1 Korintus 9:8 - ALLAH ANE WENW KET MEKE WAROGO WOKNINAKHIKHE WENE

⁸ An wene igi iti, nit akhuni nen hagakhorek meke oba lisogon igi mekeat he, ebe Allah nen wene ninasuk wakhikhe meke etnogo baga iti ipisak tak-tagat igidek nogo. Isikhemo nenat igi o.

1 Korintus 9:8 ပူးပေါင်းရင်းမြစ်များ

Roma 3:31

Halok he, ninetaiken at oba hakotdekhe dogolik, wene Allah nen ninasuk wakhikhe wene etnogo thebelhe lago a? Dek o. At ane itiat obatnetdekhe lago.

Roma 3:5

Meke re, nit akhuni nen ninobabut korlo hagakhorek iti baga nen, Allah obabut mothogon hagakherek iluk ekagat hagatlagarek halok, nikithogon usak. Akhuni nen egarek hak an ik. At Allah akla aga dageiluk weagarinakherek iti korlo nogo?

Roma 6:19

Hit hinobabut wene yokhisigi iti hutdusak erlok dek hakene nen, hutdubageik nen iluk, akhuni inatuaneke dogolik hagakharek meke inoba lisogo yokhisekhe lagei iti. Hit alebageik, hiniki hinisok hinebe baga welagarek meke aperek inom tha'bokhogonat nen, weak meke atuaneke thalek wogokhik, yugunat hagakhik, hinasuk warek dek yi weak ti weak hagakhik, hagakhe lagagip iti. Iti hagat, yogotak hit hiniki hinisok hinebe baga welagarek meke aperek inom tha'bokhogonat nen, Allah ekaerek hasik 'bisalok mothogon hagakhe dogouogoluk, at wogokhe dogono o.

1 Korintus 7:40

Itithogon woginabusak mekeat he, waganhidek werlegat dogoumo, inakla hano motok dogosak apekhe lagei o. Itithogon apekhe lagei iti, Allah Agoreke nakla dogolik apekhe lagei.

Galatia 1:11

Nagarlak lak nerugi. An nen hano wene yogeisilik nekhe lagei iti, akhuni inane meke yogeisilik nekhe lagei dek iti hit hinilu asusagat o.

1 Tesalonika 2:13

Nit nen wene Allah ane etnogo yokhisasugumo, hit nen, “Wene iti akhuni inane meke dek o. Allah aneat o,” iluk waganhigip iti, eberogonat Allah aneat waganhigip o. Iti nen nit huk ageidek Allah heagei wakho motok welago. At Allah nen hit hinetaiken Kristus oba hakotdisigip meke hinakla kagalho motok welagarek o.

1 Tesalonika 4:8

Wene iti hit aperek nen here'isekhe lagap halok he, nit akhuni ninane meke here'isekhe lagap 'buk. Dek o. Allah nen Agoreke hit wokhisekherek meke etnogo ane mekeat here'isekhe lagap o.