1 Petrus 1:4 - ALLAH ANE WENW KET MEKE WAROGO WOKNINAKHIKHE WENE

⁴ Itithogon hanotninakhunem iteerek asugun meke iti, hirli ageidek weak ageidek, dek ageidek, ikhok motok dogogin meke pogot oba ageikhe hit 'binageikhemo werek o.

1 Petrus 1:4 ပူးပေါင်းရင်းမြစ်များ

Matius 25:34

Itithogon hulogo 'bisalok nen, an nebe Netagapogot etnogo nen, it niki ebeke 'bisagein meke iti, wene men yogeisagein, An nopase nen hanothinakhemo welagap. Halok he, witni o. An hipiri abu werekma hit nen melaknikhik, i abu werekma hit nen woknikhik, an ap husoat werekma hit nen woknakhik, nasu ugu dek werekma hit nen i'banhik, u warek werekma hit nen 'bitnea ageik, niki herle warek werekma 'bitnea ageik, hagakhigip iti nen, an nopase nen pogot agat aban walhigidek dogolik, hit kok hinetagapogot dogobageik iluk, wenago 'binageisikhe meke yi horlatni o, iluk yogokhunem,

Markus 10:17

Wene itithogon yogeisalok at Yesus o etoma nen holak piokthek lagaluk lagunem, ap ageikhe pirlirli oba wageikhe. Wageikhesik itibagal yukukhogon apma hureklasi ageikhesik nen, men yogokhikhe, “Guru noe. Wene yakulnisekhe lagan iti, hat hano o. An naburlal-haburlal hagatnabuak nen, an nobabut nikithogon hagakhe dogosak,” iluk yogokhikhemo,

La'isasikhe 20:32

Yogo. Wene Allah obabut hano nen wokninakherek iti wene hiniki a'bethogon hago dogobageik iluk, yokhisigi. Yogotak nen, at Allah obatne werek meke nen, wene iti baga hinetaiken horlethinakhik, yi meke ti meke at ekaerek a'buri wogeisagaluk 'bisasikhe meke wokhisigik, erlok hagasusak meke iki baga 'binagagi o.

Roma 8:17

Nit ninebe Allah a'buri halok he, at Kristus yi aik ti aik hasikhe hak, hugun halok, Allah nen nit Kristus ninomat hogotninabigin iti nen, Allah nen yi meke ti meke at a'buri wogeisagaluk abok yogeisasikhe meke iti, at Kristus ninomat woknisaumo, iteerek dogogun o.

1 Korintus 9:25

Inae dek asunogo iluk, yi meke ti meke here'isalok inekaerek nen inebe karelegarek iti. It nen, kare-kare ibat weak asigin mekeat wogeisoagaluk karelegarek iti. Meke re, nit nen weak asigin dek meke woknisoagaluk yi meke ti meke hasik karelekhe lago.

Galatia 3:18

“Itithogon wokhesigin,” iluk, Abraham abok tak yogokhikhe meke iti, at nen wene Allah nen ninasuk wakhikhe wene etnogo mothogon hagakhe lageikhe baga wogotlepma, abok yogokhikhe etnogo, we oko degat wogokhikhe iluk ilep 'buk. Meke re, Allah obabut hano nen Abraham abok yogokhikhe iti nenat, ebe we oko degat wogokhikhe iti.

Efesus 1:11

At Allah nen, “Yigithogon hagatlasuak, tigithogon hagatlasuak,” iluk akla apekherek tak-tagat yi meke ti meke tha'bokhogonat hagakhunem hagatlagarek iti nen, “It inebe an nekaerek na'buri asuak,” iluk wenago 'binanhikhemo, iteerek agagu iti o.

Efesus 1:14

Allah nen he, “An nen itithogon wokhisagein, iluk abok yokhisasigi meke iti, yabokane wokhisagaluk, Nagoreke alebageik hipiri yukuk meke hakene wokhisasigisik hinebe tilogo wokhinabiginat o,” iluk yoknisasikhe. Itithogon yoknisasikhe iti nen, Allah hogorakho motok welageikharek meke itiat hogorakhe dogouok o.

Efesus 1:18

At nenat hinakla liathinakhunem, hit nen he, “Ninayoko 'bisikhe meke etnogo nen yabokane hanotninabigin,” iluk, hinakla arlekenhogon oba eberek welagap meke etnogo hinilu ageik, yi meke ti meke hano meke hogorakho motok dogogun meke at a'buri woknisagaluk kokhogon hulogo 'binanhikhe meke iti, hinilu ageik,

Kolose 1:12

ninopase Allah heagei wakhik, hagakhe dogosak iti. At ninopase nen, at a'buri aperek hinomat lia baga hinaierek erlok dogoagaluk hagathinakhikhemo welagap iti nen, arat heagei wakhe dogosak iti.

Kolose 3:24

Hinebe ninoe Etagapogot Kristus at apma dogolik, at obasigat hagakhe lagap iti nen, hinakla nen, “Nit hagakhe lago iti hasik, oko at ninoe Etagapogot Kristus nen itetdinanigin werek o,” iluk, hinakla hutdiluk dogono.

2 Timotius 4:8

Akhuni inae walhugunem, inae 'busuk asugun meke oko hano meke wogeisegarek hak, an nebe arat lagunem, ninoe Etagapogot nen ukum ninoba 'bigik, kokhik, tak-tagat hagasigin itinem, at nen he, “Hat morat hano hagakhe laganma,” iluk, oko kare-kare mitago negen ageikhe woknisigin werek o. Meke re, an anek woknisigin 'buk. It aperek inakla nen, “Yesus wetnek o,” iluk, warlok nen therogo welageikharek meke tha'bokhogonat ninom woknisageinat o.

Ibrani 10:34

it aperek herle warogo kola'isugunem hinakmurinakhik, hagakhe lagagip iti o. Itithogon hagakhe dogolik hinakla nen, “Nit meke hano motok dogogin meke werek o,” iluk apekhe dogolik, hit meke yi meke ti meke horlugunem hinakla weak ageidek hinakla arleken akhekhe lagagip iti.

Ibrani 9:15

Iti halok he, wene warogo alebageik wokninakhikhe meke iti baga dogolik, nit ninasuk warek dek weak hagakhe lagagu iti baga ninebe herle warek hakene welagagu meke. Itithogon werekma, at Allah nen Kristus watlageikhe iti baga herle hialninakhikhesik, nit at nen wanisasikhe meke ninom hundiluk, hano ikhok motok dogogin meke woknisagaluk, wene ket meke warogo wokninabiluk, Kristus ebe turlem heisogo meldisikhe.

1 Petrus 3:9

Akhuni aperek nen hit weak hagathinakhunem, hit nen oko weagarinakhup o. Nen, inane sagun weak yokhisugunem, hit nen oko hinane sagun yogeisugubat o. Oko re, Allah nen inebe hanorinabuagaluk, ayoko 'bekhe dogono. Yabokane at nen hano meke wokhisagaluk hinayoko 'bisikhe iti nen, hit nen oko hano meke wogeisekhe dogono.

1 Petrus 5:4

Itithogon hagakho werekma, ninoe kok adomba iteerek etnogo witluk nen, “Hano motok hagakhe lagapma,” iluk oko kare-kare mitago a'bi'baleak dek asigin dek meke wokhisagein o.

A'bikaka 21:27

Itithogon ukekhe dogogun mekeat he, akhuni weka inalilo meke hagakhik, inekalat igik, hagakhe dogolik inoba horinakhidek meke o etoma ukekhe dogogun motok dek higi. Itithogonat mekeat he, it aperek iniluk motok dogoagaluk hanorinabigin meke inetaga Domba Eak aruesika baga holal waganek meke anek o etoma ukekhe dogogun higi o.