1 Petrus 1:22 - ALLAH ANE WENW KET MEKE WAROGO WOKNINAKHIKHE WENE

²² Ebe wene iti hinasuk holhe dogolik, hinakla nen weak meke horogo la'isalok, hinagarlak lak hinerugi Allah a'buri meke aperek eberogonat hinakmurogon hagakhe lagap iti, hinom hunik motok dogolik nakmu-hakmurogon hagakhe dogono.

1 Petrus 1:22 ပူးပေါင်းရင်းမြစ်များ

Yohanes 15:17

Nen, an nen wene hinasuk warogo yokhisigi iti, Hit-hit nakmu-hakmurogon dogono o, iluk yokhisigi itiat o,” iluk yogeisasikhe.

Yohanes 15:3

Nen, hit he, an nen wene yokhisegerek iti nen he, hinoboseka hakene palogo yorla yebelogo 'binageisikhemo welagap o.

Yohanes 17:17

Hat hane egetek iti, ebe weneat. Nen, hane ebe wene iti baga, it inebe hat hekarek hasigat dogoak nen wenago 'bisan o.

Yohanes 17:19

It inebe hat hekaerek hasik ebe wene baga wenago dogoagaluk, an it inobasik nebe hat 'bagagirik wenago welagei o.

La'isasikhe 15:9

It ninat hagarinakhik, nit ninat hagatninakhik, hagakhidek o. It nen Yesus ane eberogonat iluk waganhukhama, at nen inaklake horinakhikhe iti.

La'isasikhe 6:7

Itithogon hagakhe lagoukhama, Allah ane kok aga dogolik, akhuni o Yerusalem meke Yesus ane waganhukha meke inebe doalegat hagatlagoukha. Itithogon hagatlagunem, it ap Allah iteerek meke emenogo inebe motok doalegat nen, wene iti waganhukhasik inetaiken Yesus oba hakotdisukhaat.

Roma 1:5

At watlageikhesikmo nen Allah Agoreke nen ilugutdisikhe iti baga, an nen yi akhuni ti akhuni inukuloak etaga tomok inetaiken at Yesus oba hakotdiluk ane hologo hagakhe dogosak meke yakulisugunem, at etaga kok asuagaluk Allah obabut hano nen nayoko 'biluk la'ani ageikhe o.

Roma 2:8

Itithogon mekeat, it akhuni aperek nen inekaerek hasik anek hagakhe dogolik, ebe wene isinem inasuk hologo hagakhidek here'isalok, weak wene anek inasuk hologo hagakharek meke iti, Allah akla aga hetpet dageilik wene kokhogon inoba 'bigin o.

Roma 8:13

Hit hinobabut akhuni hinobabut hinikhogat dogolik hagakhe dogogun halok, hinebe motok watlasugun iti. Meke re, hinobabut itithogon hagasusak hagathinakhunem, Allah Agoreke ayoko 'biluk, at obatne baga watdisekhe dogogun halok he, hiniluk motok dogogun o.

2 Korintus 6:6

Itithogon hekhe dogoligat, ninobabut weak hagakhidek karelek dogolik, hano wene ninilu welageik, ninobakhanini hapugutdiluk welageik, ninobabut enago welageik, hagakhe lago. At Allah Agoreke ninakla dogolik akhuni inebe eberogonat ninakmurogon welago.

Galatia 3:1

Hit akhuni o Galatia meke hinetaiken dek hagakhe lagap etoma re! Yesus Kristus ebe o baga meldiluk wakhukha wene etnogo hinil obaat thekekhogon yakulhisasugu mekeat he, wene yabokane tha nen hinakla kagalhemo itithogon hagakhe lagap.

Galatia 5:5

Meke re, nit nen, ninetaiken Kristus oba hakotdisugusik, “Allah Agoreke nen itithogon yomaknisekhe korlek, Allah nen wene ninoba meke korogo wokhalok, at ninom yabokane ninapuke hunogo 'binanigin werek,” iluk oba eberek welago iti.

Galatia 5:7

Akhuni tha ae 'busuk werek tha ae 'busuk werek pirlirli lageikharek hak, hit haganeat nen, ebe wene iti hasik hinobabut akilukhogo hagakhe lagagip mekeat he, yabokane tha nen hinakla kagalhe lagama ebe wene iti hologo mothogon hagakhidek, hinakla puk welagap nogo.

Efesus 4:3

Allah Agoreke nen ninebe opakiat meke hunogo 'binanhemo dogolik, inebe hano dapukhogon welageikharek iti meke kogotdekhe dogono o.

Filipi 1:9

An nen sembayan hit hinobasik ekhe dogolik, men ekhe lagei, “Yi meke ti meke ai yakhunem erlo kok atluk dukhekherek hak, hit ebe wene hutukhogon hinilu ageik, hutdigik, hagakhe dogolik, akhuni inebe hinakmurogon welagap iti meke kokhogonat hinakmurinakhe dogobageik nen,” iluk, sembayan ekhe lageiat o.

1 Tesalonika 3:12

Nit nen hit hinebe ninakmurogon welago hak, hit nen itithogonat hit-hit hinakmurogon hagakhik, akhuni tha'bokhogonat hinakmurinakhik, kokhogonat hinakmurinakhe dogobageik nen, ninoe Etagapogot nen hinobabut inakmurinakharek iti meke oba dukhogon ageikhe inombat wokhisekhe dogoak.

2 Tesalonika 1:3

Nagarlak lak nerugi. Hit hinetaiken Kristus oba hakotdiluk welagathep meke iti, ageikhe inom kokhogon hakotdigik, hit-hit hinebe dopok nakmu-hakmurogon hagakhethep meke iti, ageikhe inom kokhogonat hinakmurinakhik, hagakhe lagap iti nen, nit nen hit hinobasik Allah hogorasusak mekeat hogorakho motok welago.

2 Tesalonika 2:13

Nagarlak lak nerugi. Hinebe ninoe Etagapogot nen akmu werek o. Erlo baga Allah nen hinebe tilhinabigiluk wenakhinakhikhemo, hit nen ebe wene iti eberogonat iluk waganhik, nen, hinebe Allah Agoreke nen Allah ekaerek hasik 'bakhalok karelogo 'bisigik, hagakhe dogogun iti baga tilhinabigin iti nen, nit Allah heagei wasusak tak-tagat, hit hinobasik heagei wakho motok welago o.

1 Timotius 1:3

An o Efesus nen o Makedonia yoma wisigiluk, hat hakla kagalogo wene men iluk yokhikhigi apigi, “Hat hebe o yoma dogono. Dogolik it aperek nen wene ebeat meke dek. Ninat meke yakulisiliogei meke iti igidek huk asuagaluk inasuk wakhe dogono.

1 Timotius 1:5

Inetaiken Allah nen horinakhunem inekaerek inakla nen he, “An wene noba dek, nakla thiok welagei,” iluk apekhe dogolik, inetaiken eberogonat Allah oba hakotdiluk welageikharek iti nen, akhuni inakmurogon welageikharek o. Halok he, it itithogonat dogoagaluk inasuk wakhe dogono, iluk yokhikhigi iti o.

1 Timotius 4:12

Hat hebe elege aban welagan iti nen, it akhuni aperek nen inakla meanetdagousak dek o. Meke re, hebe elegeat dogolik, akhuni aperek inetaiken Allah oba hakotdiluk werek meke nen, hat hobabut waganuagaluk, hane mothogon yogeisigik, hobabut mothogon hagakhik, akhuni hakmurinakhik, hetaiken Kristus oba hakotdiluk welageik, weak hagakhidek hilaga isonhogo welageik, hagakhe dogono.

1 Timotius 5:2

humi inarluetek iti, hagosa lak negen hinom welageik, humi tugum meke inom homagarlugi tharlisik meke inom, herugi negenat, hakla weak meke ebekhidek hilaga isonhogon hinom welageik, hagakhe dogolik, inasuk hanorogon wakhe dogono.

2 Timotius 1:14

Allah nen he, “Wene hano meke iti akhuni aperek nen weagatdinogo iluk, hanorogo haknarik dogono,” iluk, ninoba 'bisikhe meke iti, at Agoreke ninakla 'bisikhemo werek iti obatne baga hanorogon herogo dogono.

Ibrani 11:8

Ap Abraham meneke, Allah nen ayoko 'biluk, “Hat o ageikhe ite dogonogoluk wokhisik nen, lano,” iluk abok yogokhikhemo, at nen he, “Wene iti eberogonat,” iluk etaiken Allah oba hakotdiluk o koma ligin heat okodek dogoligat wageikhe.

Ibrani 13:1

Nagarlak lak nerugi. Allah a'buri hinebe opakiat meke negen nakmu-hakmurogon hagakhethep meke iti, itithogon hinom hunigat hagakhe dogono o.

Ibrani 5:9

Itithogon yakulhe dogolik, ilugun arat kobokhogon hagakhikhemo, nit at ane hologo dogogun meke ninebe tha'bokhogonat niniluk motok-motok dogoagaluk at ebe tilninakhikhe meke erlo arat hagarogo 'bisikhe iti.

Ibrani 6:10

At Allah obabut he, korlo hagakherek meke 'buk. At mothogon anek hagakherek iti nen, hit nen at obasik hagakhe dogolik hinagarlak lak hinerugi Allah a'buri meke aperek hinakmu nen alebageik yomageisigik, yabokane yomageisigik, hagakhe lagap meke iti, at nen hit hinobarlikmatdigin dek o.

Ibrani 9:14

It inoado itikmanke meke hasik sapi amep erlok dek meke baga erlok hano horinakhe lagoukha. Halok he, nit Kristus amep kok meke baga, “Wene hinoba dek,” iluk ninakla thelekhogon erlok motok 'binanherek o. Nit Allah iluk welagarek meke akla hanorogo hagakhe dogoagaluk, domba isi hano meke Allah warekhe lagoukha iti hak, at Kristus Allah Agoreke ikhok motok welagarek meke obatne baga, watlaga dogolik, ebe Allah wogokhikhe iti baga, nit alebat dek asigin meke we yugunat hagakhe lagagu meke, at nen, “Wene hinoba dek,” iluk, at amep oba ninakla thelekhogon 'binanhikhemo welago.

Yakobus 1:21

Iti nenat, yi weak ti weak hinekarli dek hagarik nekhethep meke iti here'isigik, weak kogat hagarik nekhe lagap meke iti here'isigik, hagakhe dogono o. Wene hano wene Allah nen hinakla ai yago 'bisikhe meke iti baga erlok tilhinabusak iti nen, hinetaiken thebekhogon at apma ukiluk, at nen wene hinakla kagaliogo meke iti waganhe dogono o.

Yakobus 4:8

Hit Allah oba dopokhogon welagap halok he, at meneke hit hinoba dopokhogon wisiginat o. Hit weak hagakhe lagap meke iti, hiniki bagake horogo here'isekhe dogono o. Hinetaiken pere meke yi re! Hinakla weak meke horogo la'isekhe dogono o.

1 Petrus 2:17

Akhuni tha'bokhogonat inalon halhe dogono. Itithogon yogeisekhe dogolik, hinagarlak lak hinerugi Allah a'buri meke hinakmurogo dogono o. Dogolik, Allah ebe hinayukhogon welageik, nen, Kaisar etagapogot pemerintah meke inoe kok iti alon halhik hagakhe dogono o.

1 Petrus 3:1

Iti hak, hit humi hinaguni Allah ane waganhidek meke hinane yogeisagun oba 'buk. Hinobabut hinilaga isonhogo hinaguni inane hologo hagakhunem, it nen inileken hisalok Allah werekmake witluk ane waganuagaluk, hinekaerek hinaguni dopok inapma ukiluk inane hologo hagakhe dogono o.

1 Petrus 3:20

Inagoreke iti inebe re, haganeat at Nuh nen ku kok meke halhe korlek, Allah obabut hano nen therisik werek korlegat, wene waganhidek here'isalok weak hagakho motok werekma i thalukhogon waga dogolik inakhukhama watlagoukha meke iti. Itithogon inakhe korlegat, it aperek ku kok meke akla ukiluk welagoukha meke, inebe 8 nen pererlagat i thalukhogon wageikhe iti baga tilinakhikhe iti.

1 Petrus 3:8

Wene iti ilukun warogo men yokhisak. Hit hinebe tha'bokhogonat hinakla nen, “Ninebe Allah a'buri ninagarlak lak ninerugi ninom,” iluk, hinetaiken hunik dogolik, hinakla opakiat meke apigik, hinetaiken opakiat meke ebekhik, hagakhe dogono.Itithogon hagakhe dogolik, hinekaerek nen hogorakhigidek, hinetaiken thebekhogon dogolik, hit-hit nakmu-hakmurogo hagakhe dogono.

1 Petrus 4:17

Allah nen ninitema waganogo wene ninoba 'bigik, kokhik, hagasigin iti arat horogat asi aga. Itithogon hagakhe dogolik, nit Allah a'buri meke tak ninitema waganogo wene ninoba 'bigik, kokhik, hagasigin halok, yabokane it akhuni aperek Allah ane hano wene waganhidek meke nitithogon hagarinabigin apegep?

1 Petrus 4:8

Wene kok hakene yi. Hit-hit nakmu-hakmurogon hagakhe dogolik, ageikhe nen ageikhe weagatdugun meke thagalogo motok degetdugun iti nen, hit-hit hinagarlak lak hinerugi hinom nakmu-hakmurogo motok hagakhe dogono.

2 Petrus 1:7

Allah akla warlok apekherek mothogon hagakhe dogolik, iti meke oba dukhogon, inagarlak lak inerugi inakmurogo welageikharek iti meke, ite atno. Hinagarlak lak hinerugi hinakmurogo dogolik, iti meke oba dukhogon, akhuni inebe tha'bokhogonat inetaiken hunik welageikharek iti meke, ite atno.

1 Yohanes 3:11

Wene Allah nen he, “Hit-hit nakmu-hakmurogon dogono o,” iluk yoknisasikhe meke, akhuni aperek nen yokhisasukhama erloma nen hinasuk holhigip itiat o.

1 Yohanes 3:23

At nen wene ninasuk wakhikhe iti, ebe re, “Hit hinetaiken an na'but Yesus Kristus oba hakotdiluk, at nen yokhisekhe iti hagat, hit-hit nakmu-hakmurogon dogono o,” iluk ninasuk wakhikhe itiat o.

1 Yohanes 4:12

Nen, Allah ebe iti, akhuni ageikhe nen inileken motok higidek o. Mekeat he, nit-nit nakmu-hakmurogon dogogun halok he, Allah ninom hunik motok dogogun o. Itithogon werekma, ebekeram Allah nen akmutninakhe dogolik, akla apasikhe iti hagat, yi meke ti meke hano 'bogokhogon hagakharek iti hak, nit-nit nakmu-hakmurogon dogoagaluk 'bogokhogon hagatninabiogo iti.

1 Yohanes 4:20

Itithogon mekeat he, akhuni nen inagarlak lak inerugi inileken hisegarek meke inakmu dek dogoligat he, Allah inileken hegarek dek meke inakmu dogosak apegep? Erlok dek o. Halok he, at ageikhe agarlak lak erugi motok a'it welagarek meke nen, “An Allah nakmu,” iluk iliogo halok he, ekalat iliogo o.

1 Yohanes 4:7

Nagarlak lak nerugi. Nakmu lak o. Akhuni aperek inakmurinakharek iti erlo, at Alah at iti nenat, nit-nit nakmu-hakmurogon dogouok o. Akhuni nakmu-hakmurogon dogogun meke, inebe dopok Allah nen itaginakhikhemo, at a'buri dogolik, at ebe iniluat werek o.

A'bikaka 2:4

Itithogon mekeat he, ebekeram hinetaiken an noba hunik welagagip tak-tagat, yogotak itithogon welagap dek iti anek he, Weak hagakhe lagap, iluk hinobabut palhe lagei o.