogolik, yi wene ti wene ninoado itikmanke yi hasik hagakhorek iti baga hanotninabigin iluk apekhe lago dek o.

Filipi 4:4

Halok he, nagarlak lak nerugi. Hit ninoe Etagapogot hinom hunik dogolik, hibiku-yogokuat hinakla arleken akhasi motok dogono. Yabokane nane ageikhe dagakhogon yokhisagat, Hinakla arleken akhasi motogat dogono.

1 Tesalonika 1:6

Hit yi aik ti aik hagathinakho korlegat, hinakla arleken akhekhe dogoagaluk Allah Agoreke nen hinakla kagalhikhemo, hinakla arleken akhekhe dogolik, hano wene waganhigisip nen, nit ninobabut waganhik, ninoe Etagapogot obabut waganhik, hagakhigip iti o.

Yakobus 1:2

Nagarlak lak nerugi. Yi akin ti akin hinoba agunem hinakla arleken akhekhe dogono o.

Yakobus 1:9

Hit Allah a'buri hinameke dek meke aperek inapma dogolik, “An Allah nen kogotdanhemo welagei o,” iluk hinakla arleken akhausak o.

Yakobus 4:9

Hinakla weak atluk, di ago, de ago, hagakhe dogono o. Itithogon hagakhe dogolik, eto aga lagap meke iti, de aga dogono o. Nen, hinakla arleken akhekhe lagap meke iti, hinakla weak atluk dogono o.

1 Petrus 3:17

Hit weak hagakhunem hinoba yi aik ti aik hinobabut oba hekhe dogogun halok weak. Mekeat he, hit nen hano hagakhunem, Allah nen, “It yi aik ti aik hoak,” iluk apekhe halok anek, hano o.

1 Petrus 4:7

Yi meke ti meke tha'bokhogonat ilugun oba hagatlasigin meke horogat asi aga iluk, sembayan ekhe dogouogoluk, hinetaiken thebekhogon dogolik, hinobabut hebelogo dogono.

1 Petrus 5:10

Werekma, at Allah ebe hogorakho motok dogogun iti hak, hit Kristus hinom hunik werekma hinomat hogothinakho dogoagaluk hinayoko 'bisikhemo, yogotak ya herlekha'bugat anek hinoba yi aik ti aik hekhe dogoluk, yabokane, at obabut hano motok etnogo nen, hinetaiken aban meke thirliphogon hagathinakhik, hinetaiken horlethinakhik, hinobatnethinakhik, hapuguthinakhik, hagasigin o.