1 Petrus 1:3 - ALLAH ANE WENW KET MEKE WAROGO WOKNINAKHIKHE WENE

³ Ninoe Etagapogot Yesus Kristus opase Allah etnogoat hogorakhe dogouok. At Allah ninebe akmu motok nen, Yesus Kristus watlageikhesikmo nen ilugutdisikhe iti baga nit ninilugutninakhikhe iti. Ninilugutninakhikhemo dogolik, ninakla nen he, “At nen, yabokane hanothinabigin, isikhe iti tagan-hagan asigin dek,” iluk ninakla arleken akhekhe lago.

1 Petrus 1:3 ပူးပေါင်းရင်းမြစ်များ

Yohanes 1:13

Iterinakhikhemo, at a'buri agoukha iti, akhuni ina'buri itaginabu warlok nen inamep meke dogum walogo itaginakharek iti hakene 'buk. At Allah nenat itaginakhikhe o.

Roma 12:12

Hit nen, “Yabokane at Allah nen hano hagasigin werek o,” iluk, hinakla arleken akhalok, yi aik ti aik hekhe dogolik, hinobakhanini hapugutdiluk sembayan thogotdigidek isi motok dogono o.

Roma 15:13

“Yabokane hano asigin,” iluk ninakla arleken akhogorek iti, erlo at Allah nenat hagatninakherek. Hit itithogon hinakla arleken kokhogon akhekhe dogoagaluk Allah Agoreke obatne baga hagathinabuak. Itithogon hagathinabuak nen, hinetaiken at oba hakotdisigip iti baga hakotdiluk werekma, at nen hinakla arleken motok akhekhe dogoagaluk hagathinakhik, hinetaikek hapugutdinagagik, hagasuak o.

Roma 4:25

At Allah nen, nit at ane thagalogo thogotdisalok weak hagakhe lago iti nen, Yesus ebe akhuni nen wasuagaluk usa'i ageikhemo ebe wakhukhama, yabokane, “Wene hit hinoba meke korogo wokhigi,” iluk, at ninom ninapuke hunogo 'binageiluk ilugutdisikhe iti.

Roma 5:10

Nit alebageik he, Allah ninom wim palek werekma, yabokane at a'but watlaga dogolik, Allah ninom dapukhogon 'binanhikhemo welago. Itithogon werekma, at ebe iluk dogolik, tilninabigin dek nogo? Alebageik tilninabusak dekma tilninakhikhesik nen, yogotak ninom hunik dogolik, tilninabiginat o.

Roma 8:11

At Allah nen, Kristus Yesus watlageikhesikmo ilugutdisikhemo, at Agoreke hinakla dogolik, hinebe itikmanke watlagathep meke yi hiniluguthinabiginat. Iti re, at Agoreke nen Kristus ebe watlageikhesikmo ilugutdisikhe etnogo hinakla welagarek iti nen hiniluguthinabigin o.

Roma 8:24

Itithogon hagatninabigin o, iluk ninakla apasinem, Allah nen tilninakhikhemo welago. Meke re, tha hak nen “Yabokane itithogon hagatlasigin,” iluk akla apasi werekma, ebe arat hagatlagunem ileken halok nen, yabokane akla apasiat dogosak nogo? Itithogon aperek welageikharek dek iti nen, nit nen, “Yabokane itithogon hagatlasigin,” iluk apekhe lago meke iti, ebe arat hagatlagunem nen, ninileken hogo halok he, ninakla apasi motogat dogosak dek o.

1 Korintus 13:13

Motok dogogin he, ninetaiken Allah oba hakotdiluk welagorek iti inom, hano asigin iluk ninakla arleken akhogorek iti inom, akhuni inebe ninakmurogon welagorek iti inom, wene ebe henagan etaat motok dogogin. Meke re, ebe kogat hakene re, akhuni inebe ninakmurogon dogosak itiat o.

1 Korintus 15:20

Itithogon mekeat, at Kristus watlageikhesikmo, Allah nen eberogonat ilugutdisikhemo werek o. Itithogon ilugutdisikhe iti, hipiri ebekeram yukuk meke tak itakharek iti hak, it watlagoukha meke, at Kristus tak ilugutdisikhe iti o.

2 Korintus 1:3

Ninoe Etagapogot Yesus Kristus opase Allah iti hogorakhe dogouok o. At ninopase Allah obabut hanoma, a'buri yi meke ti meke hasik inakla weak werekma akmurinabiluk inetaiken thebelinakherek.

Galatia 6:16

An wene hinasuk warogo yokhisigi meke yi, mothogon hagakhe dogogun meke, Allah nen, “An na'buri Israel mekeat o,” iluk, at nenat hinetaiken hapukhogon 'binagagik, hinebe akmuthinakhik, hagakhe dogoak o.

Efesus 1:17

Hit hinobasik he, ninoe Etagapogot Yesus Kristus opase Allah hogorakho motok welageikharek meke etnogo nen, hinakla motok kagalek meke wokhisigik, at ebe hutukhogon hutdubageik nen yakulhisigik, hagakhe dogoak nen iluk, Agoreke wokhisoagaluk ayoko 'bekhe lagei.

Efesus 1:3

Ninoe Etagapogot Yesus Kristus opase Allah itiat hogorakhe dogouok o. Nit Kristus ninom hunik werekma, at Allah nenat hano meke tha'bokhogonat ninetaiken hasik pogot oba nen woknisasikhemo welago.

Efesus 1:7

Itithogon woknisasikhemo, ebe amep ulabogo wakhukha iti baga, ninoko palogo tilninakhik, nit weak hagakhe lagagu meke degetdisigik, hagakhikhe iti o. At Allah akla kagalek dogolik ninebe hutdinanhikhesik, obabut motok hano etnogo nen, ninebe kokhogon akmutninakhikhe iti o.

Efesus 2:4

Itithogon weagatninabigiluk welageikhe mekeat he, yabokane at obabut hano motok nen, kokhogonat akmutninakhikhe.

Efesus 3:20

At Allah at hogorakhe dogouok o. At ebe ninakla dogolik obatnerogon hagatninakherek iti motok kogat iti nen, nit nen ninakla ebekhik, kino yogokhik, ogorek meke tak-takhogon hagakhidek, ageikhe inom kokhogon hagatninakherek iti.

Kolose 1:23

Halok he, hano wene hinasuk holhigisip hinakla nen, “Yabokane hano asigin,” iluk, apasigip meke iti, hinetaiken aborlok iluk kolelogo here'igidek hinobatnerogonat hago dogono. Hano wene iti, at nen yi ai ti ai akhuni inebe tha'bokhogonat yogeisasikhe wene iti yogeisilik nekhe dogoagaluk, an Paulus nayoko 'bisikhe iti.

Kolose 1:27

At Allah akla nen he, it akhuni itikmanke meke tha'bokhogonat hano motok hagarinabigin wene iti kokhogon hogorasusak mekeat apasikhesik nen akla limago welageikhe meke, at a'buri halok thelekma pakhogon yogeisagaluk isikhe. Wene iti ebe re, Kristus hit hinakla werek halok, yabokane hanothinakhunem, hogothinabugun itiat o.

1 Tesalonika 1:3

Ninopase Allah il oba sembayan itithogon ekhe dogolik, hit hinetaiken Allah oba hakotdiluk dogolik hagakhe lagap meke inom, akhuni aperek hinakmurogo dogolik, hinobatnerogo yomageisekhe lagap meke inom, hinakla nen, “Ninoe Etagapogot Yesus Kristus nen hano hagatninabigin,” iluk hinebe hinobakhanini hapugutdiluk welagap meke inom, nit nen hit hagakhe lagap meke iti hasik obarlikmatdigidek, eberek motok welago.

1 Tesalonika 4:13

Nagarlak lak nerugi. It akhuni aperek nen, “Hano hagatlasigin,” iluk inakla nen hutdigidek dogolik he, akhuni watlagunem inakla weak ariogo iti hak, hit itithogon hinakla weak aga dogunogo iluk, wene akhuni watlariogei meke iti hasik hinokodek dogosak iti na'it. Hinilu asubageik iluk hutukhogon yokhisak o.

2 Tesalonika 2:16

At ninoe Etagapogot Yesus Kristus, ninopase Allah ipisak inobabut hano etnogo nen, inakmutninakhukhasik, ninetaiken aborlok dek motok dogoagaluk ago watdinanhik, hano asigin iluk oba eberek dogoagaluk ninakla kagalhik, hagakharek o.

1 Timotius 1:14

Iti, at ninoe Etagapogot Kristus Yesus obabut hano nen kokhogon akmutnakhikhesik, nobabut at inom hunik dogolik hagakharek hagat, netaiken at oba hakotdigik, akhuni aperek nakmurinakhik, kokhogonat hagakhe dogoagaluk, nebe woknakhikhe iti o.

Titus 2:13

Nit yogotak he, Yesus Kristus ebe Allah Etagapogot mekeat, tilninakhikhe meke etnogo akhuni nen hogorakhe korlek, thelekma hanotninabi isigin iti hasik, ninakla arleken akhekhe dogolik ebe therogo welago.

Ibrani 3:6

Mekeat he, at Yesus anek he, Allah ebe a'but nogo nen, at iteerek nenat hagakherek. Nit hanotninabigin wene iti hasik ninetaiken ninobatnerogon oba hakotdiluk motok dogogun halok he, Allah ai halek iti, nit ninebeat o.

Yakobus 1:18

Yi meke ti meke winametdisikhe meke tha'bokhogonat makusanegen nirat dogoagaluk, at ekaerek akla apalok ane ebe wene iti bagaat itakninakhikhemo welago.

1 Petrus 1:13

Iti nen, wene iti hutdiluk nen, holak pirlirli luogoluk inobakha herle a'bethogon wakharek iti hak, hinobabut hebelogo, hinetaiken ekerlogo dogono. Itithogon dogolik, hinakla nen, “Allah nen Yesus Kristus ebe thelekmaat la'i agunem hano meke woknisasigin o,” iluk hinetaiken at oba la'iluk oba eberek motok dogono o.

1 Petrus 1:21

Ebe watlageikhesikmo Allah nen ilugutdiluk hogorakhe dogoagaluk meldisikhemo, hinetaiken Allah oba hakotdiluk, “Yabokane at nen hanotninabigin,” iluk oba eberek welagap iti.

1 Petrus 1:23

Allah nen yabokane itakhinakhikhe iti, akhuni watlageikharek meke nen itaginakharek iti hak itakhinakhikhe 'buk. Allah iluk ikhok motok dogolik ane dek asigin dek motok dogogin meke baga itakhinakhikhe o.

1 Petrus 2:2

Yi meke ti meke ituk walhalok, hano egarek iti hak, ninoe Etagapogot obabut hano hegep iti nen, elege ket itago meke irlak abu nen nasi motok welageikharek iti hak, wene hano wene hinetaiken iti baga horle asumo hanothinabuagaluk, wene itiat hit warlokhogon waganho motok dogono o.

1 Petrus 3:15

Hit nen Kristus hinayukhogon hogorakhe dogolik, “Ninoe Etagapogot at o,” iluk hinetaiken oba nen hogorakhe dogono. Hogorakhunem, it aperek nen hinok hinoba waganhe dogolik, “Hano asigin, iluk oba eberek welagap iti nenaluk,” iluk yokhisugunem nen, oko wene hutukhogon yogeisagun meke hinakla eberek motok dogolik,

1 Petrus 3:21

It i baga tilinakhikhe iti tak-tak nit yogotak ima usogorek iti baga tilninakherek o. I baga tilninakherek iti, ima usa'inanhunem, ninoado i iti baga thobalagarek iti baga tilninakherek 'buk. At he, ninetaiken oba nen wene ninoba thelek asuagaluk Allah ayoko 'bisinem, Yesus Kristus watlageikhesik iluk ageikhe iti baga tilninakherek o.

1 Petrus 3:5

Haganeat it humi Allah a'buri meke inetaiken Allah baga hakotdiluk dogolik, inoba hanorogon itithogonat inaguni dopok inapma dogolik inane hologo hagakhe lagoukha.

1 Yohanes 2:29

At Kristus Allah a'but obabut hano mothogon anek hagakherek etnogo hinilu halok he, hit hinakla nen he, “It akhuni aperek inobabut hano mothogon hagakharek meke inebe tomok Allah a'buri yabokane itaginakhemo werek,” iluk hinilu asusagat o.

1 Yohanes 3:3

Nit ninakla nen, “Itithogon hagatlasugun,” iluk oba eberek welagorek meke ninebe tomok nen, at Kristus ekaerek ebe karelek welagarek iti hak, nit itithogonat karelekhe dogosak o.

1 Yohanes 3:9

Nen, akhuni Allah nen itaginakherek meke inebe tomok, at obabut waganiluk hagakharek iti nen, weak hagakho motok dogosak dek. Inebe Allah a'buriat dogolik weak hagakho motok welageikharek dek o.

1 Yohanes 4:7

Nagarlak lak nerugi. Nakmu lak o. Akhuni aperek inakmurinakharek iti erlo, at Alah at iti nenat, nit-nit nakmu-hakmurogon dogouok o. Akhuni nakmu-hakmurogon dogogun meke, inebe dopok Allah nen itaginakhikhemo, at a'buri dogolik, at ebe iniluat werek o.

1 Yohanes 5:1

Akhuni nen he, “Yesus iti Allah nen ayoko 'biluk la'i ageikhe meke eberogonat Kristus etnogoat o,” iluk inetaiken at oba hakotdegarek meke inebe tomok he, Allah nen itaginakhemo, at a'buri werek o. Nen, nit ninopase Allah ninakmurogon dogolik halok he, at a'buri itago meke iti ninakmurogon dogosagat o.

1 Yohanes 5:18

Nit Allah a'buri itakninakhe meke at a'but alebageik itakhikhe meke etnogo nen thetnisik werekma, at obabut weak meke etnogo nen iki haknisagein dek o. Halok he, nit weak hunik motok hagakhe dogosak dek, iluk ninilu o.