1 Korintus 9:3 - ALLAH ANE WENW KET MEKE WAROGO WOKNINAKHIKHE WENE

³ Akhuni nen nabok weak isi korlek, an nen oko yigithogon yogeisekhe lagei,

1 Korintus 9:3 ပူးပေါင်းရင်းမြစ်များ

Lukas 12:11

Hit hinitema waganuagaluk akhuni nen it akhuni Yahudi meke sembayan egarekma etoma men, it ap pemerintah meke inelokhoma etoma men, it ap inetagapogot inelokhoma men, wokhisik 'binagei lugun halok he, hinakla nen, Nit ninoado tilogo wene oko ki meke ugun, iluk hinelabut hikhup o.

La'isasikhe 22:1

At nen yogeisekhe dogolik, men yogeisasikhe, “Nougi nagarumi. Wene yi an noba dekma o, iluk nekaerek nebe nirlirlirogo yokhisagein yi hinasuk hanorogon holino,” iluk isinem,

La'isasikhe 25:16

Yoknekha meke re, an nen oko men yogeisigi, Nit akhuni Roma meke hagakhorek he, ap ageikhe wene oba 'bisinem, it wene oba 'bugun werek nen ap iti ebe yogokhunem, at nen oko it yogeisigidekma, inebe inasuagaluk wogeisausak dek, iluk yogeisigi.

1 Korintus 14:37

At ageikhe nen, “An nen Allah ane yokhisoagaluk, Allah Agoreke nen nobabut iti woknekhemo,” igik, e a, at he, “Ninat meke hagasuagaluk woknekhemo,” igik, ekhe halok, at nen, “Wene Paulus nen ekhe iti, ninoe Etagapogot nen ninasuk wakhikhe meke, holal waganogo ninoba la'i aga iti,” iluk at hutdiluk waganuak o.

1 Korintus 9:2

It akhuni aperek nen an hasik ekhe dogolik, “At Paulus Kristus nen ayoko 'bigidek o,” iluk isi halok he, hit nen, itithogon usak dek. An nayoko 'biluk la'ani ageikhemo wagagi iluk, hit hinebe ninoe Etagapogot hinom hunik welagap iti baga ekagat hutdanusak o.

1 Korintus 9:4

“An Allah ayabu hagakherek iti hasik, niki oko hipiri woknikhik, i woknikhik, hagakhunem, horlausak dek nogo a? Horlausagat o.

2 Korintus 13:10

Iti nenat, nebe walegat dogolik wene yi holal waganogo 'bekhe lagei. Nebe yabokane wagei halok he, ninom dogolik, nane puk weak wenakhisaunogo iluk, holal itithogon waganogo 'bekhe lagei iti o. Ninoe Etagapogot nen obatne woknikhikhemo iteerek welagei iti, hit hinebe weagathinabuogoluk 'buk. Hinetaiken horlethinabuogoluk iteerek welagei o.

2 Korintus 13:3

Hit nen he, “Paulus iti, Kristus akla dogolik iliogo a? Dek a,” iluk nobabut paluogoluk egep iti, nebe wagunem ekagat hutdanugunat o. At Kristus hit hagakhethep iti hasik ebe erlok dek nen obakhanini huk agarek 'buk. At hit hinom dogolik obatneat werek o.

2 Korintus 13:5

Hit nen he, “Nit ninetaiken Kristus oba hakotdisugu etnogo hakokthegat welago a? Dek a,” iluk hinekaerek nen hinobabut hutukhogon palano. Itithogon palekhe dogolik, erlok hagatlageidek halok he, “Yesus Kristus ninakla werek,” iluk ekagat hugun o.

Filipi 1:17

Meke re, it aperek ua paliogei meke iti nen, wene Kristus hasik yogeisiliogei iti, inetaiken opakiat dogolik yogeisiliogei 'buk. Inakla nen, “Paulus iki herle warek werek iti, ebe weak asuak,” iluk, inekaerek inetaga kok asuagalugat yogeisiliogei iti o.

Filipi 1:7

Allah obabut hano nen nayoko 'bisikhemo, an niki herle warek welageik, niki herle aban wakhidekma hano wene irlirli waganhik, obatnetdigik, hagakhe lagei hak, hit tha'bokhogonat itithogonat ninom hagakhe dogoagaluk hinayoko 'bisikheat iti nen, hit hinebe netaiken hunik welagei o. Iti nen he, an nen hit tha'bokhogonat hasik, “Yesus eberogonat hagathinabi isigin,” iluk apausak meke mothogonat apekhe lagei.

2 Timotius 4:16

Akhuni nen wene noba 'biluk, nitema alebageik waganhunem, an nen, “An noba 'bukmoat o,” iluk wene noba korugunem, it tha'bokhogonat an nalilu ageikhe yomakneau degat here'aniluk dukhega iti hasik, Allah nen ukum inoba 'bigidek dogoak o, iluk sembayan ekhe lagei.