1 Korintus 9:6 - ALLAH ANE WENW KET MEKE WAROGO WOKNINAKHIKHE WENE

⁶ E a, at he, it iti yabu waganhidek werlegat werek korlek, an Barnabas nipisak ninarligat anek yi meke ti meke niniki baga nen thet walogo here'isausak apegep?”

1 Korintus 9:6 ပူးပေါင်းရင်းမြစ်များ

La'isasikhe 11:22

Itithogon hagakhukhama, it akhuni aperek nen, “It Yesus ane waganhasik, inobabut hebelha o,” iluk inbaok ekhe lagoukhama it Allah a'buri, o Yerusalem natogokhe lagoukha meke emenogo inasuk holhukhasik nen, at Barnabas ayoko 'biluk, ebe o Antiokhia la'i agoukha.

La'isasikhe 13:50

Itithogon wialarik dukhisinem, it akhuni Yahudi meke nen, humi ap itikmanke meke inagugi koktek Allah ane waganhukha meke men, it ap o ukul kokma etoma inetaga werek koktek welagoukha meke men, inom nen Paulus Barnabas ipisak mugisoagaluk inakla kagalhukha. Itithogon inakla kagalhukhama, it nen, “Hit nit ninaila yoma dogosak dek o,” iluk mukhogo ula'isasukha.

La'isasikhe 14:12

Inane itithogon isukhasik nen, Barnabas etaga Zeus thalhik, nen, wene Paulus nen ekhe lageikhe iti nen, at etaga Hermes thalhik, isukha. Itithogon thalinakhukha iti, it nen, “Nit meke walhenak,” iluk oba hakotdiluk dogolik hogorakhe lagoukha meke inetaga meke thalinakhukha iti.

La'isasikhe 18:3

It Akwila Priskila ipisagat oko horlauwogoluk, o su ai meke 'bugukakhe lagoukha. At Paulus oko horlagaluk itithogonat 'bugukakhe lageikhe iti nen, it inoba wageikhesik dogolik, inomat 'bugukhakhe lagoukha.

La'isasikhe 4:36

Itithogon hagakhe dogolik, ap ageikhe etaga Yusuf. Ukuloak etaga Lewi meke. Ai o etaga Siprus meke, it ap Yesus nen inebe inayoko 'biluk la'isasikhe meke emenogo nen, nit ninane baga etaga Inetaiken Thebelherek meke iluk u hak, it inane baga etaga Barnabas thalhukha.

1 Korintus 11:16

Meke re, it aperek nen, iti hasik wene palusak werek halok he, nit inom, Allah a'buri o yi ai ti ai natogokharek meke inom, ninat hagakhidek, itithogonat hagakhorek anek.

2 Korintus 11:8

An nen hit yomakhisekhe lagei iti hasik, niki oko negen, it Allah a'buri o nekalokma nen woknikhunem waganhe lagei o. Itithogon waganhe lagei iti baga it akhuni aperek nen, “At Paulus nen it akhuni o Korintus meke yomageisagaluk, oko it aperek meke iki abusak negen waganiogo,” iluk yoknisusagat o.

1 Tesalonika 2:9

Nagarlak lak nerugi. Nit Allah ane hano wene iti yokhisugunem, yi meke ti meke hasik, hit aperek hinoba tiolhinabunogo iluk, nit ninekaerek nen dikene hibakone ninobatnerogon hagakhik, mep dageik-dagokhogon hagakhik, hagakhe lagagu etnogo, hiniluat o.