1 Korintus 9:5 - ALLAH ANE WENW KET MEKE WAROGO WOKNINAKHIKHE WENE

⁵ Nen, it ap aperek Allah nen inayoko 'biluk la'isa ageikhe meke inom, ninoe Etagapogot agarumi oporlik meke inom, at Kepas inom, inagugi wogosik liliogei iti hak, an anek he, nage Allah a'but meke wolok nekhe dogosak dek nogo a?

1 Korintus 9:5 ပူးပေါင်းရင်းမြစ်များ

Matius 13:55

Ap yi, ap o halherek meke etnogo a'but dek? Nen, agosa etaga Maria etnogo dek? Nen, agarumi oporlik meke, Yakobus inom, Yusuf inom, Simon inom, Yudas inom, emenogo dek?

Matius 8:14

Itithogon hagakhikhesik nen, at Yesus Petrus aila lageikhe meke, he Petrus akhoan oba agaken weak nen, witik werekma ileken hasikhe.

Markus 1:30

Inaila lagoukhasik nen, uma ukisukhama, Simon akhoan oba u agaken weak nen witik werekma ukisinem eranogoat, it nen, “He yi oba u nen werek o,” iluk Yesus yogokhukha.

Markus 6:3

At ebe he Maria eak o halherek meke etnogo dek? Agarumi oporlik meke, Yakobus men, Yoses men, Yudas men, Simon men, apigi. Nen, erugi nit ninom welago yoma dek?” iluk inakla meanetdisukhasik kolelogo thogotdisukha.

Lukas 6:15

Matius men, Tomas men, Alfeus a'but Yakobus men, Simon, “O yoma ninaierek meke anek dogogun,” iluk ekhe lageikhe etnogo men,

Lukas 8:20

Itithogon hagatlageikhemo it akhuni aperek nen men yogokhukha, “Yesus! Hat hagosa men, hagarumi men, hat hoba wageikha meke okutlu werek o,” iluk yogokhukhama,

Yohanes 1:42

Itithogon yogokhikhesik Yesus oba wolok wageikhemo, at Yesus ileken at oba lakhasikhesik nen, men yogokhikhe, “Simon Yohanes a'but yi, nagot. Hat hetaga Kepas ekhe dogoagaluk thalhakhi o,” iluk yogokhikhe. Itithogon yogokhikhe iti, nit yoma ninane baga etaga helekit u hak, it Yunani inane baga Petrus egarek hak, Ibrani inane baga etaga Kepas iluk thalhikhe iti.

Yohanes 2:12

Itithogon arat hagatluk nen, at Yesus ebe men, agosa men, agarlai men, agarumi at ane waganhe lagoukha meke men, inom o Kapernaum lagoukha. Lagoukhasik nen, iniki pere negen anek welagoukha.

La'isasikhe 1:14

It inebe eta inom, humi aperek inom, Yesus agosa Maria inom, Yesus agarumi oporlik meke inomat, inebe tha'bokhogonat inetaiken opakiat dogolik, sembayan isi motok welagoukha.

Roma 16:1

He nineru Febe iti ebe hinilurogo yakulhisak. At obabut hanoma Allah a'buri o Kengkrea meke yomageisekherek meke hinoba waga iti,

1 Korintus 1:12

Wene ebe, men ekhe lagap iti hasik igi. Hat ageikhe nen, “An Paulus meke,” isinem, hat ageikhe nen, “An Apolos meke,” igik, hat ageikhe nen, “An Kepas meke,” igik, hat ageikhe nen, “An Kristus meke,” igik, hinane asokhotek tomok ekhe lagap iti nen igi o.

1 Korintus 7:15

At ap etaiken Kristus oba hakotdigidek meke iti age here'isekhe halok he, here'isoagat o. Nen, at he etaiken Kristus oba hakotdigidek meke iti agun here'isalok dukhekhe halok he, dukhuagat o. Allah nen he, ninetaiken hapukhogon hano dogoagaluk ninayoko 'bisikhe iti nen he, itithogon hagasugun halok, wene hinoba 'busak dek o.

1 Korintus 7:39

It humi inaguni inebe iniluk werek korlek, ap ninat meke ageikhe woginabusak dek o. Inaguni inebe watlago halogat, inakla warlok apiliogei meke woginabusak. Meke re, yugunat meke woginabusak dek. Ninoe Etagapogot inom hunik meke anek woginabusak o.

1 Korintus 7:7

Akhuni tha'bokhogonat, an he dek werlegat welagarek hak dogoumo, hano, iluk apegerek mekeat he, at Allah nen ninobabut tomok, at ageikhe obabut ninat, at ageikhe obabut ninat, woknisasikhe iti nenat he, itithogon erlok dek o.

1 Korintus 7:8

Hit ap aperek, hinagugi dek meke inom, hit homagarlugi meke inom, humi thoge meke inom, an welagarek hagat dogoumo, hano, iluk yokhisigi iti o.

Galatia 1:19

Dogolik, it Yesus nen inayoko 'biluk la'isasikhe meke emenogo inebe aperek ninom abuk ageidek. Ninoe Etagapogot agot Yakobus etnogo anek nipisak abuk agagu.

1 Timotius 3:2

Iti nen, ap Allah a'buri therisik dogoagaluk, inobabut he, yi hakene meke meldisausak. Akhuni aperek nen, “At weak,” iluk wene oba 'bigidek meke halok, age opakiat meke halok, weak hagasuagaluk akla kagalhunem etaiken ekaerek therogo welagarek meke halok, etaiken kagalek meke halok, hagasusak meke tak-tagat hano hagakherek meke halok, ap huso wagunem woginakhik, hipiri inobasik hanorogon isakhik, werakhik, hagakherek meke halok, obabut wene hanorogon yakulisekherek meke halok,

1 Timotius 4:3

It nen wene ekhe dogolik, Humi woginabusak motok dek, igik, Yi meke ti meke nekarek meke iti, ageikhe yi meke usa. Neke dogosak dek, igik, ekhe dogogun,” iluk, Allah Agoreke nen yoknisasikhe tak-tagat iliogei iti o. Meke re, nekarek meke iti, Allah nen nit ninetaiken at oba hakotdiluk dogolik, ebe wene iti hutdogo halok he, heagei warogo neke dogoagaluk winametdisikhe meke hasigat iliogei iti o.

1 Timotius 5:2

humi inarluetek iti, hagosa lak negen hinom welageik, humi tugum meke inom homagarlugi tharlisik meke inom, herugi negenat, hakla weak meke ebekhidek hilaga isonhogon hinom welageik, hagakhe dogolik, inasuk hanorogon wakhe dogono.

Titus 1:6

Akhuni Allah a'buri aperek therisik dogoagaluk meldisausak iti, inobabut yi hakene meke meldisausak o. Akhuni aperek nen, “At weak,” iluk wene oba 'biliogei dek meke halok, age opakiat waganek meke halok, a'buri inetaiken Allah oba hakotdiluk welageikharek meke halok, it aperek nen ekhe dogolik, “Ap yi a'buri inasuk warek dek yugunat hagariogei iti nina'it,” iluk, abok paliogei dek meke halok, meldusak o.

Ibrani 13:4

Ap dek, humi dek, inobabut yugunat hagarinabik lageikharek meke inom, ap inagugi meke param hagakharek meke inom, it yabokane Allah nen wene inoba 'biluk weagarinabigin iti nen, ap nen humi iginakharek iti, akhuni tha'bokhogonat nen kogotdiluk, yugunat hagainakhidek humi ap waganek meke dopok inom hano noge ekhe dogosak o.